Actualitats
Polonha: l’ultraconservator Andrzej Duda a tornat ganhar las eleccions presidencialas
Pendent la campanha electorala prometèt de far tornar al país “las valors de la familha tradicionala”, e mai diguèt divèrses prepauses omofòbs
L’ultraconservator Andrzej Duda del partit Drech e Justícia (PiS) a ganhat las eleccions presidencialas polonesas amb lo 51,03% dels vòtes al segond torn. Son adversari èra lo cònsol màger de Varsòvia, lo liberal Rafał Trzaskowski, qu’a obtengut 48,97% dels sufragis. Aquel resultat talament estrech rend evidenta la polarizacion que la viu Polonha. D’un caire, lo reelegit president Andrzej Duda, representa los elegeires ultraconservators mai que mai d’un entorn rural e catolic. Per contra, Trzaskowski simboliza lo centredrecha liberal, cosmopolita e europeïsta.
Pendent la campanha electorala, Andrzej Duda prometèt de far tornar al país “las valors de la familha tradicionala”, e mai diguèt divèrses prepauses omofòbs, mai que mai quand Trzaskowski mostrava dobèrtament son sosten al collectiu LGBTI.
Al primièr torn, que se tenguèt fa doas setmanas amb onze candidats elegibles, Duda foguèt lo mai votat amb lo 43,50% de las voses, mas venguèt pas president perque atenhiá pas mai de la mitat dels sufragis totals.
Las eleccions èran previstas pel 10 de mai mas se reportèron a causa de la crisi sanitària de la covid-19.
Pendent la campanha electorala, Andrzej Duda prometèt de far tornar al país “las valors de la familha tradicionala”, e mai diguèt divèrses prepauses omofòbs, mai que mai quand Trzaskowski mostrava dobèrtament son sosten al collectiu LGBTI.
Al primièr torn, que se tenguèt fa doas setmanas amb onze candidats elegibles, Duda foguèt lo mai votat amb lo 43,50% de las voses, mas venguèt pas president perque atenhiá pas mai de la mitat dels sufragis totals.
Las eleccions èran previstas pel 10 de mai mas se reportèron a causa de la crisi sanitària de la covid-19.
Jornalet es possible gràcias al sosten economic e jornalistic dels legeires e benevòls. Se lo podètz sosténer en venent sòci dels Amics del Jornalet o de l'Associacion ADÒC, o tot simplament en fasent un don, atal contribuiretz a far un mèdia mai independent e de melhora qualitat.
#8 Pòdi pas qu'estar d'acòrdi dambe çò que dises aquí. Es un resumit fòrça clar. Òsca.
#7 Los tractats europèus fan impossible tota politica d'esquèrra efectiva. Non coneissi pas ieu ni un solet estat d'Euròpa que non siá neoliberal a l'ora d'ara (e donc fòrça fòrça a dreita), ja qu'es impossible d'èsser qué que siá mai. Es per aiçò que los europèus non van mai votar. Òm se trufa d'eles : los decideires se chautan cap e tot de las colors electoralas dels estats d'euròpa. Non s'agís de la fin de l'istòria, mas sonque de la fin de la democracia (se jamai a agut un jorn o un autre una existéncia efectiva…). Es per aiçò (tanben) que Gui Debòrd podiá parlar de la "societat de l'espectacle" : espectacle de la democracia de veirina, del temps qu'en rèirabotiga, tot se decidís a l'ultraliberala…
Polonha es l'un daus solets pais non-gauchista d'Euròpa, mas vese que raibatz de lo veire sombrar coma la resta d'Euròpa.
#5 Holownia avèva un sosteng de joens pr'amor d'un discórs mès ecologista que non pas los autes.
Polarizacion, polarizacion... Era la mitat per la drecha e l'autra mitat per la drecha. Trzaskowski lo "cosmopolita" es un sòci dau PPE, ambé Martine Vassal e Pablo Casado.
Lo candidat principau de centre-senestra, Biedroń, foguèt eliminat au promier torn ambé lo 2,2% dei vòtes !
Li avia tanben l'independent Szymon Hołownia, que conoissi pas tròp, mai casi tot lo demai era drecha e extrema-drecha.
Vòstre comentari es a mand d’èsser validat. Per terminar lo procès de validacion, vos cal encara clicar sul ligam qu’anatz recebre per e-mail a l’adreiça qu’avètz indicada.
Escriu un comentari sus aqueste article
Senhala aqueste comentari