Actualitats
La darrièra òbra de Banksy recòrda l’importància del pòrt de la masca
Lo conegut artista urban desconegut a facha una accion dins lo mètro de Londres amb de messatges de prevencion de la covid-19
L’artista urban Banksy a represa son activitat per carrièras per remembrar als ciutadans l’importància de portar la masca. Dins un vidèo publicat sus son compte d’Instagram, l’artista, abilhat en obrièr de la desinfeccion, apareis a pintar sus las parets del mètro de Londres sos garris caracteristics que pòrtan de messatges per la prevencion de las infeccions de la covid-19. Lo vidèo es entitolat “Se te mascas pas, o capitas pas”, e s’acaba amb aqueste messatge: “Soi estat confinat, mas me torni quilhar”.
L’infirmièra supereroïna
Es pas la primièra accion de Banksy sus la crisi sanitària del coronavirus. Al començament del mes passat partegèt suls rets socials una òbra d’omenatge als emplegats de la santat ont mòstra un enfant a jogar amb sas monacas de supereròis e a priorizar un d’aqueles eròis: una infirmièra. Lo tablèu lo mandèt coma present a l’Espital General de Southampton (Anglatèrra) amb una letra que disiá: “Mercés per tot çò que fasètz. Espèri qu’aquò esclairarà un pauc aqueste luòc, e mai siá en blanc e negre”.
Un artista tan conegut coma desconegut
Banksy es un artista tan conegut coma desconegut. Son òbra engatjada, especialament a Calais, es fòrça celèbra, mas se desconeis son identitat. Dempuèi qualques annadas l’artista a mostrat un interès constant pel conflicte en Palestina, amb d’òbras memorablas que denóncian la situacion e critican las politicas de l’estat d’Israèl, dont la bastison de la barralha de separacion, e s’es engatjat amb una ostalariá qu’evòca aquela barralha.
Dins lo mes passat publiquèt un tablèu sul racisme e las inegalitats consagrat a la mòrt de George Floyd. La publicacion èra acompanhada d’un text ont explicava que lo racisme es un “problèma de blancs”.
L’infirmièra supereroïna
Es pas la primièra accion de Banksy sus la crisi sanitària del coronavirus. Al començament del mes passat partegèt suls rets socials una òbra d’omenatge als emplegats de la santat ont mòstra un enfant a jogar amb sas monacas de supereròis e a priorizar un d’aqueles eròis: una infirmièra. Lo tablèu lo mandèt coma present a l’Espital General de Southampton (Anglatèrra) amb una letra que disiá: “Mercés per tot çò que fasètz. Espèri qu’aquò esclairarà un pauc aqueste luòc, e mai siá en blanc e negre”.
Un artista tan conegut coma desconegut
Banksy es un artista tan conegut coma desconegut. Son òbra engatjada, especialament a Calais, es fòrça celèbra, mas se desconeis son identitat. Dempuèi qualques annadas l’artista a mostrat un interès constant pel conflicte en Palestina, amb d’òbras memorablas que denóncian la situacion e critican las politicas de l’estat d’Israèl, dont la bastison de la barralha de separacion, e s’es engatjat amb una ostalariá qu’evòca aquela barralha.
Dins lo mes passat publiquèt un tablèu sul racisme e las inegalitats consagrat a la mòrt de George Floyd. La publicacion èra acompanhada d’un text ont explicava que lo racisme es un “problèma de blancs”.
Jornalet es possible gràcias al sosten economic e jornalistic dels legeires e benevòls. Se lo podètz sosténer en venent sòci dels Amics del Jornalet o de l'Associacion ADÒC, o tot simplament en fasent un don, atal contribuiretz a far un mèdia mai independent e de melhora qualitat.
I a pas cap de comentari
Vòstre comentari es a mand d’èsser validat. Per terminar lo procès de validacion, vos cal encara clicar sul ligam qu’anatz recebre per e-mail a l’adreiça qu’avètz indicada.
Escriu un comentari sus aqueste article
Senhala aqueste comentari