So grop gavòt Paures Nautres de Coarasa (Comtat de Niça/ País dals Palhons) va sortir so siu 1er CD. Nos aviá ja regalat de quarques tròces dins sa compilacion "Nissa canta" facha per Nissart per Tougiou.

Sempre sostengut dins aquel projeit per s’associacion Nissart per Tougiou, fach per CDB produccion, so grop es constituit d’Arnaud e Manèl MARI, Titi per sa bassa, Genepi e Nico.

Música e paraulai occitanai coma francesai, so ritme ric e sa siu música entre ròc e hard ròc endiaulat dònan un còup de jove al repertòri que s'inspira entre autres dals paires Pelhon ò Maurís, ò dei siu eiretiers "Lo Mago d'en Castèu" mesclant preocupacions de joves e revendicacions globalai occitanai.

So 1er concert per sa sortiá oficiala (data ren programaa ancara) serà al seti de Nissart per Tougiou al Trident. Sai datai a seguir so sit de Nissart per Tougiou e so blòg de Dionisi.


Laurenç Revèst