Dissabte que ven, 12 de genièr, a l’ostal Ròchaguda d’Albi, se debanarà l’estrena de l’exposicion “Òme d’òc e ciutadan del Mond” en onor d’Enric-Pascal de Ròchaguda.
A 11h del matin, s’estrenarà la mòstra e a 14h lo talhièr de cant de COR interpretarà de cançons del manuscrit numèro 9; s’agís de cants nadalencs un pauc coquins.
L’aprèsdinnar, tre 15h, i aurà una seguida de conferéncias sus aquela personalitat occitana a cargue de Jòrdi Passerat, Pierre Berard e Mathieu Desachy. Se clavarà la jornada amb la projeccion del filme que realizèron al licèu La Peirosa en 1989 amb Robèrt Fabre e Paul Bigou.
A l’entorn de l’exposicion, pendent qualques jorns, i aurà d’activitats per conéisser melhor Ròchaguda. Los actes culminaràn lo 26 de genièr a 14h amb la Dictada Occitana, que se debana cada an simultanèament dins maitas vilas d’Occitània e dels Païses Catalans.
Enric-Pascal de Ròchaguda (Albi 1741-1834), marqués de Ròchaguda, foguèt oficièr de la marina francesa, autor d’un lexic, òme de literatura e bibliofil. Militar de l’armada, foguèt estrambordat per la Revolucion Francesa; l’elegiguèron deputat a la Constituenta e lo tornèron elegir a la Convencion Nacionala e al Conselh dels Cinc Cents jol Directòri.
Ça que la, Ròchaguda es vengut un dels personatges màgers de nòstra cultura per la siá facieta de filològ. Afogat de literatura occitana, foguèt un dels primièrs especialistas dels trobadors e demostrèt la continuitat entre la lenga d’aqueles e la lenga occitana modèrna. Son Parnasse occitanien (Parnàs occitan), prèst tre 1797, poguèt paréisser pas qu’en 1819.
Après la Revolucion, se retirèt a Albi dins l’ostalariá qu’assosta l’anciana bibliotèca municipala. Se consagrèt a l’estudi de la lenga occitana, de la literatura de l’Edat Mejana, e vodèt la fin de sa vida a la recèrca. En 1819, publiquèt Essai d’un glossaire occitanien (Assag d’un glossari occitan). Lo 9 de julhet de 1831, foguèt elegit mèstre dels jòcs de l’Acadèmia dels Jòcs Florals de Tolosa.
A sa mòrt, daissèt son ostalariá e sa bibliotèca a la vila d’Albi. Lo fons Ròchaguda constituís aital la basa del fons ancian de la bibliotèca municipala d’Albi. Compòrta en particular de poesias calhòlas en occitan.
A 11h del matin, s’estrenarà la mòstra e a 14h lo talhièr de cant de COR interpretarà de cançons del manuscrit numèro 9; s’agís de cants nadalencs un pauc coquins.
L’aprèsdinnar, tre 15h, i aurà una seguida de conferéncias sus aquela personalitat occitana a cargue de Jòrdi Passerat, Pierre Berard e Mathieu Desachy. Se clavarà la jornada amb la projeccion del filme que realizèron al licèu La Peirosa en 1989 amb Robèrt Fabre e Paul Bigou.
A l’entorn de l’exposicion, pendent qualques jorns, i aurà d’activitats per conéisser melhor Ròchaguda. Los actes culminaràn lo 26 de genièr a 14h amb la Dictada Occitana, que se debana cada an simultanèament dins maitas vilas d’Occitània e dels Païses Catalans.
Enric-Pascal de Ròchaguda (Albi 1741-1834), marqués de Ròchaguda, foguèt oficièr de la marina francesa, autor d’un lexic, òme de literatura e bibliofil. Militar de l’armada, foguèt estrambordat per la Revolucion Francesa; l’elegiguèron deputat a la Constituenta e lo tornèron elegir a la Convencion Nacionala e al Conselh dels Cinc Cents jol Directòri.
Ça que la, Ròchaguda es vengut un dels personatges màgers de nòstra cultura per la siá facieta de filològ. Afogat de literatura occitana, foguèt un dels primièrs especialistas dels trobadors e demostrèt la continuitat entre la lenga d’aqueles e la lenga occitana modèrna. Son Parnasse occitanien (Parnàs occitan), prèst tre 1797, poguèt paréisser pas qu’en 1819.
Après la Revolucion, se retirèt a Albi dins l’ostalariá qu’assosta l’anciana bibliotèca municipala. Se consagrèt a l’estudi de la lenga occitana, de la literatura de l’Edat Mejana, e vodèt la fin de sa vida a la recèrca. En 1819, publiquèt Essai d’un glossaire occitanien (Assag d’un glossari occitan). Lo 9 de julhet de 1831, foguèt elegit mèstre dels jòcs de l’Acadèmia dels Jòcs Florals de Tolosa.
A sa mòrt, daissèt son ostalariá e sa bibliotèca a la vila d’Albi. Lo fons Ròchaguda constituís aital la basa del fons ancian de la bibliotèca municipala d’Albi. Compòrta en particular de poesias calhòlas en occitan.
Jornalet es possible gràcias al sosten economic e jornalistic dels legeires e benevòls. Se lo podètz sosténer en venent sòci dels Amics del Jornalet o de l'Associacion ADÒC, o tot simplament en fasent un don, atal contribuiretz a far un mèdia mai independent e de melhora qualitat.
Romegaire a perdut una escasença de dire quicòm de senat
Soi d'acòrdi. Es una informacion que fa mestièr per totes, mès calriá trobar un biais de separar las anóncias evenemencialas de l'infò generala. Perque pas una colona ilustrada "eveniments" sul modèl de la rubrica dels opinants... Aquò dich, es aisit d'en parlar mès es segurament tecnicament complicat de realizar.
#1 Es pas qu'una question de redaccion. Aqueste article es interessant, mas seria mai fin d'informar en fin d'article qu'aqueles que volon s'asabentar mai o podon far a l'escasença de l'expausicion e de las conferéncias. Parièr per l'article de l'INOC, podria èsser redigit d'un biais un pauc mai "jornalistic". Levat la forma, tot es d'informacion!
E diga-me "romegaire" as pas fach cap de comentari sus l'article de "la veirina subrebèla" de Milhau; es pas d'autopromo? trobas l'article d'un engèni e d'un interés superior?
#1
Romegaire per res ...
Soi tras que contènt de descobrir l'Enric Pascal de Ròchaguda. Un autor occitan que coneissiai pas.
Es lo ròtle de Jornalet de nos permetre aquesta mena de descobèrta
Òsca
autopromo.autopromo.pas sa plaça dens un diari d'INFORMACION.
Vòstre comentari es a mand d’èsser validat. Per terminar lo procès de validacion, vos cal encara clicar sul ligam qu’anatz recebre per e-mail a l’adreiça qu’avètz indicada.
Escriu un comentari sus aqueste article
Senhala aqueste comentari