Actualitats
Peireguers aculhirà dijòus que ven un omenatge a Joan Pau Verdier
L’eveniment aurà luòc al pargue Gamenson de Peireguers a partir de 20h30 e comprendrà una partida musicala e la projeccion d’Istòria d’Adrian
Dijòus venent, lo 23 de julhet, se tendrà una serada d’omenatge a Joan Pau Verdier, figura màger de la Nòva Cançon occitana que nos quitèt lo 21 de junh passat. L’eveniment aurà luòc al pargue Gamenson de Peireguers a partir de 20h30 e comprendrà una partida musicala amb Didier e Roselyne Berguin; puèi se projectarà sus un grand ecran en plen aire lo filme d’Istòria d’Adrian, un longmetratge en occitan que ganhèt fa 40 ans la Camèra d’Aur del Festenal de Canas e que Verdier ne compausèt la musica.
La serada l’organiza Ciné Passion e la sostenon lo departament de Dordonha, la vila de Peiriguers, la Cinematèca de la region Nòva Aquitània e la ràdio France Bleu Périgord.
Militant anarquista e libertari
Verdier foguèt un dels primièrs cantadors en occitan publicats per un ostal de disques francés, Philips, en 1973 amb lo disc Occitània Sempre, un fach que certans occitanistas critiquèron. De remarcar qu’aquel album lo realizèt amb la collaboracion de l’escrivan Michèu Chapduèlh, que li escriguèt los tèxtes en occitan lemosin. Al total, entre albums e singles, Joan Pau Verdier a publicat 30 disques e es tanben lo compositor de la musica d’Istòria d’Adrian, un filme en occitan que ganhèt fa 40 ans la Camèra d’Aur del Festenal de Canas.
Amb Marçau Peironi, Verdier animava cada dimenge a miègjorn l’emission “Meitat chen, meitat pòrc“ sus France Bleu Peiregòrd. Aquesta ràdio es dels primièrs mèdias qu’an planguda la mòrt.
Militant occitanista e libertari, èra un dels artisans màgers de la creacion de la Federacion Anarquista-Comunista d’Occitània (FACO) amb Gui Maslobièr. Sentiá una granda admiracion de Léo Ferré del qual revirèt en occitan sa cançon “Ni Diu ni mestre“ e al qual consagrèt tot un album.
Prèmi Joan-Pau Verdier de la Cançon Occitana
La nòva agéncia occitana de promocion artistica Virasorelh a anonciat la creacion d’un prèmi de la cançon occitana en omenatge al celèbre cantador desaparegut ongan. Lo palmarés de l’edicion 2020 serà conegut en genièr de 2021. L’eveniment ten lo supòrt de Jornalet.
La serada l’organiza Ciné Passion e la sostenon lo departament de Dordonha, la vila de Peiriguers, la Cinematèca de la region Nòva Aquitània e la ràdio France Bleu Périgord.
Militant anarquista e libertari
Verdier foguèt un dels primièrs cantadors en occitan publicats per un ostal de disques francés, Philips, en 1973 amb lo disc Occitània Sempre, un fach que certans occitanistas critiquèron. De remarcar qu’aquel album lo realizèt amb la collaboracion de l’escrivan Michèu Chapduèlh, que li escriguèt los tèxtes en occitan lemosin. Al total, entre albums e singles, Joan Pau Verdier a publicat 30 disques e es tanben lo compositor de la musica d’Istòria d’Adrian, un filme en occitan que ganhèt fa 40 ans la Camèra d’Aur del Festenal de Canas.
Amb Marçau Peironi, Verdier animava cada dimenge a miègjorn l’emission “Meitat chen, meitat pòrc“ sus France Bleu Peiregòrd. Aquesta ràdio es dels primièrs mèdias qu’an planguda la mòrt.
Militant occitanista e libertari, èra un dels artisans màgers de la creacion de la Federacion Anarquista-Comunista d’Occitània (FACO) amb Gui Maslobièr. Sentiá una granda admiracion de Léo Ferré del qual revirèt en occitan sa cançon “Ni Diu ni mestre“ e al qual consagrèt tot un album.
Prèmi Joan-Pau Verdier de la Cançon Occitana
La nòva agéncia occitana de promocion artistica Virasorelh a anonciat la creacion d’un prèmi de la cançon occitana en omenatge al celèbre cantador desaparegut ongan. Lo palmarés de l’edicion 2020 serà conegut en genièr de 2021. L’eveniment ten lo supòrt de Jornalet.
Articles relacionats
Jornalet es possible gràcias al sosten economic e jornalistic dels legeires e benevòls. Se lo podètz sosténer en venent sòci dels Amics del Jornalet o de l'Associacion ADÒC, o tot simplament en fasent un don, atal contribuiretz a far un mèdia mai independent e de melhora qualitat.
I a pas cap de comentari
Vòstre comentari es a mand d’èsser validat. Per terminar lo procès de validacion, vos cal encara clicar sul ligam qu’anatz recebre per e-mail a l’adreiça qu’avètz indicada.
Escriu un comentari sus aqueste article
Senhala aqueste comentari