Actualitats
Eth Har de Comenge ten sa pagina web
Se ven d’inaugurar un sit web per comprene tot çò que se passa a l’entorn d’aquesta tradicion comengesa del fuòc de Sant Joan
Nomenat “Haro” a Les (Quate Lòcs) e “Taro” a Arties (Arties e Garòs), “eth Har” de Comenge es un dels eiretatges culturals mai reconeguts del patrimòni immaterial d’Occitània. Se tracta d’una fèsta populara a l’entorn del tronc d’avet quilhat e cremat dins la nuèch de Sant Joan en Comenge e en Aran. Ara Eth Ostau Comengés ven d’inagurar un sit web consagrat a aquesta tradicion per comprene tot çò que s’i passa. Lo sit conten d’informacions, d’articles, de fòtos, de vidèos, etc. Lo podètz vesitar sus: www.ostaucomenges.org/har.
Ongan, a causa de la crisi sanitària, Occitània a viscut d’un biais diferent las tradicionalas fèstas de Sant Joan que la majoritat se son pas pogudas téner. E es gràcias a d’iniciativas coma la d’aqueste sit web que la fèsta a pas perdut son vam per tornar l’an que ven amb una celebracion normala. Un projècte similar es estat lo Musèu Virtual de las Fèstas del Fuòc del projècte Prometheus, al qual Eth Ostau Comengés participa tanben.
De soslinhar que la fèsta de Sant Joan es una celebracion que se ten per tota Occitània, e mai dins fòrça endreches de país lo fuòc l’aja amortat la boca empastada de la Fèsta de la Musica. En Aran e en Comenge la fèsta es fòrça viva, mai que mai tre que foguèt classada Patrimòni Cultural Immaterial per l’UNÈSCO.
Ongan, a causa de la crisi sanitària, Occitània a viscut d’un biais diferent las tradicionalas fèstas de Sant Joan que la majoritat se son pas pogudas téner. E es gràcias a d’iniciativas coma la d’aqueste sit web que la fèsta a pas perdut son vam per tornar l’an que ven amb una celebracion normala. Un projècte similar es estat lo Musèu Virtual de las Fèstas del Fuòc del projècte Prometheus, al qual Eth Ostau Comengés participa tanben.
De soslinhar que la fèsta de Sant Joan es una celebracion que se ten per tota Occitània, e mai dins fòrça endreches de país lo fuòc l’aja amortat la boca empastada de la Fèsta de la Musica. En Aran e en Comenge la fèsta es fòrça viva, mai que mai tre que foguèt classada Patrimòni Cultural Immaterial per l’UNÈSCO.
Jornalet es possible gràcias al sosten economic e jornalistic dels legeires e benevòls. Se lo podètz sosténer en venent sòci dels Amics del Jornalet o de l'Associacion ADÒC, o tot simplament en fasent un don, atal contribuiretz a far un mèdia mai independent e de melhora qualitat.
#1 Adishatz, qu'ei justament entà d'arresponer ad'aqueras questions qu'auèm hèt aquesta paja Web.
E qu'anirà creixent damb eths estudis que miam.
Qu'ètz bienvengut !
Fa qualques trenta ans, ja, èri montat una fin de novembre pro ennevada a cim d'un pic (o Tuc ?) que se disiá "deth Har", en Coserans Aut, al nòrd del Tuc de Sèrra Hauta. Me demandi s'aviá la meteissa significacion qu'aqueste Har de Comenge, ja que s'aplanta, aqueste pic, a un pòrt sonque e la Val d'Aran; e gaire luènh de Comenge, dins la tan bèla de Val de Castilhon.
I a tot un trabalh (monumental) de complir subre la toponimia de las autas montanhas de las Alps e dels Pirenèus, un trabalh ja complit en Catalonha e Aran, e segurament per Euskadí. Mas pel demai d'Occitania e per Aragon de la fabla, non sè encara renduts.
Vòstre comentari es a mand d’èsser validat. Per terminar lo procès de validacion, vos cal encara clicar sul ligam qu’anatz recebre per e-mail a l’adreiça qu’avètz indicada.
Escriu un comentari sus aqueste article
Senhala aqueste comentari