Actualitats
L’estat francés poiriá barrar la frontièra d’Aran e Catalonha
Dins las regions de Lhèida e de Barcelona i a agut una remontada inquietanta de las infeccions de la covid-19
L’estat francés poiriá barrar la frontièra que separa Comenge d’Aran e Catalonha Nòrd de Catalonha Sud a causa de la covid-19. Dins las regions de Lhèida e de Barcelona i a agut una remontada inquietanta de las infeccions del temps que las autoritats municipalas, regionala e estatala s’acusan mutualament d’una marrida gestion.
Uèi s’amassaràn a Matignon lo primièr ministre de França, Jean Castex, amb la viceprimièra ministra del govèrn espanhòl, Carmen Calvo.
La situacion dins l’airal de Barcelona a compelit la Generalitat de demandar a las gents que demòren a l’ostal per ensajar d’arrestar la transmission comunautària de la malautiá; ça que la, las estradas e las plajas de Catalonha èran plenas de barceloneses que passavan la dimenjada.
Los cònsols màgers de las comunas afectadas e lo govèrn de la Generalitat se baton per decidir quinas mesuras cal entreprene, mentre que los professionals de la santat planhon aquela situacion. De lor caire, lo ministèri public espanhòl e quitament la justícia espanhòla son a desqualificar las mesuras que la Generalitat vòl impausar per arrestar las infeccions. Pasmens, un jutge si qu’a autorizat las mesuras que lo govèrn catalan prepausa dins la region de Barcelona dins las doas setmanas avenidoiras.
Segon lo ministre de la santat espanhòl, Salvador Illa, se pòt pas parlar d’una segonda èrsa de la malautiá dins la region de Barcelona, mas Illa demanda que se prenga totas las mesuras sanitàrias. A mai, a pas escartat que lo govèrn espanhòl torne decretar un còp de mai l’estat d’alarma, çò que suspendriá un còp de mai lo poder de la Generalitat.
Uèi s’amassaràn a Matignon lo primièr ministre de França, Jean Castex, amb la viceprimièra ministra del govèrn espanhòl, Carmen Calvo.
La situacion dins l’airal de Barcelona a compelit la Generalitat de demandar a las gents que demòren a l’ostal per ensajar d’arrestar la transmission comunautària de la malautiá; ça que la, las estradas e las plajas de Catalonha èran plenas de barceloneses que passavan la dimenjada.
Los cònsols màgers de las comunas afectadas e lo govèrn de la Generalitat se baton per decidir quinas mesuras cal entreprene, mentre que los professionals de la santat planhon aquela situacion. De lor caire, lo ministèri public espanhòl e quitament la justícia espanhòla son a desqualificar las mesuras que la Generalitat vòl impausar per arrestar las infeccions. Pasmens, un jutge si qu’a autorizat las mesuras que lo govèrn catalan prepausa dins la region de Barcelona dins las doas setmanas avenidoiras.
Segon lo ministre de la santat espanhòl, Salvador Illa, se pòt pas parlar d’una segonda èrsa de la malautiá dins la region de Barcelona, mas Illa demanda que se prenga totas las mesuras sanitàrias. A mai, a pas escartat que lo govèrn espanhòl torne decretar un còp de mai l’estat d’alarma, çò que suspendriá un còp de mai lo poder de la Generalitat.
Jornalet es possible gràcias al sosten economic e jornalistic dels legeires e benevòls. Se lo podètz sosténer en venent sòci dels Amics del Jornalet o de l'Associacion ADÒC, o tot simplament en fasent un don, atal contribuiretz a far un mèdia mai independent e de melhora qualitat.
#2 es pas brica lo subjècte. Sèm pas en 1939, aquela comparason ambe la situacion actuala es tras que dobtosa.
E qué ? Non vos agrada d'entendre remembrar qu'en 1939, al còr d'ivèrn, França barrava ja sas frontièras per empachar los eròis republicans en retirada de fugir los masèls, las persecussions violentas e los bombardaments fascistas de las populacions civilas ? E mai quand França acceptèt enfin d'obrir sas frontièras, foguèt per parcar de tira centenats de milierats d'exiliats, refugiats politics republicans, dins de camps de concentracion, coma de bèstias salvatjas dangierosas, dins de condicions inumanas, umiliantas e injustas que nos cobrisson encara de vergonha. Quand entendi que barran las frontièras amb Val d'Aran e Catalonha Sud, non me pòdi empachar de tornar pensar a aquestes tempses sinistrasses.
S'èran ja entrainats en 1939, o pòdon tornar far…
Vòstre comentari es a mand d’èsser validat. Per terminar lo procès de validacion, vos cal encara clicar sul ligam qu’anatz recebre per e-mail a l’adreiça qu’avètz indicada.
Escriu un comentari sus aqueste article
Senhala aqueste comentari