Actualitats
Se publica la version occitana d’un libre de Carles Puigdemont
Entitolada La crisi catalana, una oportunitat per Euròpa, la traduccion occitana l’an facha Sèrgi Viaule e Jòrdi Blanc e la publica Vent Terral
Mentre que se publica uèi en Catalonha lo tot nòu libre de Carles Puigdemont entitolat M’explico. De la investidura a l’exili, serà disponibla la traduccion en occitan d’un obratge del meteis autor de 2018. Entitolada La crisi catalana, una oportunitat per Euròpa, l’òbra l’an traducha Sèrgi Viaule e Jòrdi Blanc e es publicada per Vent Terral.
“Me contenta bravament qu’aquesta òbra siá publicada tanben en occitan”
Dins lo prològ de l’edicion occitana lo president catalan en exili explica que “lo combat dels catalans es devengut un combat per la libertat. Un combat democratic qu’inspira de pòbles de pertot en Euròpa e dins lo Mond, per construire una societat diferenta, mai justa, mai respectuosa de las minoritats e mai democratica. Es dins aquesta lucha que nos reconeissèm, e esperam que cada jorn d’autres europèus la fagan sieuna, que lo sègle XXI deu èsser lo sègle de la democracia e de la libertat. Aquò me contenta bravament qu’aquesta òbra, la primièra qu’escriguèri en exili, siá publicada tanben en occitan. Una lenga sòrre d’un pòble fraire, que totjorn nos trobarà dins la defensa de tot çò que partejam. Imaginar lo Mond dins sa pròpria lenga es una de las manièras mai bèlas de construire una Euròpa melhora.”
Quicòm que truca dins la democracia europèa
Lo messatge politic dels independentistas catalans, segon Puigdemont, “s’adreiça pas sonque als ciutadans dels territòris qu’an d’aspiracions similaras a las de Catalonha. Pas solament. Nos adreiçam a totes los ciutadans qu’an lo sentit que quicòm fonciona pas coma calriá dins la democracia europèa.”
Una oportunitat per Euròpa
Dins las paginas 193-194 podèm legir que, segon lo president catalan en exili, “la crisi catalana pòt èsser una oportunitat per Euròpa, per mai d’una rason. La primièra es que se tracta d’una aspiracion independentista pacifica, que respècta lo sens de l’Union Europèa, e amb la participacion dels ciutadans e de la societat civila. Es un movement democratic que s’inserís dins la modernitat e non pas dins lo passat. Euròpa a l’oportunitat d’aprene de l’experiéncia catalana, de l’engatjament de sa populacion, d’un movement collectiu pacific, dobèrt e alègre”.
Una oportunitat per Occitània
E es tanben una oportunitat pels occitans. Dins las paginas 221-222 podèm legir que Puigdemont exigís de l’Union Europèa “dins sa diversitat lingüistica e culturala” qu’acòrde “ reconeissença e proteccion formala als pòbles reconeguts dins cada lenga e dins cada cultura d’Euròpa”.
De comandar sul sit de Vent Terral: vent-terral.com
“Me contenta bravament qu’aquesta òbra siá publicada tanben en occitan”
Dins lo prològ de l’edicion occitana lo president catalan en exili explica que “lo combat dels catalans es devengut un combat per la libertat. Un combat democratic qu’inspira de pòbles de pertot en Euròpa e dins lo Mond, per construire una societat diferenta, mai justa, mai respectuosa de las minoritats e mai democratica. Es dins aquesta lucha que nos reconeissèm, e esperam que cada jorn d’autres europèus la fagan sieuna, que lo sègle XXI deu èsser lo sègle de la democracia e de la libertat. Aquò me contenta bravament qu’aquesta òbra, la primièra qu’escriguèri en exili, siá publicada tanben en occitan. Una lenga sòrre d’un pòble fraire, que totjorn nos trobarà dins la defensa de tot çò que partejam. Imaginar lo Mond dins sa pròpria lenga es una de las manièras mai bèlas de construire una Euròpa melhora.”
Quicòm que truca dins la democracia europèa
Lo messatge politic dels independentistas catalans, segon Puigdemont, “s’adreiça pas sonque als ciutadans dels territòris qu’an d’aspiracions similaras a las de Catalonha. Pas solament. Nos adreiçam a totes los ciutadans qu’an lo sentit que quicòm fonciona pas coma calriá dins la democracia europèa.”
Una oportunitat per Euròpa
Dins las paginas 193-194 podèm legir que, segon lo president catalan en exili, “la crisi catalana pòt èsser una oportunitat per Euròpa, per mai d’una rason. La primièra es que se tracta d’una aspiracion independentista pacifica, que respècta lo sens de l’Union Europèa, e amb la participacion dels ciutadans e de la societat civila. Es un movement democratic que s’inserís dins la modernitat e non pas dins lo passat. Euròpa a l’oportunitat d’aprene de l’experiéncia catalana, de l’engatjament de sa populacion, d’un movement collectiu pacific, dobèrt e alègre”.
Una oportunitat per Occitània
E es tanben una oportunitat pels occitans. Dins las paginas 221-222 podèm legir que Puigdemont exigís de l’Union Europèa “dins sa diversitat lingüistica e culturala” qu’acòrde “ reconeissença e proteccion formala als pòbles reconeguts dins cada lenga e dins cada cultura d’Euròpa”.
De comandar sul sit de Vent Terral: vent-terral.com
 | Version occitana: PUIGDEMONT, Carles. La crisi catalana, una oportunitat per Euròpa. Vent Terral, 2020. 240 paginas. 14 èuros.  |
 | Version catalana: PUIGDEMONT, Carles. La crisi catalana, una oportunitat per a Europa. Conversa amb Olivier Mouton.Edicions La Campana, 2018. 240 paginas. 18 èuros. |
 | Se publica uèi: PUIGDEMONT, Carles. M’explico. De la investidura a l’exili. Edicions La Campana, 2020. 680 paginas. 21,90 èuros. |
Jornalet es possible gràcias al sosten economic e jornalistic dels legeires e benevòls. Se lo podètz sosténer en venent sòci dels Amics del Jornalet o de l'Associacion ADÒC, o tot simplament en fasent un don, atal contribuiretz a far un mèdia mai independent e de melhora qualitat.
I a pas cap de comentari
Vòstre comentari es a mand d’èsser validat. Per terminar lo procès de validacion, vos cal encara clicar sul ligam qu’anatz recebre per e-mail a l’adreiça qu’avètz indicada.
Escriu un comentari sus aqueste article
Senhala aqueste comentari