Actualitats
Avinhon: demandan de cambiar lo nom de doas carrièras
Lo Partit Comunista planh que doas carrièras de la vila sián consagradas a de mond qu’inspirèron de tèsis nazis o que perseguiguèron de josieus
Lo Partit Comunista a demandat de cambiar los noms de las carrièras Alexis Carrel e Aimé Autrand a Avinhon. Lo PC faguèt aquela demanda dimenge passat, 19 de julhet, jornada consagrada a la memòria de las victimas des crimes racistas e antisemitas.
Alexis Carrel inspirèt de tèsis nazis del temps qu’Aimé Autrand contribuissiá a elaborar de listas d’abitants josieus. Lo comunista André Castelli explica l’istòria d’aqueles dos personatges a France Bleu.
Segon Castelli, las municipalitats que nomenèron aquelas carrièras faguèron pas pro atencion a lor percors e “lei fachs de l’istòria son, de còps que i a, de mau far valer”.
Per cambiar lo nom d’una carrièra cal un vòte en conselh municipal, e es justament en aquel vòte que lo PC prepausarà de noms alternatius de “personalitats qu’an contribuit a ajudar la vida dei gents”, çò a dich Castelli.
Alexis Carrel inspirèt de tèsis nazis del temps qu’Aimé Autrand contribuissiá a elaborar de listas d’abitants josieus. Lo comunista André Castelli explica l’istòria d’aqueles dos personatges a France Bleu.
Segon Castelli, las municipalitats que nomenèron aquelas carrièras faguèron pas pro atencion a lor percors e “lei fachs de l’istòria son, de còps que i a, de mau far valer”.
Per cambiar lo nom d’una carrièra cal un vòte en conselh municipal, e es justament en aquel vòte que lo PC prepausarà de noms alternatius de “personalitats qu’an contribuit a ajudar la vida dei gents”, çò a dich Castelli.
Jornalet es possible gràcias al sosten economic e jornalistic dels legeires e benevòls. Se lo podètz sosténer en venent sòci dels Amics del Jornalet o de l'Associacion ADÒC, o tot simplament en fasent un don, atal contribuiretz a far un mèdia mai independent e de melhora qualitat.
#3 Non pas, s'apelaràn "carrèra Nestor Makhno" e "carrèra Buenaventura Durruti". Va plan atau ?
Aquò es una bona chausa !
Aitanben me languisse pro de saubre lo nom que ven... Se chau pas faire d'idèias, las autoritats localas nos van segurament batesar l'endreit a la glòria d'un quauque personatge mediterranhan sotmés a la republica jacopina de París... té !
Perpausi a las comunas d'Occitània, de batejar d'unas plaças e carrièras del nom de Mireia Boya, eroîna del pòble occitan en lòc de noms de nòstres bòrrels francimans...
Oc, cau cambiar ! Sonque a Pau, que caleré tirar los noms de Napoleon (dictator,genocidi de Sent-Domenge, restabliment de l'esclavatge a las Antilhas, decrets contre los Judius en 1808, milions de soldats morts (1,8 sonque per l'Estat francés),...), Richelieu ( monarquia absoluda, 20000 morts au sièti de la Rochelle, Lois IX, Isly (victoria deu sinistre colonisator Bugeaud contre los Marroquins,,Foch,Joffre, Clemenceau,...
E donc, coma van renomar quelas charrieras ? Daus noms d'Stalin e Mao ?
Vòstre comentari es a mand d’èsser validat. Per terminar lo procès de validacion, vos cal encara clicar sul ligam qu’anatz recebre per e-mail a l’adreiça qu’avètz indicada.
Escriu un comentari sus aqueste article
Senhala aqueste comentari