Russia cèrca tanben de ganhar la corsa per trobar un vaccin contra la covid-19. Segon de mèdias russes, l’Institut Gamaleia d’Epidemiologia e Microbiologia a un vaccin lèst per èsser fabricat massissament en setembre.
 
Dins la primièra fasa, lo vaccin es estat testat amb succès en de desenats de personas, dont de volontaris, de militars e de personas restacadas amb lo projècte. Los volontaris an generat d’anticòrses que pòdon luchar contra lo coronavirus e degun a pas patit d’efièches segondaris importants.
 
L’Organizacion Mondiala de la Santat compta sus aquel projècte, mas dins sa lista, i a una quinzena de projèctes pus avançats coma lo vaccin d’Oxford e lo que lo realiza la societat chinesa Sinovac.