Actualitats
Frederic Vergés serà lo 6n laureat del Prèmi Robèrt Lafont
Aquel guierdon de la Generalitat de Catalonha s’autreja a las personas e collectius distinguits per las defensa, projeccion e promocion de l’occitan
La Generalitat de Catalonha autrejarà lo 6n Prèmi Robèrt Lafont a l’aranés Frederic Vergés Bartau. Aquel guierdon s’autreja a las personas e collectius distinguits per las defensa, projeccion e promocion de l’occitan, lenga oficiala al Principat de Catalonha dempuèi 2006 per que sián garentits los dreches dels ciutadans d’Aran.
Après un dotzenat de proposicions recebudas, e la campanha mediatica que l’a facha lo Conselh General d’Aran per prepausar Vergés, la jurada a decidit de li decernir lo guierdon, que se remetrà dins una ceremònia en novembre que ven al palais de la Generalitat.
Vergés foguèt pionièr en l’ensenhament de l’occitan en Aran dins los ans 1970 e puèi foguèt formator d’ensenhaires per metre l’occitan aranés dins las escòlas d’Aran. Es autor del Petit Diccionari e ara es a confeccionar un lexic fòrça pus espandit.
Lo Prèmi Robèrt Lafont de la Generalitat foguèt instituit en 2010 per la Direccion Generala de la Politica Lingüistica. Los laureats de las edicions anterioras son Pèire Bèc (2010), Felip Gardy (2012), Jacme Taupiac (2014), la Fondacion Musèu Etnonologic dera Val d’Aran (2016) e Georg Kremnitz (2018).
Après un dotzenat de proposicions recebudas, e la campanha mediatica que l’a facha lo Conselh General d’Aran per prepausar Vergés, la jurada a decidit de li decernir lo guierdon, que se remetrà dins una ceremònia en novembre que ven al palais de la Generalitat.
Vergés foguèt pionièr en l’ensenhament de l’occitan en Aran dins los ans 1970 e puèi foguèt formator d’ensenhaires per metre l’occitan aranés dins las escòlas d’Aran. Es autor del Petit Diccionari e ara es a confeccionar un lexic fòrça pus espandit.
Lo Prèmi Robèrt Lafont de la Generalitat foguèt instituit en 2010 per la Direccion Generala de la Politica Lingüistica. Los laureats de las edicions anterioras son Pèire Bèc (2010), Felip Gardy (2012), Jacme Taupiac (2014), la Fondacion Musèu Etnonologic dera Val d’Aran (2016) e Georg Kremnitz (2018).
Articles relacionats
Jornalet es possible gràcias al sosten economic e jornalistic dels legeires e benevòls. Se lo podètz sosténer en venent sòci dels Amics del Jornalet o de l'Associacion ADÒC, o tot simplament en fasent un don, atal contribuiretz a far un mèdia mai independent e de melhora qualitat.
#1 E aital, tot es dit !
Bèl flòc dels candidats a aquel prestigiós prèmi s'ac meritava, sense cap de dobte. Mas seriá ben ora que se remembrès la persona e l'òbra de Frederic Vergés que fusquèc present abans totis e que fasquèc tant per l'occitan e l'occitanisme a una epòca qu'èra tan malaisit. Que siá mercejat per tot çò que fasquèc e felicitat per aqueste prèmi meritat.
Vòstre comentari es a mand d’èsser validat. Per terminar lo procès de validacion, vos cal encara clicar sul ligam qu’anatz recebre per e-mail a l’adreiça qu’avètz indicada.
Escriu un comentari sus aqueste article
Senhala aqueste comentari