La frontièra que separa Comenge d’Aran e Catalonha Nòrd de Catalonha Sud se barrarà pas, pasmens. Lo primièr ministre de França, Jean Castex, a recomandat “vivament” d’i anar pas “fins que la situacion se melhore”, en referéncia a la covid-19. Segon lo primièr ministre, “la situacion en Catalonha mòstra d’indicadors sanitaris degradats”.
 
En mai d’aquò, Castex a explicat que son govèrn refortiriá los contraròtles sus la frontièra per conténer l’epidemia e a dich qu’èra en contacte amb las autoritats catalanas e espanhòlas per limitar los movements de personas entre los dos estats.
 
Maites brots de coronavirus se son estenduts en Catalonha dempuèi lo començament de julhet e tòcan mai que mai las regions de las vilas de Lhèida, Barcelona e Figueres.
 
 
Manuel Valls ne fa un conflicte diplomatic
 
L’anóncia de Castex a provocat una reaccion de Manuel Valls que li a reprochat sus Twitter que mençone Catalonha. “Catalonha es pas un país, deu parlar d’Espanha, supausi?”, çò a dich l’èx-primièr ministre francés e conselhièr municipal de Barcelona en citant lo president francés Emmanuel Macron e lo primièr ministre espanhòl Pedro Sánchez.
 
 

Coronavirus: Jean Castex recommande de ne pas se rendre en Catalogne pic.twitter.com/dAoCfNGPTb

— BFMTV (@BFMTV) July 24, 2020

 

Un rappel amical mais ferme à @JeanCASTEX : la Catalogne n’ est pas un pays .. il doit parler de l’ Espagne, je suppose ?@EmmanuelMacron@sanchezcastejonhttps://t.co/nVwslMBZoj

— Manuel Valls (@manuelvalls) July 24, 2020