Las autoritats d’Iran an condemnat Zara Mohamadi a dètz ans de preson per aver ensenhat la lenga curda. L’an acusada d’aver “bastit un grop contra la seguretat nacionala” e mai las organizacions curdistas e umanitàrias denóncien que l’an enseguida exclusivament a causa de sa promocion del curd, çò rapòrta Nationalia.
 
A 28 ans, Mohammadi es directritz de l’Associacion Culturala Nojin dins la vila de Sanandaj (Curdistan). Segon Hengaw, son activitat es mai que mai sociala e culturala. Segon Amnestia Internacionala, es una presonièra de consciéncia inculpada per “sas activitats pacificas d’apoderament dels membres de la comunautat marginalitzada curda d’Iran, que comprenon l’ensenhament de la lenga curda”.
 
La polícia detenguèt Zara Mohammadi lo 23 de mai de 2019 en l’acusant d’aver de ligams amb de grops armats. Puèi, aquela acusacion foguèt retirada car, segon Rudaw, i aviá pas cap de basa. La daissèron en libertat lo 2 de decembre passat. Ara la justícia iraniana l’a condemnada a dètz ans de preson.
 
La lenga curda en Iran se pòt ensenhar sonque fòra del sistèma educatiu oficial. Los activistas en favor de las lengas minorizadas patisson sovent de secutaments e de detencions de part de las autoritats iranianas.
 

 

Zara Mohamadi is a young #kurdish activist who was sentenced to 10 years in prison. We call on the international community to put pressure on the Iranian government. Teaching kurdish and being a member of a cultural Organisation is not a crime! #Hengawpic.twitter.com/psOO6o2duO

— Hengaw Organization (@Hengaw_Eng) July 17, 2020

 

#ZaraMohamadi is a hero.
She dedicated 10 years of her life to voluntarily teach Kurdish kids their language/culture. For her tireless dedication, Iran has now sentenced her to 10 years in jail. Kurds are not allowed to study in their language in Iran. Please don't be silent. pic.twitter.com/JCdgk6g9Xb

— Polla Garmiany  (@PollaGarmiany) July 17, 2020