Actualitats
Mobilizacion en linha per l’educacion en basco al Bascoat Nòrd
S’es aviada una peticion sus Change.org per protestar contra lo refús de l’acadèmia de Bordèu d’acceptar la dobertura d’una classa immersiva a Sent Pèr d’Irúber
A començat una peticion sus Change.org per protestar contra lo refús de la rectritz de l’acadèmia de Bordèu a la dobertura d’una classa immersiva en basco a Sent Pèr d’Irúber (en basco Hiriburu). La decision academia daissa 18 joves del vilatge de petita e mejana seccions sens escolarizacion en lor lenga. Aquel tipe d’ensenhament se realiza ja dins 38 escòlas publicas e privadas del costat nòrd del Bascoat.
La peticion l’a lançada un collectiu de parents d’escolans que vòl collectar de signaturas contra la decision de la rectritz.
La rectritz d’aquela circonscripcion escolara refusèt la classa en basco perque podiá “pas pus autorizar de nòvas experimentacions”. A mai, invoquèt la lei del 26 de julhet de 2019 “per una escòla de la fisança” que rend l’institucion obligatòria dempuèi l’edat de 3 ans e en i associant lo fach que “la Constitucion de 1958 prevei dins son article que l’instruccion obligatòria es dispensada en francés «lenga de la Republica»”.
De soslinhar l’oposicion ferma que la manifestèt l’Ofici Public de la Lenga Basca (OPLB) tre que foguèt coneguda la decision de la rectritz. Lo president de l’OPLB, Beñat Arrabit, declarèt als mèdias son “incompreneson” e son “indignacion”.
La peticion l’a lançada un collectiu de parents d’escolans que vòl collectar de signaturas contra la decision de la rectritz.
La rectritz d’aquela circonscripcion escolara refusèt la classa en basco perque podiá “pas pus autorizar de nòvas experimentacions”. A mai, invoquèt la lei del 26 de julhet de 2019 “per una escòla de la fisança” que rend l’institucion obligatòria dempuèi l’edat de 3 ans e en i associant lo fach que “la Constitucion de 1958 prevei dins son article que l’instruccion obligatòria es dispensada en francés «lenga de la Republica»”.
De soslinhar l’oposicion ferma que la manifestèt l’Ofici Public de la Lenga Basca (OPLB) tre que foguèt coneguda la decision de la rectritz. Lo president de l’OPLB, Beñat Arrabit, declarèt als mèdias son “incompreneson” e son “indignacion”.
Jornalet es possible gràcias al sosten economic e jornalistic dels legeires e benevòls. Se lo podètz sosténer en venent sòci dels Amics del Jornalet o de l'Associacion ADÒC, o tot simplament en fasent un don, atal contribuiretz a far un mèdia mai independent e de melhora qualitat.
Jo qu'èi signat ajèr deth sèr, quin mès ?
Era solidaritat damb eths vesins e cosins de Bascoat non ei de "auè que òc, deman que non"
Cal signar : aqueste combat es lo combat de nosautres totes.
Vòstre comentari es a mand d’èsser validat. Per terminar lo procès de validacion, vos cal encara clicar sul ligam qu’anatz recebre per e-mail a l’adreiça qu’avètz indicada.
Escriu un comentari sus aqueste article
Senhala aqueste comentari