Los incèndis que los a patits Austràlia aurián tuat 3 miliards d’animals, una donada tres còps superiora a la que raportàvem en genièr passat. Aquela chifra la ven de publicar un rapòrt del Fons Mondial per la Natura, que calcula que las flamas destruguèron un airal d’11,46 milions d’ectaras mai que mai dins los estats de la Nòva Galas del Sud e Victòria.
 
Segon lo rapòrt, s’agís d’un dels “piègers desastres que los aja jamai patits la vida salvatja de l’istòria modèrna”. Lo fuòc a damatjat d’ecosistèmas isolats que serà fòrça complicat de restablir. La pèrda en flòra e fauna dins un país amb tantas espècias endemicas es una catastròfa de las consequéncias imprevisiblas.
 
 

3 billion animals estimated to be impacted by the Australian bushfires. We have an opportunity to raise our voices for what we’ve lost and turn things around for struggling wildlife. Your voice is powerful, sign here https://t.co/sTcKcaVKaTpic.twitter.com/mfBsFzpgZS

— WWF_Australia (@WWF_Australia) July 28, 2020