Actualitats
Colómbia: se mobilizan contra l’èrsa d’assassinats de caps indigènas e afrodescendents
Aquela mena d’assassinat a aumentat d’un 88% a respècte de l’an passat
Los caps socials indigènas e afrodescendents de Colómbia se son organizats e mobilizats contra l’èrsa d’assassinats que ne son victimas. An organizat de gàrdias d’autoproteccion del temps que denonciavan una manca de resolucion del govèrn colombian per protegir lors vidas.
Amb la mòrt de Rodrigo Salazar, governador indigèna del pòble awá, lo 7 de julhet passat, ja 164n caps socials e defensors dels dreches dels indigènas son estats assassinats ongan, çò rapòrtan Nationalia e Global Voices. Aquela sòrta d’assassinat a aumentat d’un 88% per rapòrt a l’an passat, segon de donadas de Somos Defensores.
Las comunautats indigènas e afrodescendentas patisson de secutaments e d’assassinats de part de gropes mafioses que vòlon lors tèrras. La solucion del govèrn es d’aumentar la preséncia dels militars, çò qu’agrada pas a la populacion autoctòna. “La responsa deu pas èsser la fòrça”, ço disiá en junh passat als mèdias Hermes Peti, una autoritat del Conselh Regional Indigèna de Cauca. “La militarizacion del territòri genèra mai de panic e d’angoissa. Çò que cal es d’investiment social e que se compliscan los engatjaments de l’acòrdi de patz”, çò precisèt.
D’efièch, l’origina dels desacòrdis sus las proprietats de las tèrras se tròba dins la guèrra civila que la patiguèt lo país dins los ans 1990 2000, quand de milièrs de païsans foguèron despossedits violentament de la man dels grops paramilitars e tanben dels guerrilhièrs, davant l’agach passiu de l’estat. Las tèrras concentradas entre las mans de proprietaris e narcotrafegaires foguèron utilizadas dins d’afars d’elevatge extensiu e de projèctes agroindustrials e minièrs.
Los lidèrs socials deploran que s’obsèrve pas l’acòrdi de patz signat entre lo govèrn de Colómbia e las FARC. Dins aquel sens planhon que las tèrras de las victimas sián pas estadas restituidas, que se sostenga pas la comunautat païsana, que se siá pas dissòut los grops armats paramilitars e que las comunautats participen pas encara a las decisions politicas del país.
Mentretant, de grops paramilitars, de bandas de narcotrafegaires e de guerrilhièrs dissidents luchan per contrarotlar los territòris estrategics per la produccion e lo trafec de dròga.
Amb la mòrt de Rodrigo Salazar, governador indigèna del pòble awá, lo 7 de julhet passat, ja 164n caps socials e defensors dels dreches dels indigènas son estats assassinats ongan, çò rapòrtan Nationalia e Global Voices. Aquela sòrta d’assassinat a aumentat d’un 88% per rapòrt a l’an passat, segon de donadas de Somos Defensores.
Las comunautats indigènas e afrodescendentas patisson de secutaments e d’assassinats de part de gropes mafioses que vòlon lors tèrras. La solucion del govèrn es d’aumentar la preséncia dels militars, çò qu’agrada pas a la populacion autoctòna. “La responsa deu pas èsser la fòrça”, ço disiá en junh passat als mèdias Hermes Peti, una autoritat del Conselh Regional Indigèna de Cauca. “La militarizacion del territòri genèra mai de panic e d’angoissa. Çò que cal es d’investiment social e que se compliscan los engatjaments de l’acòrdi de patz”, çò precisèt.
D’efièch, l’origina dels desacòrdis sus las proprietats de las tèrras se tròba dins la guèrra civila que la patiguèt lo país dins los ans 1990 2000, quand de milièrs de païsans foguèron despossedits violentament de la man dels grops paramilitars e tanben dels guerrilhièrs, davant l’agach passiu de l’estat. Las tèrras concentradas entre las mans de proprietaris e narcotrafegaires foguèron utilizadas dins d’afars d’elevatge extensiu e de projèctes agroindustrials e minièrs.
Los lidèrs socials deploran que s’obsèrve pas l’acòrdi de patz signat entre lo govèrn de Colómbia e las FARC. Dins aquel sens planhon que las tèrras de las victimas sián pas estadas restituidas, que se sostenga pas la comunautat païsana, que se siá pas dissòut los grops armats paramilitars e que las comunautats participen pas encara a las decisions politicas del país.
Mentretant, de grops paramilitars, de bandas de narcotrafegaires e de guerrilhièrs dissidents luchan per contrarotlar los territòris estrategics per la produccion e lo trafec de dròga.
Jornalet es possible gràcias al sosten economic e jornalistic dels legeires e benevòls. Se lo podètz sosténer en venent sòci dels Amics del Jornalet o de l'Associacion ADÒC, o tot simplament en fasent un don, atal contribuiretz a far un mèdia mai independent e de melhora qualitat.
"Los caps socials indigènas e afrodescendents de Colómbia se son organizats e mobilizats contra l’èrsa d’assassinats que ne son victimas. An organizat de gàrdias d’autoproteccion del temps que denonciavan una manca de resolucion del govèrn colombian per protegir lors vidas." M'o perdonaretz ? Me remebra quicòm mai, e qualqu'un mai : Buenaventora Durruti, fa quicòm coma 85 ans, declarava el tanben, al cap de la 26ena colomna de milicians republicans : « Non refusam d’observar lo nòstre dever civic e revolucionari. Volèm anar deliurar los nòstres fraires de Saragòssa. Volèm èsser des milicians de la libertat, mas non pas de soldats en unifòrme. L’armada s’es averada un dangièr pel pòble ; sonque las milícias popularas aparan las libertats publicas : Milicians, òc ! Mas soldats, jamai ! » raportat per André Prudhommeaux (1902-1968), in « Durruti parla », Quasern de Tèrra Liura e Catalonha 36-37.
Vòstre comentari es a mand d’èsser validat. Per terminar lo procès de validacion, vos cal encara clicar sul ligam qu’anatz recebre per e-mail a l’adreiça qu’avètz indicada.
Escriu un comentari sus aqueste article
Senhala aqueste comentari