Actualitats
Itàlia: Salvini poirà èsser jutjat per l'afar de l'Open Arms
En agost de 2019, Salvini ministre bloquèt pendent vint jorns lo naviri, qu’a bòrd i aviá 147 personas salvadas de la mar
Fa un an, aquel senat aviá donat a Salvini mai de poder en matèria de politica migratòria, çò que causèt un chepic a l’Union Europèa. Ara, aquel meteis senat li a levat l’immunitat per que siá jutjat per “sequestracion de personas”.
En agost de 2019, lo ministre Salvini bloquèt pendent vint jorns la nau Open Arms, qu’a bòrd i aviá 147 personas salvadas de la mar.
L’èx-ministre a reagit sus Twitter en disent que li fasián un “grand present” e qu’el “a la diferéncia dels autres” compareisseriá davant los jutges amb “lo cap naut e l’esquina drecha” tostemps per la “defensa d’Itàlia”.
Una cachavièlha de 19 jorns
Salvini aviá dictat un decret que menaçava d’arrestar e d’impausar de multas d’un milion d’èuros a las organizacions umanitàrias que lors vaissèls intrèsson dins las aigas italianas. En seguida, la còla de l’Open Arms depausèt un recors davant la justícia e, enfin, un tribunal administratiu de la region de Laci suspendèt per precaucion lo decret de Salvini a causa de “la situacion de gravetat e d’urgéncia excepcionala”. Mas Salvini reagiguèt a la decision dels jutges amb colèra e assegurèt que i aviá “un plan” per “recular e dobrir los pòrts italians per qu’Itàlia tornèsse èsser lo camp de refugiats d’Euròpa”. E mai menacèt de tornar signar un decret lèu-lèu perque voliá pas èsser “complice” dels “trafegaires”.
Enfin, après 19 jorns de cachavièlha, un procuraire de Sicília verifiquèt la situacion d’extrèma urgéncia de la nau e n’ordenèt lo desembarcament. La nuèch del 20 al 21 d’agost, los migrants poguèron desembarcar sul cai comercial del pòrt de la Lampedosa davant una granda espèra. Lo mond que los esperavan sul pòrt cantèron l’imne antifaissista BellaCiao per los aculhir. Puèi, lo naviri partiguèt vèrs Sicília ont la justícia italiana li a aviá ordenat una confiscacion temporària.
Mandandomi a processo mi fanno un gran regalo, ma a differenza di altri io ci vado a testa alta e con la schiena dritta.
— Matteo Salvini (@matteosalvinimi) July 30, 2020
GRAZIE Amici. Sempre a difesa dell'Italia, sempre! pic.twitter.com/CFYjGUsVxC
#ULTIMAHORA
— Open Arms (@openarms_fund) July 30, 2020
Se acabó la inmunidad para #Salvini
Es la hora de la justicia, será juzgado por bloquear el desembarco de las personas rescatadas a bordo del #OpenArms el pasado mes de agosto,cuando era ministro del Interior
El Senado italiano acaba de autorizar que sea juzgado pic.twitter.com/xM5LWYaMK3
Articles relacionats
Jornalet es possible gràcias al sosten economic e jornalistic dels legeires e benevòls. Se lo podètz sosténer en venent sòci dels Amics del Jornalet o de l'Associacion ADÒC, o tot simplament en fasent un don, atal contribuiretz a far un mèdia mai independent e de melhora qualitat.
#1
https://video.repubblica.it/cronaca/se-questo-e-un-parlamentare/34784/35086
ma che belle parole !
ma che bel partito, la lega !
"la lega ce l'ha duro" ... questo si che è uno slogan !
Per un mariòl aital, la pena justa es tota trobada : veire suprimits sos dreites de ciutadans, suprimits sos papièrs, sacat amb los autres refugiats dins una barca ! A partir d'aquí, "quò's pas la Mirador, fasèm coma se l'èra e vòga la galèra…"
Salvini es un eròi perque a au mens ensajat de defendre Euròpa.
Vòstre comentari es a mand d’èsser validat. Per terminar lo procès de validacion, vos cal encara clicar sul ligam qu’anatz recebre per e-mail a l’adreiça qu’avètz indicada.
Escriu un comentari sus aqueste article
Senhala aqueste comentari