Actualitats
Aver agantat un raumàs nos poiriá protegir de la covid-19
Aquò poiriá explicar perqué la covid-19 es fòrça grèva per qualques unes mentre qu’es asimptomatica per d’autres
Lo raumàs comun es una malatia fòrça mai inofensiva que la covid-19, e mai s’es provocada per un coronavirus. Ara, segon un estudi alemand, aver agantat un raumàs poiriá aver un efièch protector contra lo coronavirus SARS-CoV-2, que causa la covid-19. Aquò poiriá explicar perqué lo SARS-CoV-2 en qualques personas desvolopa de simptòmas grèus e provòca quitament la mòrt, mentre qu’en d’autras la covid-19 es asimptomatica o los infècta pas. Aquel estudi pòt aver d’implicacions importantas sus la recèrca dels vaccins e dels tractaments per combatre la covid-19.
L’estudi l’a fach una còla de recercaires de l’Universitat Medicala Charité de Berlin e l’Institut Max Plank de Genetica Moleculara e se publiquèt dimècres passat dins la revista Nature.
Lo raumàs comun es provocat per divèrses tipes de virus e se pòt considerar coma una malautiá respiratòria leugièra. Lo mai de comun es lo rinovirus, que l’Universitat d’Oxford emplega coma basa per desvolopar lo vaccin. Mas i a divèrses tipes de coronavirus endemics umans que causan entre lo 20 e 30% dels raumasses o gripas comunas cada an.
Per determinar fins a quin ponch las infeccions anterioras d’un coronavirus de raumàs comun nos pòdon immunizar de las infeccions de SARS-CoV-2 cal mai d'estudis, çò dison los cercaires.
L’estudi l’a fach una còla de recercaires de l’Universitat Medicala Charité de Berlin e l’Institut Max Plank de Genetica Moleculara e se publiquèt dimècres passat dins la revista Nature.
Lo raumàs comun es provocat per divèrses tipes de virus e se pòt considerar coma una malautiá respiratòria leugièra. Lo mai de comun es lo rinovirus, que l’Universitat d’Oxford emplega coma basa per desvolopar lo vaccin. Mas i a divèrses tipes de coronavirus endemics umans que causan entre lo 20 e 30% dels raumasses o gripas comunas cada an.
Per determinar fins a quin ponch las infeccions anterioras d’un coronavirus de raumàs comun nos pòdon immunizar de las infeccions de SARS-CoV-2 cal mai d'estudis, çò dison los cercaires.
Jornalet es possible gràcias al sosten economic e jornalistic dels legeires e benevòls. Se lo podètz sosténer en venent sòci dels Amics del Jornalet o de l'Associacion ADÒC, o tot simplament en fasent un don, atal contribuiretz a far un mèdia mai independent e de melhora qualitat.
#4 Oc-es mas qu'es aquo lo problèm, amb un noù virus poirion far una excepcion, e per una fes, e zo botar un nom mascle. Per chamjar nò ?
#2 Que non ! Ren de veire embé quauqua misoginia parisiana ! Aquò es màs una chausida que faguèt l'Organisacion mondiala de la sandat a l'entrant dau mes de març 2020... Sufís que d'anar legir los jornaus catalans, espanhòus, portugués, italians, quebequés, per veire que la romanitat tota s'acòrda sobre la fòrma fumela...
#2 Lo virus a un nom masculin: SARS-Cov-2, qu'entraïna una malautia que son nom es feminin (tant coma lo de nombroses malautias en occitan e d'autras lengas romanas): Covid19. Cal pas confondre los dos e entemenar una polemica politica que repausa sus pas res...
Perque emplegar "LA Covid" e la feminezar ? Qu'èra una invencion de l'Academia francesa solament per lo francés. Lo monde disavon sobretot, e dison encara, "le/lo covid". Qu'es un virus, lo coronavirus, qu'es un nom mascle. Qu'es una chausida misogina daus vielhs parisencs reac's.
Fasetz coma me, crompar lo libra de Nicòla e Gerard DELEPINE: "soigner ou guérir" per aver las bonas informations e pas de las messonjas..
Vòstre comentari es a mand d’èsser validat. Per terminar lo procès de validacion, vos cal encara clicar sul ligam qu’anatz recebre per e-mail a l’adreiça qu’avètz indicada.
Escriu un comentari sus aqueste article
Senhala aqueste comentari