La Comission Europèa (CE) e la societat Sanofi an signat un acòrdi per reservar a l'Union Europèa 300 milions de dòsis de son potencial vaccin contra la covid-19. La CE espèra que la societat francesa comencarà de comercializar lo vaccin a partir de junh de 2021 e que l’acòrdi ajudarà a obténer un vaccin mai eficaç. L’aqueriment se finançarà amb l’instrument d’ajuda d’emergéncia que compren 2,7 miliards d’èuros del budget de l’UE.
 
Es pas la primièra reservacion que la fa l’Union Europèa ni mai la darrièra. La CE es a negociar amb d’autras societats per espandir lo nombre de vaccins a 420 milions.
 
De fach, Euròpa vòl investir en divèrses vaccins faches amb diferentas tecnologias amb la tòca d’aténher una solucion eficaça a la crisi del coronavirus.
 
A mai, Brussèlas vòl crear tanben una resèrva de vaccins pels païses “mens rics”.
 
 
Russia comença de distribuir son vaccin
 
Mentretant, Russia a ja anonciat qu’es testat e lèst son vaccin contra la covid-19, e que lo distribuirà aqueste mes d’agost als mètges e professors e en octòbre a la rèsta de la populacion.


 

A vaccine would be a truly global good.

We just took an important step with @Sanofi to secure access to a future #coronavirus vaccine.

More will follow soon. We are in advanced discussions with several other companies.#UnitedAgainstCoronavirus | #StrongerTogether

— European Commission  (@EU_Commission) July 31, 2020