Actualitats
Berlin: aperaquí 15 000 manifestants contra las mesuras sanitàrias
Mentretant, una contramanifestacion qualificava los “antimascas” de nazis
Unas 15 000 personas manifestèron dissabte passat a Berlin contra las mesuras per evitar l’espandiment de la covid-19, e mai dins las darrièras setmanas las infeccions ajan aumentat en Alemanha.
La crida a la protèsta s’èra facha jol lèma “fin de la pandemia, jorn de la libertat”. Los manifestants marchèron jols crits de “sèm la segonda èrsa”, resisténcia” o encara “la pus granda teoria conspiracionista es la pandemia del nòu coronavirus”. Evidentament, observavan pas las distàncias de seguretat e portavan pas de mascas. E mai butèron lo mond que ne portavan a se las traire.
D'autras manifestacions de las meteissas revendicacions se son tengudas als Estats Units e al Reialme Unit e quitament a Madrid.
Contramanifestacion antifaissista
Jol crit de “Nazis, defòra!”, e separada de la primièra per las fòrças de seguretat, se teniá una manifestacion contrària dont un cortègi de “mametas contra l’extrèma drecha”. Cal dire que la devisa de la manifestacion antimascas “jorn de la libertat” es lo títol d’un filme de prograganda de la realizaira nazi Leni Riefenstahl en 1935.
La crida a la protèsta s’èra facha jol lèma “fin de la pandemia, jorn de la libertat”. Los manifestants marchèron jols crits de “sèm la segonda èrsa”, resisténcia” o encara “la pus granda teoria conspiracionista es la pandemia del nòu coronavirus”. Evidentament, observavan pas las distàncias de seguretat e portavan pas de mascas. E mai butèron lo mond que ne portavan a se las traire.
D'autras manifestacions de las meteissas revendicacions se son tengudas als Estats Units e al Reialme Unit e quitament a Madrid.
Contramanifestacion antifaissista
Jol crit de “Nazis, defòra!”, e separada de la primièra per las fòrças de seguretat, se teniá una manifestacion contrària dont un cortègi de “mametas contra l’extrèma drecha”. Cal dire que la devisa de la manifestacion antimascas “jorn de la libertat” es lo títol d’un filme de prograganda de la realizaira nazi Leni Riefenstahl en 1935.
As Germany is experiencing a strong increase of new #COVID19 cases, this is happening right now in Berlin. #b0108
— Benjamin Alvarez (@BenjAlvarez1) August 1, 2020
A “Day of Freedom” with conspiracy theorists, anti-vaxxers & right-wing extremists. No one is wearing a mask. pic.twitter.com/VpGess4wbq
Jornalet es possible gràcias al sosten economic e jornalistic dels legeires e benevòls. Se lo podètz sosténer en venent sòci dels Amics del Jornalet o de l'Associacion ADÒC, o tot simplament en fasent un don, atal contribuiretz a far un mèdia mai independent e de melhora qualitat.
I a pas cap de comentari
Vòstre comentari es a mand d’èsser validat. Per terminar lo procès de validacion, vos cal encara clicar sul ligam qu’anatz recebre per e-mail a l’adreiça qu’avètz indicada.
Escriu un comentari sus aqueste article
Senhala aqueste comentari