Actualitats
A Seborca: tot es lèst pel coronament de la princessa Nina
Se crenh que lo putschista parisenc, Nicolas Mutte, torne per pertorbar la ceremònia
A Seborca es un vilatge de Ligúria fòrça pròche d’Occitània que se revendica principat independent. A causa de l'abdicacion de son prince Marcel Ir, en novembre se votèt la succession de sa femna, la princessa Nina que deu èsser coronada lo 20 d'agost. Mas en febrièr de 2018 un escur òme d'afars parisenc s'èra autoproclamat monarca. Li dison Nicolas Mutte e es enseguit en França per frauda e contrefaccion de moneda. Pendent lo confinament, Mutte desapareguèt e i es pas tornat. Ara, las autoritats de la vila susvelhan que torne pas car crenhon que vòlga pertorbar lo coronament de Nina Menegatto.
Amb un pauc mai de 320 abitants, A Seborca declarèt son independéncia d’Itàlia en 1963 en vertut d’un ancian estatut de principat jamai abrogat, en considerant coma non valida l’annexion al reialme de Sardenha, e puèi a Itàlia. Son primièr prince foguèt Jòrdi Ir (1963-2009). Los abitants e la princessa Nina revendican l'independéncia del país per atraire lo torisme e evitar lo despoblament. Mai que mai en plena crisi provocada per la pandemia.
Lo cònsol màger de la vila, Enrico Ilariuzzi, es foncionari italian. El assegura que la policia velha que lo parisenc torne pas. "La polícia locala ven cada setmana per veire çò que passa a A Seborca e sap tot çò que s’i passa. Se se sospiècha qualque illegalitat, lo comissariat pus pròche intervendrà", çò a dich.
La Republica Italiana reconeis pas lo principat d’A Seborca e considèra qu’aquel vilatge es de jure e de facto jos jurisdiccion italiana.
Un sit web en francés per s’apoderar lo principat
En febrièr de 2016, apareguèt a A Seborca un òme d’afars parisenc nomenat Nicolas Mutte qu'ensagèt de reversar lo poder de Marcèl Ir en se revendicant prince sus Internet. Nascut en 1970 près de París, Nicolas Mutte, se proclamèt Nicolau Ir d’A Seborca.
Mutte foguèt convidat un còp a A Seborca per i presentar son libre Napoléon - résurrection. Alavetz deguèt niflar l’escasença de donar un còp de pè, e d’estat. Mutte s’autregèt lo títol de prince d’A Seborca en creant un sit Internet en francés a son efígia ont reclama lo principat coma part de la Francofonia, anonciava qu’un “novèl capítol del principat s’èra escrich” e postava una Constitucion e quitament un imne nacional en francés nomenat “La Seborgienne”. Puèi percorreguèt lo Mond, mai que mai Africa, en se presentant coma lo prince legitim d’A Seborca.
Mentretant, Marcèl Ir faguèt sa denóncia al ministèri public de la província d’Imperia en abril de 2016 per usurpacion d’identitat. Mas la justícia s’es pas prononciada.
E mai presente una Constitucion en francés, e un sit web en la meteissa lenga e albergat en França, Nicolas Mutte se revendica ligat al principat dempuèi sa naissença en afirmant qu’a de documents qu’atèstan de ligams de sos ancessors amb las tèrras d’A Seborca dempuèi lo regne de Napoleon III. En mai d’aquò, lo pòrtavox del pretendut prince parisenc afirmava que Marcèl Ir aviá "pas pus de legitimitat al tròn" pr'amor qu'èra "membre d’una associacion folclorica. Es doncas estat elegit dins un quadre folcloric e non estatal”.
Pendent lo confinament, Nicolas Mutte, que se fasiá apelar Serena Majestat Nicolau Ir, quitèt l'endrech e i es pas tornat.
L’istòria d'A Seborca
L’estat italian considèra que l’endrech es pas qu’una comuna transalpenca coma las autras, amb son cònsol màger coma las autras. L’istòria, totun, remonta a 1963 quand Giorgio Carbone organizèt un referendum per contestar l’annexion d’A Seborca per Itàlia. Foguèt un plebiscit, çò rapòrta Nice-Matin. Carbone s’apiejava sul fach d’una error administrativa durant la crompa del principat eclesiastic pel duc de Sardenha. Lo duc paguèt pas la crompa e lo tractat foguèt pas jamai ratificat.
Après lo vòte, Giorgio Carbone foguèt proclamat prince Jòrdi Ir. Aqueste escriguèt una Constitucion qu’estipula que los princes devon èsser elegits cada sèt ans. Après sa mòrt en 2009, Marcello Menegatto venguèt Marcèl Ir, elegit pels seborgians per li succedir. En 2017, foguèt reelegit.
Un país amb sa moneda
Lo principat d’A Seborca a sa pròpria moneda, lo luigino, en remembre de las monedas fachas al sègle XVII. Aqueste a solament de valor dins la vila ont es emplegat coma moneda locala. Pasmens, lo luigino a desvelhat un interès dins lo Mond del colleccionisme numismatic. La valor donada es fixada a 6 dolars estatsunidencs.
A Seborca a tanben sas pròprias immatriculacions automobilas, mas pòdon pas èsser legalament utilizadas qu’al costat de las italianas. A mai, las cartas d’identitat, los passapòrts e los sagèls postals del principat son mai emplegadas per lor valor folclorica e toristica que non pas legala.
Amb un pauc mai de 320 abitants, A Seborca declarèt son independéncia d’Itàlia en 1963 en vertut d’un ancian estatut de principat jamai abrogat, en considerant coma non valida l’annexion al reialme de Sardenha, e puèi a Itàlia. Son primièr prince foguèt Jòrdi Ir (1963-2009). Los abitants e la princessa Nina revendican l'independéncia del país per atraire lo torisme e evitar lo despoblament. Mai que mai en plena crisi provocada per la pandemia.
Lo cònsol màger de la vila, Enrico Ilariuzzi, es foncionari italian. El assegura que la policia velha que lo parisenc torne pas. "La polícia locala ven cada setmana per veire çò que passa a A Seborca e sap tot çò que s’i passa. Se se sospiècha qualque illegalitat, lo comissariat pus pròche intervendrà", çò a dich.
La Republica Italiana reconeis pas lo principat d’A Seborca e considèra qu’aquel vilatge es de jure e de facto jos jurisdiccion italiana.
Un sit web en francés per s’apoderar lo principat
En febrièr de 2016, apareguèt a A Seborca un òme d’afars parisenc nomenat Nicolas Mutte qu'ensagèt de reversar lo poder de Marcèl Ir en se revendicant prince sus Internet. Nascut en 1970 près de París, Nicolas Mutte, se proclamèt Nicolau Ir d’A Seborca.
Mutte foguèt convidat un còp a A Seborca per i presentar son libre Napoléon - résurrection. Alavetz deguèt niflar l’escasença de donar un còp de pè, e d’estat. Mutte s’autregèt lo títol de prince d’A Seborca en creant un sit Internet en francés a son efígia ont reclama lo principat coma part de la Francofonia, anonciava qu’un “novèl capítol del principat s’èra escrich” e postava una Constitucion e quitament un imne nacional en francés nomenat “La Seborgienne”. Puèi percorreguèt lo Mond, mai que mai Africa, en se presentant coma lo prince legitim d’A Seborca.
Mentretant, Marcèl Ir faguèt sa denóncia al ministèri public de la província d’Imperia en abril de 2016 per usurpacion d’identitat. Mas la justícia s’es pas prononciada.
E mai presente una Constitucion en francés, e un sit web en la meteissa lenga e albergat en França, Nicolas Mutte se revendica ligat al principat dempuèi sa naissença en afirmant qu’a de documents qu’atèstan de ligams de sos ancessors amb las tèrras d’A Seborca dempuèi lo regne de Napoleon III. En mai d’aquò, lo pòrtavox del pretendut prince parisenc afirmava que Marcèl Ir aviá "pas pus de legitimitat al tròn" pr'amor qu'èra "membre d’una associacion folclorica. Es doncas estat elegit dins un quadre folcloric e non estatal”.
Pendent lo confinament, Nicolas Mutte, que se fasiá apelar Serena Majestat Nicolau Ir, quitèt l'endrech e i es pas tornat.
L’istòria d'A Seborca
L’estat italian considèra que l’endrech es pas qu’una comuna transalpenca coma las autras, amb son cònsol màger coma las autras. L’istòria, totun, remonta a 1963 quand Giorgio Carbone organizèt un referendum per contestar l’annexion d’A Seborca per Itàlia. Foguèt un plebiscit, çò rapòrta Nice-Matin. Carbone s’apiejava sul fach d’una error administrativa durant la crompa del principat eclesiastic pel duc de Sardenha. Lo duc paguèt pas la crompa e lo tractat foguèt pas jamai ratificat.
Après lo vòte, Giorgio Carbone foguèt proclamat prince Jòrdi Ir. Aqueste escriguèt una Constitucion qu’estipula que los princes devon èsser elegits cada sèt ans. Après sa mòrt en 2009, Marcello Menegatto venguèt Marcèl Ir, elegit pels seborgians per li succedir. En 2017, foguèt reelegit.
Un país amb sa moneda
Lo principat d’A Seborca a sa pròpria moneda, lo luigino, en remembre de las monedas fachas al sègle XVII. Aqueste a solament de valor dins la vila ont es emplegat coma moneda locala. Pasmens, lo luigino a desvelhat un interès dins lo Mond del colleccionisme numismatic. La valor donada es fixada a 6 dolars estatsunidencs.
A Seborca a tanben sas pròprias immatriculacions automobilas, mas pòdon pas èsser legalament utilizadas qu’al costat de las italianas. A mai, las cartas d’identitat, los passapòrts e los sagèls postals del principat son mai emplegadas per lor valor folclorica e toristica que non pas legala.
Articles relacionats
Jornalet es possible gràcias al sosten economic e jornalistic dels legeires e benevòls. Se lo podètz sosténer en venent sòci dels Amics del Jornalet o de l'Associacion ADÒC, o tot simplament en fasent un don, atal contribuiretz a far un mèdia mai independent e de melhora qualitat.
#5 Cossí quin que siá se pòt imaginar noble davant quin que siá mai ? Aquò me despassa complètament… "Princessa"…
#4 Al mens, a A SEBORCA, sembla pas que la princessa Nina venga d'en çò de Rothschild, faga una politica de regression sociala, et de repression contra lo sieu pòble ( mutilacion dels gilets jaunes) e insulte la populacion tota coma o fan Macron e la macronalha.
Una monarquia electiva... Es tant coma en França, fin finala.
Au risque de me répéter (toutes mes excuses) "il y a peu de chance qu'on détrône le roi des cons…"
Un còp de mai, un accion colonialista dels francimans parisencs per s'apoderar d'un país onte n'an res a far. Que restan dins lor país e daissan la populacion d' A SEBORCA tranquilla !
Resisténcia !
ENDARRERE AQUESTA GENT, TAN UFANA E TAN SUPERBA !
Vòstre comentari es a mand d’èsser validat. Per terminar lo procès de validacion, vos cal encara clicar sul ligam qu’anatz recebre per e-mail a l’adreiça qu’avètz indicada.
Escriu un comentari sus aqueste article
Senhala aqueste comentari