Actualitats
Una scientifica chinesa afirma l’origina militara de la covid-19
Après conversar amb d’autres cercaires, comencèt de pensar que benlèu lo govèrn de China voliá amagar la vertadièra origina d’aquel virus
Li calguèt fugir de China per cercar una proteccion car sa vida èra en perilh. Ara, totun, la virològa chinesa Li-Men Yan, es amagada als Estats Units. Sonque après confirmar que sa vida corriá pas pus de risc diguèt perqué aviá fugit de China e poguèt afortir quala èra segon ela l’origina de la covid-19: son virus seriá estat creat dins un laboratòri militar governamental chinés e son origina seriá pas Wuhan. E tot aquò o sabiá ja en 2019 mas lo govèrn chinés li aviá pas demandat de ne parlar pas se voliá demorar viva.
Segon la scientifica chinesa, “lo virus a pas per origina la natura ni mai lo mercat de Wuhan. E lo govèrn chinés, cò apondèt Li-Men Yan, coneissiá ja qual èra lo dangièr del SARS-CoV-2 abans de ne parlar amb l’OMS lo 31 de desembre de 2019”.
La virològa chinesa comencèt de far de recèrca scientifica a Hong-Kong pendent aquel mes e ailà se poguèt avisar qu’èra ja sauput que lo virus, que puèi seriá conegut sus tota la planeta coma lo de la covid-19, èra un nòu tipe de virus SARS e que ja èra estat totalament sequenciat son genòma. Totas aquelas donadas li foguèron alara confirmadas pel Centre de Contraròtle e Prevencion de las Malautiás de China.
Après conversar amb d’autres cercaires que comprenián pas perqué China voliá pas donar d’informacion al Mond sus la covid-19, comencèt de pensar que benlèu lo govèrn de China voliá amagar la vertadièra origina d’aquel virus. Foguèt alavetz que foguèt menaçada e patiguèt fòrça per son integritat fisica. E decidiguèt de fugir de China e cercar d’ajuda a l’estrange.
“Lo mercat de Wuhan foguèt pas, de cap biais, l’origina vertadièra de la covid-19, çò afirmèt Li-Men Yan. L’origina tanpauc ne foguèt pas brica un animal, coma ditz lo govèrn chinés. China volguèt pas balhar d’informacion sus lo nòu virus e i a de pròvas que son estadas confirmadas per l’FBI . E la quita OMS m’avertiguèt de dire pas la vertat se voliá servar la vida. Es per aquò que cerquèri refugi als Estats Units. Mas ara pòdi dire quala es la vertat sus l’origina d’aquel virus”.
China desmentís totas las acusacions
Es pas lo primièr còp que lo govèrn chinés es acusat d’aver creat lo virus, e cal dire qu’o a totjorn refusat. De fach, segon un estudi publicat dins Nature Microbiology, lo coronavirus que genèra la covid-19 se tròba dins las ratapenadas dempuèi mai de 40 ans, o benlèu 70. A mai, l’estudi assegura que lo virus pòt pas venir d’un laboratòri “pr’amor que deurián existir d’evidéncias d’aquela alteracion genetica que se son pas pogudas observar. (Legissètz la seguida)
Aqueste article es publicat dins Sapiéncia, la revista occitana de divulgacion scientifica, amb la quala Jornalet a un acòrdi de cooperacion. Podètz legir l'article entièr aicí.
Segon la scientifica chinesa, “lo virus a pas per origina la natura ni mai lo mercat de Wuhan. E lo govèrn chinés, cò apondèt Li-Men Yan, coneissiá ja qual èra lo dangièr del SARS-CoV-2 abans de ne parlar amb l’OMS lo 31 de desembre de 2019”.
La virològa chinesa comencèt de far de recèrca scientifica a Hong-Kong pendent aquel mes e ailà se poguèt avisar qu’èra ja sauput que lo virus, que puèi seriá conegut sus tota la planeta coma lo de la covid-19, èra un nòu tipe de virus SARS e que ja èra estat totalament sequenciat son genòma. Totas aquelas donadas li foguèron alara confirmadas pel Centre de Contraròtle e Prevencion de las Malautiás de China.
Après conversar amb d’autres cercaires que comprenián pas perqué China voliá pas donar d’informacion al Mond sus la covid-19, comencèt de pensar que benlèu lo govèrn de China voliá amagar la vertadièra origina d’aquel virus. Foguèt alavetz que foguèt menaçada e patiguèt fòrça per son integritat fisica. E decidiguèt de fugir de China e cercar d’ajuda a l’estrange.
“Lo mercat de Wuhan foguèt pas, de cap biais, l’origina vertadièra de la covid-19, çò afirmèt Li-Men Yan. L’origina tanpauc ne foguèt pas brica un animal, coma ditz lo govèrn chinés. China volguèt pas balhar d’informacion sus lo nòu virus e i a de pròvas que son estadas confirmadas per l’FBI . E la quita OMS m’avertiguèt de dire pas la vertat se voliá servar la vida. Es per aquò que cerquèri refugi als Estats Units. Mas ara pòdi dire quala es la vertat sus l’origina d’aquel virus”.
China desmentís totas las acusacions
Es pas lo primièr còp que lo govèrn chinés es acusat d’aver creat lo virus, e cal dire qu’o a totjorn refusat. De fach, segon un estudi publicat dins Nature Microbiology, lo coronavirus que genèra la covid-19 se tròba dins las ratapenadas dempuèi mai de 40 ans, o benlèu 70. A mai, l’estudi assegura que lo virus pòt pas venir d’un laboratòri “pr’amor que deurián existir d’evidéncias d’aquela alteracion genetica que se son pas pogudas observar. (Legissètz la seguida)
Aqueste article es publicat dins Sapiéncia, la revista occitana de divulgacion scientifica, amb la quala Jornalet a un acòrdi de cooperacion. Podètz legir l'article entièr aicí.
Jornalet es possible gràcias al sosten economic e jornalistic dels legeires e benevòls. Se lo podètz sosténer en venent sòci dels Amics del Jornalet o de l'Associacion ADÒC, o tot simplament en fasent un don, atal contribuiretz a far un mèdia mai independent e de melhora qualitat.
#1 Una declaracion que fa ben lu afaires de DT... Es vèr... Cu saup, en defòra dei chinés, quina es l'origina vertadiera? E perqué non seria una arma escapada per accident denant d'èstre au ponch, denant d'aguer creat lo vaccin? Cu lo saup?
Aquestas acusacions contra la Xina s'an de passar per un filtre perquè segurament son messorgas.
Avèm pas cap de precision sul rasons que li fan pensar a l'origina militara, de tal biais que podèm pas jutjar los arguments. Poiria tanplan èstre de colhonadas. Aquò's pas d'informacion, mès un article a sensacion.
Li-Men Yan a totun trobat un bon mejan d'escapar a la dictatura del sieu estat, per ara.
D'un punt de vista estrategic, una arma biologica aital non se deu alargar abans que las populacions del territòri que se'n servís siá estada secretament vaccinada. Tot aqquò, o ai contat dins una novèla fa ja près de 25 ans.
Se çò que pretend aquesta fugitiva (e qu'adoba plan la propaganda trumpista ordinària) es la vertat, a l'evidéncia, i aurà agut un "accident" dins la gestion de l'arma supausada. La pròba essent que las premièra populacion que patís del virus es la populacion chinesa, precisament.
Tecnicament, lo fait que lo coronavirus en question venguèsse per exemple de las ratas penadas non empachariá de ges de biais que foguèsse estat causit per venir una arma biologica : bastariá de lo modificar geneticament de tal biais que pòsca infectar puèi difusir dins una populacion considerada coma "enemiga" (umana, animala, o mai vegetala, mas aquí serà plan mai complicat).
La clau estrategica que permetriá de far d'un virus una arma es e demòra de ne deténer ja lo vaccin abans l'espandiment del virus. Sense un vaccin, non es una arma, mas una catastròfa potenciala, coma quand espèta una centrala nucleària, o quand espèta un fotral de sarabastal de nitrat d'amòni abandonat dins un canton de pòrt despuèi sièis ans… E d'aqueste punt de vista, per ara, devèm aculhir una novèla aital amb prudéncia e resèrvas.
Vòstre comentari es a mand d’èsser validat. Per terminar lo procès de validacion, vos cal encara clicar sul ligam qu’anatz recebre per e-mail a l’adreiça qu’avètz indicada.
Escriu un comentari sus aqueste article
Senhala aqueste comentari