capçalera campanha

Actualitats

InternacionalPolitica

La fugida de Joan Carles Ir adutz de tensions al sen del govèrn espanhòl

Lo Partit Socialista ara defend la monarquia e sos sòcis de Podèm se mòstran clarament republicans

Pedro Sánchez prèsta jurament sus la Constitucion davant lo rei Felip VI
Pedro Sánchez prèsta jurament sus la Constitucion davant lo rei Felip VI
Los escàndols de Joan Carles de Borbon e sa fugida d’Espanha an tornat alucar lo debat republican dins l’estat espanhòl. Lo Partit Socialista (PSÒE), qu’es al poder en coalicion amb l’esquèrra radicala de Podèm, son a viure aquel debat d’un biais marcat. E mai lo PSÒE aja manifestat son sosten al rei Felip VI e a la monarquia, fòrça electors e militants se demandan perqué se mòstran pas favorables a un estat republican.
 
Malgrat que lo PSÒE aja d’originas ideologicas clarament republicanas, dempuèi la mòrt del dictator Franco en 1975 sosten la Constitucion que s’aprovèt tres ans puèi e que definís l’estat espanhòl coma una monarquia parlamentària. Fins ara, lo PSÒE s’es doncas autodefinit coma un partit de personas “amb de valors republicanas” que defendon la “monarquia parlamentària”. Pasmens, los escàndols de Joan Carles an reviscolat totes los sectors del partit que preferisson una republica.
 
Mentretant, s’es desplegat lo messatge antimonarquic de Podèm, qu’ara exigís un referendum sus la continuitat de la monarquia.
 
D’autre caire, lo PSÒE es a negociar l’aprobacion del budget de l’estat amb Ciutadans en tot preveire la pèrda del sosten d’Esquèrra Republicana de Catalonha, çò qu’a fach créisser la tension entre los dos partits al govèrn espanhòl.



 
 
 
 
 
 
 
 


abonar los amics de Jornalet
 
 




 

Etiquetas

Jornalet es possible gràcias al sosten economic e jornalistic dels legeires e benevòls. Se lo podètz sosténer en venent sòci dels Amics del Jornalet o de l'Associacion ADÒC, o tot simplament en fasent un don, atal contribuiretz a far un mèdia mai independent e de melhora qualitat.

Bandièra05 1180x150: SIDILLÀ

Comentaris

Pitaluga
4.

E n'i a encara per s'estonar que lo P(SO)E cobrisca la fugida d'un delinquent que los jutges cèrcan pas de l'arrestar?
Rapèli que lo primièr còp que se comencèt de veire qui èra realamant aqueste arlèri es quand, a l'escasença d'un accident, se descobriguèt que, tot en essent president del WWF, caçava l'elefant en Africa. Coma cinic, es un capion lo tipe. E raubaire en mai d'aquò. Qu'o demanden als soïsses!

  • 13
  • 0
Franc Bardòu
3.

Lo PSÒE es a negociar l’aprobacion del budget de l’estat amb Ciutadans. Non an qu'a demandar son vejaire al Manolito Valls. Es segur que trparàn lo biais de s'endevenir, entre rascles partejant una meteissa ideologia…

  • 16
  • 0
Franc Bardòu
2.

1) "Lo partit socialista defend la monarquia" : tornatz dire aquela frasa (Occitan, leiçon n° 2)…

2) Lo PSÒE s’es doncas autodefinit coma un partit de personas “amb de valors republicanas” que defendon la “monarquia parlamentària”. Fin finala, las causas venon mai lindas, en França, aquùo se ditz : "Lo PSF s'es donc autodefinit coma un partit de personas "amb valors republicanas" que defendon la "dictatura neoliberala dels mercats".

3) Conclusion : lo partit socialista es coma l'albre : a sas fruitas se coneis l'albre. A sas òbras un còp al poder se coneis l'ideologia.

  • 16
  • 0

Escriu un comentari sus aqueste article