CAPÇALERA PAIS INVISIBLE

Actualitats

InternacionalPoliticaSocietatTelevision

Catalonha: la television censura un torista francofòn que ditz “Republica Catalana”

Dins los sostítols se gausèt pas publicar l’expression “Republica Catalana”, remplaçada pel mot “Catalonha”. Òm se demanda perqué

La television publica de la Generalitat de Catalonha, TV3, a pas gausat sostitolar l’expression “Republica Catalana” de las declaracions d’un torista francofòn. L’òme assolidava que vesitava Lloret de Mar dempuèi sièis ans e que, malgrat las recomandacions del govèrn francés, fasiá “totalament fisança a la Republica Catalana”. Ça que la, dins los sostítols se legiguèt pas los mots “Republica Catalana”, que foguèron remplaçats per “Catalonha”. Los rets socials ne faguèron difusion. Òm se demanda perqué TV3 a fach aquò.
 
Agachatz lo vidèo e legissètz-ne los sostítols.
 
 
 
abonar los amics de Jornalet
 
 

 

Etiquetas

Jornalet es possible gràcias al sosten economic e jornalistic dels legeires e benevòls. Se lo podètz sosténer en venent sòci dels Amics del Jornalet o de l'Associacion ADÒC, o tot simplament en fasent un don, atal contribuiretz a far un mèdia mai independent e de melhora qualitat.

Bandièra05 1180x150: PUBLICITAT

Comentaris

SERRA
8.

#2 Un administratiu del Parlament de Catalonha, lo sénher Xavier Muro, secreteri general, refusèt de publicar la resolucion del Parlament, contra los reis espanhòls Felipe VI e Juan Carlos, aprovada en assamblea generala (véser lo jornal digital Vilaweb)!
Desempuèi quand , un funcionari pòt anar contra la volontad majoritari d'elegits?
Lo President de la Generalitat Torra a demandat que lo President del Parlament Roger Torrent destituisca lo sénher Muro.

  • 11
  • 2
Franc Bardòu
7.

Òm se demanda : perqué TV3 a fait aquò ? Mai d'una rason possibla :

1) A fait aquò per amor que, non o aguèsse fait, i a un responsable o un autre que se seriá fait fotre defòra, benlèu.

2) Se pòt tanben imaginar que "politicament", "al plan de l'oficialitat internacionala" la "Republica Catalana" demorant a l'estat d'anóncia e, donc, d'utopia, los "jornalistas" an considerat que la nocion en question non correspondiá a res de real, per ara… e qu'en consequéncia, seriá estat mailèu de desinformacion que non pas d'informacion.

3) Lo responsable de las notícias poiriá èsser un espanholista ordinari…

  • 11
  • 7
Franc Bardòu
6.

#1 & #4 Bon ! Aquesta, ja, la nos as sortida mai d'un còp. Va caler soscar a te renovelar. Se te pensas capables de far melhor que Jornalet, non te'n prives pas, pecaire ! Mas tas sansonhas a doas balas començan de nos uflar…

  • 18
  • 6
SERRA
5.

#1 Per malastre, es pas la television espanhòla mas TV3, la television catalana !

  • 9
  • 3
SERRA
4.

I a una cinquena colomna dins las institutions catalanes ?
- Lo conseller Buch (conseller d'interior) daissa los mossos d'esquadra tustar los manifestants independentistes !
- Lo sénher Joan Ridao (ex ERC), advocat institucional al Parlament de Catalonha bota d'obstacles pseudò-juridics a la libre expression dels partits independentistes !
-e ara, la television publica TV3 censura un torista francés que parla de "republica catalana" !
Los catalans n'an pron a se batre contra l'estat espanhol e los partits espanyolistas a Catalonha. N'an pas besonh d'enemics interiors.
Molt honorable President Quim Torra e partits independentistes, fasètz recapte dins las insitucions catalanes ! Se tracha ni mai ni mens que de la capitada de la politica remirable d'emancipacion de Catalonha !

  • 11
  • 4

Escriu un comentari sus aqueste article