Actualitats
Rugbi de XIII: los Dragons se meton en camin
La Superliga a conegut sa primièra jornada completa de represa, alara que de rescontres d'NRL se tenon jos de bravas pluèjas d’ivèrn austral
Alan Roch
Superliga: la pròva per sèt
Novèla partida sus la pelena de Leeds pels Dragons Catalans fàcia als Tigres de Castleford. Lo primièr quart d’ora balhèt de susors frejas als sostens que los Sang e Aur entamenèron lo rescontre sul meteis ritme que la partida contra St Helens. Al cap de 14 minutas, los angleses avián ja marcat dos ensages transformats e ajustat una penalitat per menar 14-0!
Mas Folau servissiá Davies que puntava dins lo canton. Da Costa ajustava un ensag al ras del tengut, puèi lo centre australian recuperava una palma als 40 mètres catalans, trapava lo trauc entre dos defensors, mandava l’arrièr pàisser la pelena e marcava. Amb doas transformacions ensacadas per Maloney, los catalans menavan a la pausa: 16-14.
E aquò contunhèt dins lo segond temps: Benjamin Garcia profeitèt d’una passa azardosa d’un defensor anglés per marcar; Folau recuperava un còp de pè a seguir e lançava Joel Tomkins a l’ensag; Davies marcava pel segond còp e un pichon còp de pè a seguir de Drinkwater dobrissiá lo camin de l’ensag a Baitieri. Coma Maloney ajustèt 3 transformacions e una penalitat, lo planchòt final marquèt un avantatge bèl de 40-14 pels Sang e Aur.
Caldrà tornar en Anglatèrra dissabte per jogar, aqueste còp sus la pelena de Sant Helens, contra Salford. Los Dragons poiràn comptar suls retorns de l’arrièr Sam Tomkins e del talonaire McIlorum. Mèfi: los Diables Roges van arribar amb un moral d’infèrn aprèp la larga victòria sus Hull FC: 54-18. Los vesins d’Hull KR faguèron pas lo pes fàcia als Lops de Warrington: 10-40.
Tòni Gigòt joguèt sa primièra partida amb Wakefield que perdèt d’un punt fàcia a Wigan: 22-23, alara que St Helens èra en demostracion fàcia a Leeds: 48-0.
NRL: lo cap flaquís pas
Las formacions al cap del classament australian contunhan de ganhar: Penrith bat Canberra: 28-12; Melbourne dispausa aisidament de Canterbury: 44-10; Parramatta ganha una partida de rugbi piscina a Cronulla: 14-12; Shaun Johnson jòga plan al pè, mas passa pas cap de transformacion per las Làmias; los Roosters van ganhar a Sant Jòrdi: 24-16.
Aqueles 4 venceires, coma Canberra, se deurián qualificar per la fasa eliminatòria. Newcastle (15 punts), los Lapinons e las Làmias (14 punts) demòran jos la menaça de Manly (12 punts), dels Tigres e dels neozelandeses (10 punts) (nlr.com).
Malafacha antitretzista a la Trivala
Voldriái acabar aquesta cronica sus una nòta personala e denonciar publicament la persona qu’arranquèt los pegasolets de Carcassona XIII e dels Dragons Catalans del darrièr de la veitura. E se daissèt lo Òc, pensi pas que siá en rason de son occitanitat mas dins la confusion de son esperit a degut barrejar la O e la C amb la C e la O del Castras Olimpic!
Sabi pas s’agantarem aquel arpalhand, mas se li metèm la man dessús, serà condemnat a pagar un còp a beure general a l’estanquet e a cridar 13 còps a plec de gargalhòl: “Lo XIII, aquò òc!”, sens doblidar l’emenda de 10 èuros per se tornar procurar los dos pegasolets indispensables.
Alan Roch
Novèla partida sus la pelena de Leeds pels Dragons Catalans fàcia als Tigres de Castleford. Lo primièr quart d’ora balhèt de susors frejas als sostens que los Sang e Aur entamenèron lo rescontre sul meteis ritme que la partida contra St Helens. Al cap de 14 minutas, los angleses avián ja marcat dos ensages transformats e ajustat una penalitat per menar 14-0!
Mas Folau servissiá Davies que puntava dins lo canton. Da Costa ajustava un ensag al ras del tengut, puèi lo centre australian recuperava una palma als 40 mètres catalans, trapava lo trauc entre dos defensors, mandava l’arrièr pàisser la pelena e marcava. Amb doas transformacions ensacadas per Maloney, los catalans menavan a la pausa: 16-14.
Israel Folau, WOW
— Betfred Super League (@SuperLeague) August 8, 2020
All the way with pace and power, @DragonsOfficiel take the lead!
Live on @SkySportsRL Arena now #SLCasCat#SuperLeaguepic.twitter.com/Yvf0c8xXZr
E aquò contunhèt dins lo segond temps: Benjamin Garcia profeitèt d’una passa azardosa d’un defensor anglés per marcar; Folau recuperava un còp de pè a seguir e lançava Joel Tomkins a l’ensag; Davies marcava pel segond còp e un pichon còp de pè a seguir de Drinkwater dobrissiá lo camin de l’ensag a Baitieri. Coma Maloney ajustèt 3 transformacions e una penalitat, lo planchòt final marquèt un avantatge bèl de 40-14 pels Sang e Aur.
Caldrà tornar en Anglatèrra dissabte per jogar, aqueste còp sus la pelena de Sant Helens, contra Salford. Los Dragons poiràn comptar suls retorns de l’arrièr Sam Tomkins e del talonaire McIlorum. Mèfi: los Diables Roges van arribar amb un moral d’infèrn aprèp la larga victòria sus Hull FC: 54-18. Los vesins d’Hull KR faguèron pas lo pes fàcia als Lops de Warrington: 10-40.
Tòni Gigòt joguèt sa primièra partida amb Wakefield que perdèt d’un punt fàcia a Wigan: 22-23, alara que St Helens èra en demostracion fàcia a Leeds: 48-0.
NRL: lo cap flaquís pas
Las formacions al cap del classament australian contunhan de ganhar: Penrith bat Canberra: 28-12; Melbourne dispausa aisidament de Canterbury: 44-10; Parramatta ganha una partida de rugbi piscina a Cronulla: 14-12; Shaun Johnson jòga plan al pè, mas passa pas cap de transformacion per las Làmias; los Roosters van ganhar a Sant Jòrdi: 24-16.
Aqueles 4 venceires, coma Canberra, se deurián qualificar per la fasa eliminatòria. Newcastle (15 punts), los Lapinons e las Làmias (14 punts) demòran jos la menaça de Manly (12 punts), dels Tigres e dels neozelandeses (10 punts) (nlr.com).
Malafacha antitretzista a la Trivala
Voldriái acabar aquesta cronica sus una nòta personala e denonciar publicament la persona qu’arranquèt los pegasolets de Carcassona XIII e dels Dragons Catalans del darrièr de la veitura. E se daissèt lo Òc, pensi pas que siá en rason de son occitanitat mas dins la confusion de son esperit a degut barrejar la O e la C amb la C e la O del Castras Olimpic!
Sabi pas s’agantarem aquel arpalhand, mas se li metèm la man dessús, serà condemnat a pagar un còp a beure general a l’estanquet e a cridar 13 còps a plec de gargalhòl: “Lo XIII, aquò òc!”, sens doblidar l’emenda de 10 èuros per se tornar procurar los dos pegasolets indispensables.
Alan Roch
Jornalet es possible gràcias al sosten economic e jornalistic dels legeires e benevòls. Se lo podètz sosténer en venent sòci dels Amics del Jornalet o de l'Associacion ADÒC, o tot simplament en fasent un don, atal contribuiretz a far un mèdia mai independent e de melhora qualitat.
Cambiament de programa pels Dragons :
Coma 6 joh-gaires d'Hull-FC son positius al covid, los jogaires d'Hull-FC e Salford que se rescontrèron aquesta dimenjada se trapan confinhats.
Aqueste dissabte, los Dragons jogaràn contra Wakefield.
Vòstre comentari es a mand d’èsser validat. Per terminar lo procès de validacion, vos cal encara clicar sul ligam qu’anatz recebre per e-mail a l’adreiça qu’avètz indicada.
Escriu un comentari sus aqueste article
Senhala aqueste comentari