Las donadas sus los usatges lingüistics de l’Eurobaromètre son estadas publicadas en Internet. Se pòt veire las coneissenças de las lengas dins l’Union Europèa segon divèrses critèris: se la lenga es mairala o apresa, segon lo luòc de demorança, lo grop d’atge, etc.
Curiosament, dins l’Estat francés, 0,00% parlan coma lenga mairala l’occitan, lo còrs o lo breton... perque son quitament pas dins la lista de las lengas. Una simpla passejada per qualques endreches del país nòstre sufís per remarcar qu’aquelas donadas mancan la vertat.
Lo basco e lo catalan son, segon aquel rapòrt, de lengas mairalas de gaireben 0,00% dels ciutadans franceses.
La nòstra lenga bessona es, per contra, la mai apresa: 0,97% dels joves entre 15 e 34 ans son de parlants novèls del catalan segon aquel baromètre.
L’Eurobaromètre es un sondatge periodic que se fa vèrs los ciutadans de l’UE sus d’afars d’interès general e que compren de donadas dempuèi 1973. S’agís d’una de las aisinas mai considerablas per analisar l’evolucion de l’opinion publica.
Curiosament, dins l’Estat francés, 0,00% parlan coma lenga mairala l’occitan, lo còrs o lo breton... perque son quitament pas dins la lista de las lengas. Una simpla passejada per qualques endreches del país nòstre sufís per remarcar qu’aquelas donadas mancan la vertat.
Lo basco e lo catalan son, segon aquel rapòrt, de lengas mairalas de gaireben 0,00% dels ciutadans franceses.
La nòstra lenga bessona es, per contra, la mai apresa: 0,97% dels joves entre 15 e 34 ans son de parlants novèls del catalan segon aquel baromètre.
L’Eurobaromètre es un sondatge periodic que se fa vèrs los ciutadans de l’UE sus d’afars d’interès general e que compren de donadas dempuèi 1973. S’agís d’una de las aisinas mai considerablas per analisar l’evolucion de l’opinion publica.
Jornalet es possible gràcias al sosten economic e jornalistic dels legeires e benevòls. Se lo podètz sosténer en venent sòci dels Amics del Jornalet o de l'Associacion ADÒC, o tot simplament en fasent un don, atal contribuiretz a far un mèdia mai independent e de melhora qualitat.
Mercés al Jornalet de nos desboscar d'enquistas d'aquesta qualitat!!!
Alara se seguissèm las chifras, degun sap pas parlar occitan ni mai breton. Bon.
Per contra i a una proporcion mai granda de catalanofones en Polonha e en Finlanda qu'en França!
Es pas tot, lo basc es mai parlat en Itàlia qu'en Espanha (1.04% dels 60 milions d'italians fa 600 000 personas, contra 1.26% dels 46 milions d'espanhols fa 570 000) se o sabiatz pas, cal sortir un pauc e escotar ço que se parla dins las carrièras e las familha de Roma.
Se anatz en Polonha o en Ongria, de 300 personas rescontradas, una parla basc! Es a dire mai que d'eslovacs, d'arabofones o de catalans!
Lo danés es tant parlat al Portugal coma en Alemanha!
Benlèu mai susprenent encara, lo gaëlic, que es pas plan present en Escossia, o sabèm (1 parlant per 370 personas) e es possible que dins qualques annadas aquesta lenga se parle mai a Malta, en Eslovaquia, Suèda e Eslovenia (1 parlant per 660 personas).
Francament, aqui de moneda plan degalhada, nos esclafam a bon compte!
Las lengas son un espleit de poder. Quora luchan una contra l'autra, es una lucha a mòrt. Euròpa tanben est un espleit de poder. Volètz pas, ça que la, qu'Euròpa se bote efectivament a defendre los mai febles !!! Servís son que a assolidar lo poder dels potents, a enriquir los rics e a apaurassir los paures. Volètz que se bote efectivament e coratjosament a defendre las lengas dels mai febles ??? Per o començar de far vertadièrament, li caldriá venir una Euròpa dels pòbles sens estats-nacions, dels pòbles defintis per sa lenga e units per fraternitat, dins l'egalitat de dignitat e de dreits, sens jamai demandar als mai fòrts, tenents actuals dels estats-nacions oficilas, lo sieu vejaire colonialista, faiscista e condescendent. M'avètz seguit ? La realitat a una cara tot autra, non ? D'aquí las resultas bufècas d'aqueste espleit de propaganda nacionalista estatala…
Quand los jornalistas franchimands vòlon parlar de Catalonha, demandon las entresenhas a Madrid (se vei que Barcelona sabon pas ont es). Volètz pas que quand l'eurobaromètre parla de França s'adrece pas a París?
Es vertat que las lengas minoras son mai o mens exclusas d'aquestes sondatges. L'impression que dònan es subretot de s'interessar a las lengas majoras ( demograficament e politicament) de l'UE, e a lor aprendissatge.
Vòstre comentari es a mand d’èsser validat. Per terminar lo procès de validacion, vos cal encara clicar sul ligam qu’anatz recebre per e-mail a l’adreiça qu’avètz indicada.
Escriu un comentari sus aqueste article
Senhala aqueste comentari