Actualitats
Cossí se passèt l’arrestacion d’un dels pus grands genocidas d’Argentina
En mai passat arrestèron en Brasil Gonzalo Sánchez, escaissat Chispa. Es acusat de crimes contra l’umanitat dont de sequestracions, d’assassinats, de desaparicions e de torturas
Lo mes de mai passat, arrestèron en Brasil lo genocida argentin Gonzalo Sánchez, escaissat Chispa. Aviá fugit en 2005 quand foguèt acusat de mai de 900 sequestracions per la dictatura argentina entre 1976 e 1983. L’arrestacion se faguèt en plena pandemia de la covid-19 dins una operacion secreta. Lo policièr argentin que lo menèt de Brasil èra un dels maites enfants raubats per la dictatura, çò explica un reportatge de Gatopardo publicat lo 17 de julhet.
De crimes contra l’umanitat
Chispa èra mençonat dins las denóncias que las faguèron los subrevivents de l’Escòla de Mecanica de l’Armada (ESMA), un dels centres de detencion clandestins de la dictatura argentina mai tenebroses. Es acusat de crimes contra l’umanitat dont de sequestracions, d’assassinats, de desaparicions e de torturas. Chispa es especialament lo responsable de l’assassinat en 1977 del jornalista e escrivan Rodolfo Wash, autor del libre Operación Masacre (1957).
Chispa participava tanben als diches “vòls de la mòrt”, un metòde d’exterminacion que consistissiá a bandir, d’avions militars estant, de personas dins l’ocean Atlantic vius e drogats.
De persona non grata a fugitiu en Brasil
Fins als ans 1990 demorèt en Argentina, dins la vila de Sant Antonio Oeste, ont la municipalitat lo declarèt persona non grata per s’èsser vantat de son passat repressiu. Fugiriá en Brasil en 2005.
En 2013, lo detenguèron en Brasil, mas tres ans puèi l’assignèron a domicili e fugiguèt. Demorèt, totun, en Brasil ont trabalhava amb una identitat falsa dins l’indústria navala de Rio de Janeiro. En 2019, la Cort Suprèma de Brasil autorizèt son extradicion en Argentina.
Complicitat de Bolsonaro
Per Brasil, se tracta del primièr cas d’extradicion sus d’afars de dreches umans que se ten jos lo mandat del president Jair Bolsonaro, un òme que revendica la dictatura militara brasilièra e que fa gaire lausèt los èx-dictators Alfredo Stroessner, de Paraguai, e Augusto Pinochet, de Chile.
Ara s’espèra que lo jutjament de Gonzalo “Chispa” Sánchez servirà tanben per esclarzir son refugi en Brasil, e las complicitats de las autoritats d’aquel país amb lo genocida. Delà las sospièchas de las victimas de la dictatura argentina, la Cort Suprèma de Brasil a dobèrt una enquista per determinar se Bolsonaro a manipulat e contrarotlat las recèrcas de la Polícia Federala pertocant aqueste afar.
De crimes contra l’umanitat
Chispa èra mençonat dins las denóncias que las faguèron los subrevivents de l’Escòla de Mecanica de l’Armada (ESMA), un dels centres de detencion clandestins de la dictatura argentina mai tenebroses. Es acusat de crimes contra l’umanitat dont de sequestracions, d’assassinats, de desaparicions e de torturas. Chispa es especialament lo responsable de l’assassinat en 1977 del jornalista e escrivan Rodolfo Wash, autor del libre Operación Masacre (1957).
Chispa participava tanben als diches “vòls de la mòrt”, un metòde d’exterminacion que consistissiá a bandir, d’avions militars estant, de personas dins l’ocean Atlantic vius e drogats.
De persona non grata a fugitiu en Brasil
Fins als ans 1990 demorèt en Argentina, dins la vila de Sant Antonio Oeste, ont la municipalitat lo declarèt persona non grata per s’èsser vantat de son passat repressiu. Fugiriá en Brasil en 2005.
En 2013, lo detenguèron en Brasil, mas tres ans puèi l’assignèron a domicili e fugiguèt. Demorèt, totun, en Brasil ont trabalhava amb una identitat falsa dins l’indústria navala de Rio de Janeiro. En 2019, la Cort Suprèma de Brasil autorizèt son extradicion en Argentina.
Complicitat de Bolsonaro
Per Brasil, se tracta del primièr cas d’extradicion sus d’afars de dreches umans que se ten jos lo mandat del president Jair Bolsonaro, un òme que revendica la dictatura militara brasilièra e que fa gaire lausèt los èx-dictators Alfredo Stroessner, de Paraguai, e Augusto Pinochet, de Chile.
Ara s’espèra que lo jutjament de Gonzalo “Chispa” Sánchez servirà tanben per esclarzir son refugi en Brasil, e las complicitats de las autoritats d’aquel país amb lo genocida. Delà las sospièchas de las victimas de la dictatura argentina, la Cort Suprèma de Brasil a dobèrt una enquista per determinar se Bolsonaro a manipulat e contrarotlat las recèrcas de la Polícia Federala pertocant aqueste afar.
Jornalet es possible gràcias al sosten economic e jornalistic dels legeires e benevòls. Se lo podètz sosténer en venent sòci dels Amics del Jornalet o de l'Associacion ADÒC, o tot simplament en fasent un don, atal contribuiretz a far un mèdia mai independent e de melhora qualitat.
Una bona nova que cal coneisser e gaudir, arrestat e deportat l'assassí per ser jutjat. Visca !
Chisa èra estat format a l'escòla franquista ? Dins sos metòdis, me sembla plan reconéisser los de l'Ostal Espanha, version 39-76. E totes los rascles d'aquesta raiça non s'amagan pas al Brazil, se'n manca ! E mai se començan, aqueles alèris, de se far vièlhs, adara…
Vòstre comentari es a mand d’èsser validat. Per terminar lo procès de validacion, vos cal encara clicar sul ligam qu’anatz recebre per e-mail a l’adreiça qu’avètz indicada.
Escriu un comentari sus aqueste article
Senhala aqueste comentari