capçalera campanha

Actualitats

InternacionalPolitica

Liban: tomba lo govèrn en seguida de las protèstas provocadas per las explosions de Beirot

La decision l’a forçada l’enòrma reaccion populara, qu’atribuís la tragèdia a la negligéncia del govèrn

Lo primièr ministre de Líban, Hassan Diab, anoncièt ièr de ser la demission de tot son govèrn en seguida de l’explosion d’un magazin del pòrt de Beirot qu’a daissat 220 mòrts, 110 desapareguts e almens 6000 nafrats. La decision l’a forçada l’enòrma reaccion populara, qu’atribuís la tragèdia a la negligéncia del govèrn: l’origina de l’incident èra un depaus de 2570 tonas de nitrat d’amòni servadas en marridas condicions que se confisquèron fa sièis ans.
 
La devastacion dins la zòna del pòrt e, sustot, la destruccion de tres quartièrs, ont de centenats de milièrs de personas an perdut lor lotjament, an multiplicat exponencialament la ràbia contra lo govèrn. Tot comptat e rebatut, s’es traduch en tres jorns de protèstas massissas per carrièras qu’an rescontrat una repression fòrta de la polícia; aquesta a emplegat de gas lacrimògen contra los manifestants. Lo bilanç es d’un policièr mòrt e de 238 personas nafradas.
 
“L’explosion es lo resultat d’un sistèma de corrupcion endemic”, çò reconeguèt lo quite primièr ministre en anonciar sa demission. De fach, las carrièras an fach aumentar la pression sul govèrn e Diab a vist coma divèrses membres de son executiu demissionavan. Fa qualques jorns, aviá anticipat sa decision: “Soi lèst per assumir la responsabilitat del govèrn pendent los dos meses que venon fins que totes los partits pachen la fasa de seguir, e diluns convocarai lo conselh dels ministres per organizar aquelas eleccions anticipadas”. Mas fin finala s’es pas convocat las eleccions puèi que l’executiu a demissionat. L’inconeguda es ara se i aurà un govèrn d’unitat nacionala que pòsca trencar las dinamicas sectàrias enrasigadas dempuèi 30 ans.
 
Mentretant , lo país subís una crisi sens precedent; aperaquí 300 000 personas an perdut lor lotjament, los espitals son saturats, mancan los produches basics e aumentan las infeccions de covid-19.
 
Dins una conferéncia internacionala d’ajuda a Liban, presidida per Emmanuel Macron e António Guterres, l’ÒNU a estimat que caldriá 115 milions d’èuros per la reconstruccion de Beirot. Pasmens, la conferéncia a collectat 250 milions.
 
 
 
 


abonar los amics de Jornalet

 

 
 
 

Etiquetas

Articles relacionats

Jornalet es possible gràcias al sosten economic e jornalistic dels legeires e benevòls. Se lo podètz sosténer en venent sòci dels Amics del Jornalet o de l'Associacion ADÒC, o tot simplament en fasent un don, atal contribuiretz a far un mèdia mai independent e de melhora qualitat.

Bandièra05 1180x150: PUBLICITAT

Comentaris

Franc Bardòu
2.

Tot comptat e rebatut, s’es traduit en tres jorns de protèstas massissas per carrièras qu’an rescontrat una repression fòrta de la polícia ; aquesta a emplegat de gas lacrimògen contra los manifestants, coma se fa d'ara enlà pertot en França. Lo bilanç es de 238 personas nafradas, en mai dels 220 mòrts, 110 desapareguts e almens 6000 nafrats de l'espet degut al nitrat d'amòni. Segurament los policièrs se seràn dit que non i aviá pro, e que ne caliá mai ! Imagini d'aquì enlà la Polícia udolant l'òrdre als manifestants de tornar cadun a l'ostal, mentre que centenats de milièrs de personas se son perdut lo lotjament ! Cossí se pòt èsser policièr ? Aquò far per ieu partida dels mistèris mai prigonds de l'umanitat.

  • 11
  • 6

Escriu un comentari sus aqueste article