Actualitats
Estats Units: Joe Biden causís Kamala Harris coma candidata a la vicepresidéncia
Antiracista, progressista e jove, serà la tresena femna a ensajar de venir vicepresidenta dels Estats Units
L’aspirant democrata a l’eleccion presidenciala que se tendrà lèu als Estats Units, Joe Biden, a pres una virada dins sa campanha en causissent Kamala Harris coma candidata a la vicepresidéncia. Harris es senatritz de Califòrnia e foguèt una anciana rivala de Biden dins las primàrias. De mençonar que los democratas an una possibilitat d’aténher la presidéncia dels Estats Units, a ne jutjar pels marrits resultats que los sondatges pronostican a Donald Trump.
Harris es mai o mens progressista e antiracista. Son eleccion compensa lo perfil moderat de Biden, que los electors percebon coma fòrça conservator. Nascuda en 1967, filha d’immigrants d’Índia e Jamaica, Harris ven la primièra femna afroamericana e tanben asiaticoamericana a far partida d’una candidatura a l’eleccion presidenciala estatsunidenca. Serà tanben la tresena femna a ensajar de venir vicepresidenta. Fins ara, cap o a pas capitat.
Kamala Harris foguèt procuraira del districte de San Francisco de 2004 a 2019 e procuraira generala de Califòrnia de 2011 al 2017. En 2016 foguèt elegida senatritz dels Estats Units, la tresena femna senatritz de l’istòria d’aquel senat e la primièra a èsser pas descendenta de colons europèus. Lo 21 de genièr de 2019, anoncièt oficialament sa candidatura a la presidéncia dels Estats Units per l’eleccion de 2020. Sa candidatura s’interrompèt en decembre car aviá obtengut plan pauques vòtes. Pasmens, aguèt temps d’afrontar precisament Joe Biden, per la feblesa d’aqueste contra lo racisme dins lo passat.
Harris es mai o mens progressista e antiracista. Son eleccion compensa lo perfil moderat de Biden, que los electors percebon coma fòrça conservator. Nascuda en 1967, filha d’immigrants d’Índia e Jamaica, Harris ven la primièra femna afroamericana e tanben asiaticoamericana a far partida d’una candidatura a l’eleccion presidenciala estatsunidenca. Serà tanben la tresena femna a ensajar de venir vicepresidenta. Fins ara, cap o a pas capitat.
Kamala Harris foguèt procuraira del districte de San Francisco de 2004 a 2019 e procuraira generala de Califòrnia de 2011 al 2017. En 2016 foguèt elegida senatritz dels Estats Units, la tresena femna senatritz de l’istòria d’aquel senat e la primièra a èsser pas descendenta de colons europèus. Lo 21 de genièr de 2019, anoncièt oficialament sa candidatura a la presidéncia dels Estats Units per l’eleccion de 2020. Sa candidatura s’interrompèt en decembre car aviá obtengut plan pauques vòtes. Pasmens, aguèt temps d’afrontar precisament Joe Biden, per la feblesa d’aqueste contra lo racisme dins lo passat.
Jornalet es possible gràcias al sosten economic e jornalistic dels legeires e benevòls. Se lo podètz sosténer en venent sòci dels Amics del Jornalet o de l'Associacion ADÒC, o tot simplament en fasent un don, atal contribuiretz a far un mèdia mai independent e de melhora qualitat.
#4 Aquí benlèu tocam al problèma consubstancial de la "democracia representativa" (oximoron). Per representar las gents de la pèl negra (a partir de quin taus de pigmentacion una pèl pòt èsser considerada coma blanca o coma negra ?), causisson una dòmna (fòrt plan) diplomada (fòrça) e fòrt plan pagada (per sas actualas foncions politicas). Ja es copada de la màger part dels las "gents de la pèl negra" a dos nivèls : es rica e diplomada. Es a dira qu'aparten ja, coma B. Obama, a una classa dominanta, e qu'ela decidirà (?) pels autres, en foncion de sos interèsses de classa… Non sabi se lo dieu d'aqueste fotut mond benesís los EUA, mas çò es que lo mond en question, aital dirigit, non es pas pròpche de cambiar !
Ne cal pauc als Estats Units per ésser qualificat de "negre". M'auriatz pas dich qu'aquesta Kamala Harris l'èra que l'auriai pas endevinhat. L'ipocrisia americana qu'instrumentaliza de longa son racisme malautiu e nevrotic quitarà pas de nos espantar !
Antiraciste, progressive, jòune? Mesfiatz-vos de tot aqueus mots que volan ren dire. I a mille faiçons d'esser antiraciste e progresssite, mesme de far lo contrari un còp au poder. Mesfiat-vos tanben daus sondatges e subretot de tot çò que se dich dins los medias oficiaus..
Los electors percebon Joe Biden coma fòrça conservator : qué fot aqueste mariòl dins un partit pretendut "democrat" ? Es aquò, coma tota la còla europèa dels "socialistas" per empachar tota apròcha non-liberala de l'alternativa electorala. Los "conservators" neoliberals "d'esquèrra" incarnan la mòrt de tota democracia representativa, e explican perqué la "democracia representativa" es e demorarà oximorica, definitivament…
Vòstre comentari es a mand d’èsser validat. Per terminar lo procès de validacion, vos cal encara clicar sul ligam qu’anatz recebre per e-mail a l’adreiça qu’avètz indicada.
Escriu un comentari sus aqueste article
Senhala aqueste comentari