Una setantena de femnas manifestèron la setmana passada a Istambol per protestar contra la decision del govèrn turc de quitar lo tractat europèu sus la prevencion e la lucha contra la violéncia envèrs las femnas. N’arrestèron 33, per aver “desfisat las directivas de la polícia”. Segon las fòrças de l’òrdre, la manifestacion èra illegala e las manifestantas avián marchat fins al centre de la vila en luòc de demorar acampadas dins un pargue.
 
Las manifestantas defendián lo dich Acòrdi d’Istambol, signat dins aquela ciutat en 2011 e en vigor dempuèi 2014. Lo tractat obliga los païses signataris a far de leis contra la violéncia masclista. Turquia jonguèt l’acòrdi mas ara lo govèrn de Recep Tayyip Erdoğan ne vòl sortir.
 
Segon Amnestia Internacionala, la pandemia de la covid-19 a aumentat considerablament los cases de femnas e joventas assassinadas e violadas. “Lo retirament de Turquia de l’acòrdi auriá de consequéncias desastrosas per de milions de femnas e filhas del país e per las organizacions que sostenon las subreviventas de las agressions sexualas e de la violéncia de genre dins l’encastre de la familha. Lo simple debat sul possible retirament a d’enòrmes efièches negatius sus la seguretat de las femnas e joventas”, çò diguèt Anna Blús, cercaira de l’organizacion umanitària en Turquia. “Es tristament ironic que las autoritats turcas considèren de se retirar d’un acòrdi que pòrta lo nom de sa vila mai emblematica”, çò apondèt.
 
 

Check out the hashtag #istanbulsozlesmesiyasatir Our sisters are protesting in Turkey as the Country proposes to leave the Istanbul Convention - an international treatise designed to tackle violence against women and girls. https://t.co/irkgCnzQJ6

— Dr EM (@PankhurstEM) August 6, 2020

 

this is how the police stopped women from protesting for istanbul convention. we are fighting for our rights, we are doing peaceful protests because we don’t wanna get killed and this is how you “stop” us? #istanbulsozlesmesiyasatirpic.twitter.com/9Pe3EHcLYJ

— s i m a y (@lpgothboiclique) August 5, 2020