Dissabte, se trenquèt en dos tròces lo petrolièr encalat davant las còstas de l’illa Maurici, dins l’ocean Indian. Lo naviri se tròba aquí dempuèi lo 25 de julhet passat e a ja escampat dins l’aiga aperaquí un milion de tonas de petròli brut, en estendent una taca sorna de gaireben 17 quilomètres de diàmetre. Lo desastre natural es un dels piègers que los aja jamai patits l’illa. S’agís del Wakashio, una nau japonesa amb bandièra de Panamà, cargava 200 tonas de gasòli e 3800 de petròli. Segon la companhiá, n’an recuperadas manualament 460, mas los abitants planhon que la situacion es delicada e que los efièches del desastre s’adoban pas brica.
 
Lo govèrn de Maurici esperèt doas setmanas per declarar l’emergéncia nacionala après l’accident. A mai, en o far, demandèt lo sosten de la comunautat internacionala, e recebèt l’ajuda dels estats francés e japonés qu’an enviat de ressorsas per jónher los ciutadans del país que trabalhan dempuèi jorns per tirar lo petròli de l’aiga. L’operacion a capitat a levar la màger part del liquid potencialament polluent que demorava dins lo depaus del naviri, e per aquela rason la particion de dissabte a relativament inquietat.
 
 
Desastre ecologic e drama per la populacion
 
Mas l’impacte del desastre pòt venir un drama per la populacion de l’illa Maurici e las illas mai pichonas que l’environan, pr’amor qu’es un país extrèmament dependent del torisme, qu’òm i arriba de pertot justament per las vistas d’un endrech paradisiac qu’ara es tot polluït e parcialament destruch. E lo drama afècta tanben la rica biodiversitat de la zòna, perque l’accident a agut luòc plan près de dos airals protegits.
 
Vejatz-ne qualques imatges: