capçalera campanha

Actualitats

InternacionalPolitica

Mali: un soslevament militar a tombat lo govèrn

Lo president malian afrontava dempuèi qualques setmanas una fòrta contèsta intèrna, amb de manifestacions e de revòltas. L’ÒNU a condemnat lo putsch

| Moussa Kalapo / EPA / EFE
Un soslevament armat a Mali a tombat lo govèrn: una insurreccion dins una basa militara près de Bamako a ben capitat. Après intrar trionfants dins la capitala los soldats putschistas an sequestrat de nauts responsables civils e militars dont lo primièr ministre e lo president del país, qu’a anonciat sa demission e la de la rèsta de l’executiu dins una intervencion sus la television estatala.
 
Lo president malian afrontava dempuèi qualques setmanas una fòrta contèsta intèrna, amb de manifestacions e revòltas, e d’exigéncias de demission, perque lo considèran responsable de la corrupcion e de l’inseguretat dins lo país.
 
De milièrs de personas an pres las carrièras de Bamako per festejar l’eveniment,  en assautant e incendiat lo Ministèri de la Justícia.
 
Ara, los putschistas an promés dins un messatge televisat de “nòvas eleccions crediblas per l’exercici de la democracia a travèrs d’un fuèlh de rota que getarà las basas d’un nòu Mali”.
 
Lo secretari general de l’ÒNU, António Guterres, a condemnat aquel “soslevament militar” e a exigit la liberacion immediata e sens condicions del president del país e dels membres del govèrn. Tanben las principalas organizacions internacionalas e los païses mai influents d’Africa an condemnat lo putsch.

 
 
 
 


abonar los amics de Jornalet

 

 

Etiquetas

Jornalet es possible gràcias al sosten economic e jornalistic dels legeires e benevòls. Se lo podètz sosténer en venent sòci dels Amics del Jornalet o de l'Associacion ADÒC, o tot simplament en fasent un don, atal contribuiretz a far un mèdia mai independent e de melhora qualitat.

Bandièra05 1180x150: PUBLICITAT

Comentaris

lo gwen st guironç
5.

citar l'anarchia just aprèp lo caos prova ben qu'un militar demora un militar..

  • 3
  • 0
Franc Bardòu
4.

#3 Un pòble enfin liure redigís e vòta sas leis el-meteis, sense l'intermediari de cap representant ni de cap de partit…

  • 1
  • 0
Mesquin
3.

Se creson liures, ara, e festejan. Mas l'Estat contunha d'existir, del biais que la repression contunha. Del sol fach que la "libertat" lor venga de las mans dels militars ne traparàn de conclusions.

  • 3
  • 1
Franc Bardòu
2.

Tè, encara un còp, lo metòdi franquista, amb totes los autres qu'en corala cantejan : "Aquò's pas ben"…

  • 8
  • 1

Escriu un comentari sus aqueste article