L’enquista sus la mòrt d’un òme arrestat en Belgica a pres una nòva dimension amb la difusion dels imatges de la detencion. Los imatges mòstran cossí sièis agents de polícia l’estofèron assetats sus el pendent 16 minutas mentre que dançavan e risián, e qu’una policièra fasiá lo salut nazi. Après, lo menèron a l’espital en estat de còma e l’òme moriguèt tres jorns puèi. La victima èra Jozef Chovanec, un ciutadan eslovac de 38 ans.
 
Lo ministre dels afars exteriors d’Eslovaquia a condemnat la violéncia de la polícia bèlga e n’a demandat una enquista detalhada. Amnestia Internacionala a criticat lo biais “injustificable” amb lo qual se debanèt aquela detencion que la considèra “òrra”.
 
Lo comandant de la Polícia Administrativa de Belgica a demissionat temporàriament fins que se n’esclarzisca las responsabilitats del temps qu’un agent èra licenciat.
 
Los faches se passèron dins la nuèch del 23 al 24 de febrièr de 2018 a l’aeropòrt de Charleroi (Valonia). Los policièrs arrestèron Chovanec a causa d’un incident presumit quand èra a mand de prene l’avion.
 
En seguida, la justícia de Belgica entamenèt una procedura solament per de còps e nafraduras fins que la veusa obtenguèsse los imatges e los mandèsse a un mèdia bèlga. Ara, après la difusion, lo cas a indignat la societat d’aquel país e la procedura s’es requalificada e s’examina tanben la mòrt de Jozef Chovanec.
 
 

Jozef Chovanec est mort à l’aéroport de #Charleroi, tué par des policiers qui se sont assis sur lui pendant 18 minutes
Pendant qu’il agonisait, les pandores dansaient et riaient, leur collègue faisait le salut nazi
La Belgique aussi est malade de sa policepic.twitter.com/ipOx0xt9CQ

— Marcel Aiphan (@AiphanMarcel) August 19, 2020