Actualitats
Euròpa es a remplaçar los avions pels trens de nuèch
Divèrses païses europèus an aviat de trens nocturnes que jonheràn las principalas capitalas del continent
Es pas lo moment pel transpòrt aerian. Es fòrça complicat d’adaptar los avions als besonhs sanitaris pendent la crisi de la covid-19 e mai la consciéncia ecologista compelís de mai en mai de ciutadans de voler pas pus viatjar en avion. Atal avèm una crisi sens precedent dins l’indústria aeronautica, dont Airbus, qu'es a suprimir 15 000 emplecs, e tanben dins las companhiás aerianas, que lors desplaçaments se son reduches considerablament. En consequéncia se comença de reviscolar un servici qu’èra fondamental al començament del sègle XX: lo tren nocturne.
Divèrses païses europèus an aviat de trens de nuèch que jonheràn las principalas capitalas del continent. Las societats ferroviàrias suedesa, austriana, soïssa e sustot la francesa SNCF son a alestir un larg ret de trens nocturnes, çò rapòrta Vilaweb. Suècia a anonciat un nòu tren que jonherà Malmö e Brussèlas de nuèch. Àustria prepausa de suprimir los vòls interiors e de los cambiar per de linhas de tren en tot entamenar tanben un ret de trens nocturnes. Las entrepresas ferroviàrias soïssa e austriana desvolopan un ret complèxe de trens de nuèch que, dins lo cas soís, liga onze capitalas de Berlin a Zagrèb e dins l’austrian se pensa de jónher Brussèlas, Amborg, Roma e Budapèst.
Lo ret de trens nocturnes de l’SNCF
Per quant a ela, la societat francesa SNCF vòl profechar de sa posicion geografica per èsser al centre de l'impulsion de las linhas de trens de nuèch intraeuropèas. Lo govèrn de Castex a mostrat un grand interès per la proposicion e alestís un plan que fariá venir realitat aquel ret en 2030. Segon divèrses estudis, dètz milions de passatgièrs causirián aquel mejan de transpòrt se l’alternativa que s’ofrís foguèsse semblabla —en çò que tanh al prètz e al confòrt— als avions. Los expèrts remarcan l’estalvi d’energia e creson que lo ret poiriá ajudar a reequilibrar territorialment l’estat francés.
Lo collectiu de professors e activistas Òc al Tren de Nuèch a elaborat un rapòrt fòrça complet amb tota l’informacion de besonh per comprene lo grand cambiament que l'implicariá la mesa en òbra d’aquel ret. Fòrça elegits sostenon aquelas proposicions.
Lo collectiu prepausa qu’en dètz ans foncione un ret europèu de trens d’aquela mena, amb un investiment fòrça mai pichon que lo desplegament del TGV, perque se concentrariá sustot sul renovelament dels veïculs e non pas sul bastiment de las linhas. Tanben se voldriá investir d’argent dins l’organizacion e la sincronizacion dels viatges, un aspècte que lo rapòrt met particularament en valor.
Segon aquel dessenh, en 2030 i auriá un malhum de grandas vilas d’ont partirián o ont arribarián la majoritat dels trens. Bordèu, Tolosa, Marselha e Niça comunicarián plan entre elas. A mai, Bordèu auriá una connexion dirècta amb Londres, París, Brussèlas e Madrid; Tolosa amb París, Barcelona e Roma, Niça amb Barcelona e Roma, e Marselha amb Barcelona, Alacant, Nàpols, Torin, Estrasborg, Praga, París, Zurich...
Ara lo projècte es sus la taula del govèrn francés. Macron a manifestat son interès e creisson las voses qu’afirman que lo projècte a de grandas valors economica e ecologica.
Los innovants vagons austrians
Los camins de fèrre austrians son tanben de pionièrs en çò que tanh al dessenh de nòus trens mai confortables per atraire sustot de clients del mitan dels afars. Vejatz l’estudi qu’explica cossí poirián èsser aqueles trens.
Divèrses païses europèus an aviat de trens de nuèch que jonheràn las principalas capitalas del continent. Las societats ferroviàrias suedesa, austriana, soïssa e sustot la francesa SNCF son a alestir un larg ret de trens nocturnes, çò rapòrta Vilaweb. Suècia a anonciat un nòu tren que jonherà Malmö e Brussèlas de nuèch. Àustria prepausa de suprimir los vòls interiors e de los cambiar per de linhas de tren en tot entamenar tanben un ret de trens nocturnes. Las entrepresas ferroviàrias soïssa e austriana desvolopan un ret complèxe de trens de nuèch que, dins lo cas soís, liga onze capitalas de Berlin a Zagrèb e dins l’austrian se pensa de jónher Brussèlas, Amborg, Roma e Budapèst.
Lo ret de trens nocturnes de l’SNCF
Per quant a ela, la societat francesa SNCF vòl profechar de sa posicion geografica per èsser al centre de l'impulsion de las linhas de trens de nuèch intraeuropèas. Lo govèrn de Castex a mostrat un grand interès per la proposicion e alestís un plan que fariá venir realitat aquel ret en 2030. Segon divèrses estudis, dètz milions de passatgièrs causirián aquel mejan de transpòrt se l’alternativa que s’ofrís foguèsse semblabla —en çò que tanh al prètz e al confòrt— als avions. Los expèrts remarcan l’estalvi d’energia e creson que lo ret poiriá ajudar a reequilibrar territorialment l’estat francés.
Lo collectiu de professors e activistas Òc al Tren de Nuèch a elaborat un rapòrt fòrça complet amb tota l’informacion de besonh per comprene lo grand cambiament que l'implicariá la mesa en òbra d’aquel ret. Fòrça elegits sostenon aquelas proposicions.
Lo collectiu prepausa qu’en dètz ans foncione un ret europèu de trens d’aquela mena, amb un investiment fòrça mai pichon que lo desplegament del TGV, perque se concentrariá sustot sul renovelament dels veïculs e non pas sul bastiment de las linhas. Tanben se voldriá investir d’argent dins l’organizacion e la sincronizacion dels viatges, un aspècte que lo rapòrt met particularament en valor.
Segon aquel dessenh, en 2030 i auriá un malhum de grandas vilas d’ont partirián o ont arribarián la majoritat dels trens. Bordèu, Tolosa, Marselha e Niça comunicarián plan entre elas. A mai, Bordèu auriá una connexion dirècta amb Londres, París, Brussèlas e Madrid; Tolosa amb París, Barcelona e Roma, Niça amb Barcelona e Roma, e Marselha amb Barcelona, Alacant, Nàpols, Torin, Estrasborg, Praga, París, Zurich...
Ara lo projècte es sus la taula del govèrn francés. Macron a manifestat son interès e creisson las voses qu’afirman que lo projècte a de grandas valors economica e ecologica.
Los innovants vagons austrians
Los camins de fèrre austrians son tanben de pionièrs en çò que tanh al dessenh de nòus trens mai confortables per atraire sustot de clients del mitan dels afars. Vejatz l’estudi qu’explica cossí poirián èsser aqueles trens.
Jornalet es possible gràcias al sosten economic e jornalistic dels legeires e benevòls. Se lo podètz sosténer en venent sòci dels Amics del Jornalet o de l'Associacion ADÒC, o tot simplament en fasent un don, atal contribuiretz a far un mèdia mai independent e de melhora qualitat.
#3 Nos cal nos caliá e nos caldrà sempre un transoccitan, de jorn e de nuèit, un Bordèu-Ventimiglia que nos faga espina dorsala. Es una evidéncia. En 55 ans de vida, soi estat mantes còps en Catalonha. Soi estat sonque tres còps a París, dos còps pichon, quand la maire i èra professinalament exiliada ! A París non i ai res a far, de ges de biais, mente qu'ai bresonh d'anar facilament a Bordèu, Marselha, Niça, Geròna, Barcelona, Valéncia e Elx. Tant pel plaser coma per la vida culturala e intellectuala. Es una evidéncia. E m'es evident que d'aiçò, los decidèires non ne vòlon pas, ges ni mica. Conspiracionisme ? o luciditat traguda dels faits ?
#3 rason
#2
"Bordèu, Tolosa, Marselha, Niça comunicariàn plan entre elas ."
Avetz plan razon de n''èster pas credule : n'es quitament pas "utopic", non es vertat, non !
Non es vertat : aquesta mapa se l'espiatz plan atentivament, nada comunication directa n'es prevista !
Paraulas paraulas....
"Segon aquel dessenh, en 2030 Bordèu, Tolosa, Marselha e Niça comunicarián plan entre elas. A mai, Bordèu auriá una connexion dirècta amb Londres, París, Brussèlas e Madrid ; Tolosa amb París, Barcelona e Roma, Niça amb Barcelona e Roma, e Marselha amb Barcelona, Alacant, Nàpols, Torin, Estrasborg, Praga, París, Zurich..." PErqué non me pòdi empachar de pensar qu'aquò es utopic ?
"Los camins de fèrre austrians son tanben de pionièrs en çò que tanh al dessenh de nòus trens mai confortables per atraire sustot de clients del mitan dels afars." E explicatz-me perqué los "clients del mitan dels afars" deurián aver un confort que los autres non deurián pas aver ? Perqué sempre reconduïre las inegalitats socialas; Los autres, totes los autres tanben an un egal beson de tranpòrt economic, ecologic e confortable ! Los que fan d'afars an tant de valor coma los autres, ni un pet de conilh de mai…
Vòstre comentari es a mand d’èsser validat. Per terminar lo procès de validacion, vos cal encara clicar sul ligam qu’anatz recebre per e-mail a l’adreiça qu’avètz indicada.
Escriu un comentari sus aqueste article
Senhala aqueste comentari