Actualitats
Es mòrta en preson l’avocata curda Ebru Timtik, en cauma de la fam
Pendent las funeralhas, la polícia ataquèt un acamp d’avocats e d’oposants a Erdoğan
Es mòrta en preson l’avocata curda Ebru Timtik. En abril passat publicàvem dins Jornalet, que se crenhiá per la vida dels avocats Ebru Timtik, Aytaç Ünsal, Oya Aslan e Barkın Timtik encarcerats e en cauma de la fam. Lo 27 d’agost passat, Ebru Timtik nos quitèt après una longa cauma per revendicar un jutjament just.
Ebru Timtik fasiá partida de l’Associacion dels Avocats Progressistas (ÇHD). En març de 2019 foguèt condemnada a tretze ans e sièis meses de preson per “èsser membre d’una organizacion terrorista” dins un jutjament polemic ont la defensa critiquèt la manca d’accès a las pròvas e dins lo qual lo tribunal acceptèt de testimònis anonims.
Lo 14 d’agost, la Cort Constitucionala de Turquia refusèt un recors per liberar Ebru Timtik e Aytaç Ünsal a causa de lor marrida santat. Los jutges diguèron que i aviá “pas pro d’informacion sus l’urgéncia d’un perilh critic per lors integritat morala e materiala”.
Lo jorn del decès, l’Ofici Legal del Pòble (Halkın Hukuk Bürosu) aviá publicat un messatge sus Twitter per avertir que lo còr de l’avocata s’èra arrestat e que recebiá una assisténcia medicala, e aviá cridat los ciutadans a s’amassar davant l’espital Dr. Sadi Konuk Bakırköy. Puèi, anoncièron que Timtik aviá defuntat.
Dins los darrièrs meses, d’autras tres activistas, musicians del grup Yorum, son mòrts dins lors caumas de la fam contra la persecucion politica. S’agís d’Helin Bolek, d’Ibrahim Gökçek e de Mustafa Koçak.
Pendent las funeralhas, i aguèt una manifestacion d’avocats e d’opausants a Erdoğan que protestavan contra la mòrt de la jurista curda. La polícia ataquèt los manifestants e n’arrestèt qualques unes.
Ebru Timtik fasiá partida de l’Associacion dels Avocats Progressistas (ÇHD). En març de 2019 foguèt condemnada a tretze ans e sièis meses de preson per “èsser membre d’una organizacion terrorista” dins un jutjament polemic ont la defensa critiquèt la manca d’accès a las pròvas e dins lo qual lo tribunal acceptèt de testimònis anonims.
Lo 14 d’agost, la Cort Constitucionala de Turquia refusèt un recors per liberar Ebru Timtik e Aytaç Ünsal a causa de lor marrida santat. Los jutges diguèron que i aviá “pas pro d’informacion sus l’urgéncia d’un perilh critic per lors integritat morala e materiala”.
Lo jorn del decès, l’Ofici Legal del Pòble (Halkın Hukuk Bürosu) aviá publicat un messatge sus Twitter per avertir que lo còr de l’avocata s’èra arrestat e que recebiá una assisténcia medicala, e aviá cridat los ciutadans a s’amassar davant l’espital Dr. Sadi Konuk Bakırköy. Puèi, anoncièron que Timtik aviá defuntat.
Dins los darrièrs meses, d’autras tres activistas, musicians del grup Yorum, son mòrts dins lors caumas de la fam contra la persecucion politica. S’agís d’Helin Bolek, d’Ibrahim Gökçek e de Mustafa Koçak.
Pendent las funeralhas, i aguèt una manifestacion d’avocats e d’opausants a Erdoğan que protestavan contra la mòrt de la jurista curda. La polícia ataquèt los manifestants e n’arrestèt qualques unes.
LES FUNÉRAILLES D'EBRU TIMTIK ATTAQUÉS
— Kurdistan au féminin (@KurdistanAu) August 28, 2020
TURQUIE - ISTANBUL - La police turque a attaqué les funérailles de l'avocate kurde Ebru Timtik. Nombreuses personnes, dont l’avocat Ali Haydar Doğan, ont été arrêtées. pic.twitter.com/1qlV53chM5
Articles relacionats
Jornalet es possible gràcias al sosten economic e jornalistic dels legeires e benevòls. Se lo podètz sosténer en venent sòci dels Amics del Jornalet o de l'Associacion ADÒC, o tot simplament en fasent un don, atal contribuiretz a far un mèdia mai independent e de melhora qualitat.
I a pas cap de comentari
Vòstre comentari es a mand d’èsser validat. Per terminar lo procès de validacion, vos cal encara clicar sul ligam qu’anatz recebre per e-mail a l’adreiça qu’avètz indicada.
Escriu un comentari sus aqueste article
Senhala aqueste comentari