Actualitats
Berlin: malastrosa manifestacion contra las mesuras sanitàrias
Aperaquí 18 000 personas respondián a l’apèl fach per de movements antivaccins e de grops d’ultradrecha
La protèsta aviá començat d’una manièra pacifica, mas quand la polícia la volguèt dissòlver, los grops d’ultradrecha i resistiguèron amb fòrça près de la Pòrta de Brandeborg.
Manifestacion non autorizada
La manifestacion, que poguèt pas finir, s’entamenava après qualques jorns de tensions entre los convocaires e las autoritats. La marcha foguèt pas autorizada perque se prevesiá que se compliriá pas las mesuras de seguretat.
Lo 1r d’agost, se tenguèt una manifestacion semblabla que capitèt a amassar entre 15 000 e 30 000 personas segon las fonts.
Lo 60% dels alemands sostenon las mesuras sanitàrias
Malgrat la visibilitat d’aquelas marchas negacionistas anticovid-19, l’opinion majoritària alemanda sosten las restriccions, dins un país qu’a pas jamai confinada sos abitants, pas quitament dins los moments pus critics de la pandemia. Lo 60% dels ciutadans defendon las mesuras, segon lo darrièr Politbarometer de la television publica ZDF, del temps que lo 28% d’eles se pensan que se deurián refortir. Solament lo 10% dels ciutadans interrogats las considèran exageradas.
L’unica formacion parlamentària que sosten aquelas manifestacions es l’ultradrechista Alternativa per Alemanha (AfD), cap de l’oposicion al Bundestag (cambra bassa) dempuèi 2017, mas qu’ara solament a una intencion de vòte del 9%, segon los sondatges.
La rintrada
La manifestacion s’es producha a un moment que lo govèrn de Merkel a durcit las restriccions pels viatjaires, mai que mai dins las zònas de risc. Lo retorn a l’activitat escolara se desvolopa gradualament a Alemanha, mas sens problèmas grèus, mentre que i a qualque inquietud per las remontadas de la covid-19 que se poirián debanar dins las reünions familialas après las vacanças.
La chifra de nòvas infeccions s’es estabilizada en Alemanha e dempuèi qualques jorns se situa a l’entorn dels mila cinc cents cases novèls per jorn, segon lo Robert Koch Institut (RKI).
Der selbsternannte Reichskanzler und seine Leibgarde. Attila Hildmann wurde vor wenigen Sekunden in Polizeigewahrsam genommen. #b2908pic.twitter.com/P60J4srwZP
— julius geiler (@glr_berlin) August 29, 2020
17:55 Uhr // 18:00 Uhr #b2908pic.twitter.com/kSprnUkP38
— julius geiler (@glr_berlin) August 29, 2020
Der selbsternannte Reichskanzler und seine Leibgarde. Attila Hildmann wurde vor wenigen Sekunden in Polizeigewahrsam genommen. #b2908pic.twitter.com/P60J4srwZP
— julius geiler (@glr_berlin) August 29, 2020
Articles relacionats
Jornalet es possible gràcias al sosten economic e jornalistic dels legeires e benevòls. Se lo podètz sosténer en venent sòci dels Amics del Jornalet o de l'Associacion ADÒC, o tot simplament en fasent un don, atal contribuiretz a far un mèdia mai independent e de melhora qualitat.
#1 E coma dcadun o sap, Jornalet defend valentament las tèsis franquistas contra Catalonha, fòrt urosament…
#1 Encara diriái quicòm mai: Jornalet a causit lo camp de Mussolini. Es demostrat que los jornalistas de la redaccion bevon d'aiga, coma o fasiá lo "duce"
Jornalet a chausit son camp, aquel de Petain. La rentrada semblara l'escòla dau temps de Petain. Tot aquò per una pendemia qu'exista que dins la testa de staticiens coma de nombros medecins en França e alhors zo denonçan. La manifestacion de Berlin es una manifestacion per defendre nòstras libertats que son de mai en mai ronhadas. Quò es un apel a se rassemblar contre la messonja de tots los l governaments dau monde qu'obeissan a la mafia daus millardaires . La manifestacion se derolet en presença de Robert Kenedy, lo nebot de l'ancian president daus Estats-Unis que denoncet l'ipocrisia de las stastitiques, aquela de nòstre technologia que nos flica, que sab tot sur nos e que pòd mesme inoculat dins lo sang de la micro-piuses capable d'interfera emben nòstras ideias. I aguet tanben de la manifestacion a Paris e Otawa.
La mòrt vai jamai ente l'esperam. I a talament de malaudias, d'accidents, o autres que venan nos querra!
D'aqui mens d'un mes la vaccinacion e la pandemia entretenguda seran consideradas coma un crime contre l'umanitat. Prenetz pas çò que dise coma una menaça o una idéia d'extrem-dreicha. Quò es la fin de la mafia politico-economica que domina tots los governaments sur aquela terra. E, devenan pus mechant en saber que lòr poder es acabat tresqu'en-z-a a mentir, tuar, justifiar lòrs crimes au nom de la libertat, de lòr libertat qu'es de transformar l'esser uman en esclave mesme los blancs e mesme tuar emben la panoplia de vacins e medicaments per far baissar la populacion, sens oblidar la nocivitat de las ondas 5G que son presentadas coma una miraudia alaidonc que son meurtieras per l'esser uman mai tan ben per tot çò que viu..
Victòria de la libertat e de la veritat
:
Vòstre comentari es a mand d’èsser validat. Per terminar lo procès de validacion, vos cal encara clicar sul ligam qu’anatz recebre per e-mail a l’adreiça qu’avètz indicada.
Escriu un comentari sus aqueste article
Senhala aqueste comentari