Tornarmai una interpelacion amb violéncia pel non-pòrt de la masca. Se tenguèt dissabte passat a Niça ont la polícia detenguèt un parelh que portavan lors mascas entre lors mans. Al moment que los policièrs los volián verbalizar se metèron la masca per evitar la multa, mas a aquel moment los policièrs plaquèron l’òme pel sòl e lo manotèron amb violéncia. Aquò es çò que mòstra un vidèo amator difusat suls rets socials. Segon la polícia, l’òme auriá rebutat pel braç un dels agents al moment de la verbalizacion.
 
Lo jornal Nice-Matin a obtengut la version oficiala de la Direccion Departamentala de la Seguretat Publica. Segon aquela version, los agents patrolhavan per la seguretat del public a la partença del Torn de França de la ciutat comtala e foguèron avertits del parelh que portavan pas la masca. Un dels policièrs demandèt a l’òme de metre sa masca e l’interessat li auriá dich que la voliá pas portar. Ça que la, lo vidèo mòstra pasmens qu’una masca èra penjada a l’aurelha de l’òme.
 
La version oficiala apond quand s’anava impausar la verbalizacion de 135 èuros la situacion s’enverinèt. La femna jutgèt l’actitud dels policièrs inapropriada e los agents li demandèron sa carta d’identitat en l’avisant qu’ela tanben riscava una emenda. A aquel moment, segon los agents, l’òme auriá rebutat un dels agents pel braç e aquò seriá la rason que lo plaquèsson e mantenguèsson pel sòl. Lo parelh foguèron menats a la casèrna Auvara de Niça abans d’èsser presentats a un oficièr de polícia judiciària.
 
Una enquista es dobèrta. Per ara, s’es pas precisat las condicions dins las qualas l’òme es estat nafrat al front.
 

Violente interpellation à #Nice lors du #TourdeFrance.
Un homme et une femme ont été arrêtés par la police pour non port de #Masques ! Ils l'avaient à la main, on voulu le mettre au vu de la police... Et voilà ! #TDF2020#COVIDー19#MasquesObligatoires#ViolencesPolicièrespic.twitter.com/0wzRijq5L8

— Cerveaux non disponibles (@CerveauxNon) August 29, 2020

 

Même pour une interpellation de braqueurs ou de proxénètes dangereux qu'il m'a été donné de diriger en France ces 10 dernières années, je n'ai jamais assisté à ce déploiement de violence !

Incompréhensible ... https://t.co/tb5A4mT1KQ

— Albert Lévy (@AlbertLvy1) August 29, 2020

 

Ces policiers sont des malades !

— Yves Pozzo di Borgo (@YvesPDB) August 29, 2020