capçalera campanha

Actualitats

InternacionalPoliticaSocietat

Bulgaria: la carrièra demanda la demission del govèrn

Acusan lo primièr ministre, Boiko Borisov, de corrupcion e d’aver de ligams amb l’oligarquia economica del país

| Balkan Insight
Crisi politica en Bulgaria. Après 57 jorns de manifestacions contra lo govèrn, dimècres passat las protèstas foguèron plan mai nombrosas e las ataquèt la polícia. Se compta que i aguèt almens qualques desenats de detenguts e de nafrats a causa dels afrontaments amb la polícia. 20 minutes parla de 55 nafrats. Euronews evòca una trentena de detenguts. Las informacions qu’avèm son escassas e nos arriban mai que mai per de manifestants qu’assabentan sus plaça per mejan dels rets socials amb l’etiqueta #Оставка (demission).
 
Los manifestants demandan la demission del govèrn del primièr ministre, lo populista Boiko Borisov, e de son procuraire general, que los acusan de corrupcion e d’aver de ligams amb l’oligarquia economica del país. Los manifestants dison majoritàriament que vòlon que lo cambiament de govèrn se produga pacificament, mas qu’aquò depend de Borisov.
 
Mentretant, lo primièr ministre a obtengut lo sosten de l’Assemblada Nacionala bulgara per aviar una reforma de la Constitucion que li permetrà de ganhar de temps e de se manténer al poder fins a las eleccions legislativas de l’an que ven.
 
Ça que la, lo president del país, Rumen Radev, a exigit la demission del govèrn e la dissolucion del parlament.

 
 
 
 
 

 
 


abonar los amics de Jornalet

 

 

Etiquetas

Jornalet es possible gràcias al sosten economic e jornalistic dels legeires e benevòls. Se lo podètz sosténer en venent sòci dels Amics del Jornalet o de l'Associacion ADÒC, o tot simplament en fasent un don, atal contribuiretz a far un mèdia mai independent e de melhora qualitat.

Bandièra05 1180x150: PUBLICITAT

Comentaris

Franc Bardòu
1.

Aver de ligams amb l’oligarquia economica del país ? Mas… aquò es la quita definicion d'una politica neoliberala, non ? Totes los elegits d'Euròpa, essent lo còst de sa campanha electorala del biais mediatic actual, non pòdon res mens qu'aver "ligams amb l'oligarquia del país" !… Puèi, un còp elegits, non pòdon res mens que de servir los interèsses privats contra l'evidéncia de l'interès public ! Es una evedéncia.

  • 7
  • 1

Escriu un comentari sus aqueste article