Actualitats
Tornar ligar los canals al territòri
Ueitena edicion del viatge que cèrca de tornar nosar los ligams entre los canals e los territòris traversats
Alan Roch
Aquò es l’objectiu del Viatge entre las Doas Mars prepausat per l’ueiten còp per l’associacion Viure lo Canal (puslèu: Vivre le Canal) amb lo viatge que religa Bordèu al nòrd de Lion, viatge entamenat a Omps (lo 18 d’agost), puèi Castèlnau d’Arri (lo 21 d’agost), Damasan (lo 3 de setembre), Castèths Andòrta (lo 6 de setembre) e que se va persègre amb d’estapas a Bordèu (8 al 13 de setembre), Agen (16 de setembre), Tolosa (19 al 24 de setembre), Lo Somalh (28 de setembre), Seta (del 1èr al 3 d’octobre), puèi fòra Occitània: Lion (9 al 12 d’octobre), Chalon (15 e 16 d’octobre) e fin del viatge a St Jean de Losne (18 al 20 d’octobre).
La tòca del viatge
La tòca primièra del viatge es de tornar nosar los ligams entre los canals e los territòris traversats. Lo canal de Riquet es benlèu marcat al patrimòni mondial de l’UNÈSCO, mas se deuriá pas acontentar d’èsser liurat d’un biais quasi complet al sol torisme fluvial portat mai que mai per d’entrepresas anglesas!
LoTourmentees una polida gabarra…
La gabarra Le Tourmente, aqueles que seguisson los espectacles del festenal Convivéncia la coneisson, vist qu’acompanha cada an lo debanament dels espectacles.
La gabarra va fièrament sus sos 90 ans. Nasquèt en 1935 dins un talhièr olandés, a Millingen. S’apelava Coaltar e amb son besson Bitumen transportavan de quitran liquid entre las rafinariás de Blaia e Tolosa. En 1975, càmbia de nom (l’OÔ) e de mestièr : servís per tirar sablas e gravas de Garona. I pren qualques trucs que ne pòrta encara las marcas. En 2000, es crompat per un projècte associatiu que veirà pas lo jorn. Es aquí que ven lo Tourmente: crompat per de batelièrs novèls que lo vòlon tornar a sa foncion iniciala, lo transpòrt de mèrças. En 2007, mena de vin de Besièrs a Bordèu.
Acompanha dempuèi 2001 lo festenal Convivéncia e pren part a de manifestacions bèlas per far conèisser la batelariá, non solament son istòria mas tanben las perspectivas dobèrtas pels combats ecologics pel climat: participacion al Congrès Mondial dels Canals (Tolosa, 2013), viatge Bordèu-París a l’escasença de la COP-21 (2015)…
Long del viatge
Menat pel capitani Joan-Marc Samuèl e segondat per la comunicacion per Catarina Jauffred (qu’èra fa gaire cap-redactritz de La Semaine du Minervois), la gabarra es doncas partida dins un viatge novèl per ligar Mar Granda e Mar Nòstra e mesclar la cultura, las animacions, los rescontres amb la question economica de las solucions e proposicions pels transpòrts de mèrças e las problematicas ecologicas.
A cada estapa:
Se pòt montar a res-non-còsta sus la gabarra cada jorn a cada estapa de 10 oras del matin a 7 oras del vèspre.
LoTourmentevos espèra!
Avètz pas lo pè marin? Fa pas res: profeitatz del pasastge de la gabarra per vos entresenhar, descobrir un passat ric, una accion al present e de perspectivas ciutadanas per deman.
Alan Roch
La tòca del viatge
La tòca primièra del viatge es de tornar nosar los ligams entre los canals e los territòris traversats. Lo canal de Riquet es benlèu marcat al patrimòni mondial de l’UNÈSCO, mas se deuriá pas acontentar d’èsser liurat d’un biais quasi complet al sol torisme fluvial portat mai que mai per d’entrepresas anglesas!
LoTourmentees una polida gabarra…
La gabarra Le Tourmente, aqueles que seguisson los espectacles del festenal Convivéncia la coneisson, vist qu’acompanha cada an lo debanament dels espectacles.
La gabarra va fièrament sus sos 90 ans. Nasquèt en 1935 dins un talhièr olandés, a Millingen. S’apelava Coaltar e amb son besson Bitumen transportavan de quitran liquid entre las rafinariás de Blaia e Tolosa. En 1975, càmbia de nom (l’OÔ) e de mestièr : servís per tirar sablas e gravas de Garona. I pren qualques trucs que ne pòrta encara las marcas. En 2000, es crompat per un projècte associatiu que veirà pas lo jorn. Es aquí que ven lo Tourmente: crompat per de batelièrs novèls que lo vòlon tornar a sa foncion iniciala, lo transpòrt de mèrças. En 2007, mena de vin de Besièrs a Bordèu.
Acompanha dempuèi 2001 lo festenal Convivéncia e pren part a de manifestacions bèlas per far conèisser la batelariá, non solament son istòria mas tanben las perspectivas dobèrtas pels combats ecologics pel climat: participacion al Congrès Mondial dels Canals (Tolosa, 2013), viatge Bordèu-París a l’escasença de la COP-21 (2015)…
Long del viatge
Menat pel capitani Joan-Marc Samuèl e segondat per la comunicacion per Catarina Jauffred (qu’èra fa gaire cap-redactritz de La Semaine du Minervois), la gabarra es doncas partida dins un viatge novèl per ligar Mar Granda e Mar Nòstra e mesclar la cultura, las animacions, los rescontres amb la question economica de las solucions e proposicions pels transpòrts de mèrças e las problematicas ecologicas.
A cada estapa:
— se pòt véser una mòstra “De la tira a l’idrogèn”, amb la part istòrica e la part prospectiva de las possibilitats d’utilizacion d’un idrogèn verd.
— descobriretz los produits regionals mercé al comptador, produits qu’an evitat lo transpòrt per la rota.
— lo plastician-filosòf Franck Dautais s’es fait membre de l’esquipatge (marinièr!) per presentar sos automatas sul tèma de la descreissença e téner un blòg.
— a cèrtas estapas Tolosa, Seta e Lion (aprèp Omps), de rescontres se tendràn sul tèma “Fluvial e territòri”. Se parlarà tanben de circuits corts, de planificacion dels transpòrts,…
— descobriretz los produits regionals mercé al comptador, produits qu’an evitat lo transpòrt per la rota.
— lo plastician-filosòf Franck Dautais s’es fait membre de l’esquipatge (marinièr!) per presentar sos automatas sul tèma de la descreissença e téner un blòg.
— a cèrtas estapas Tolosa, Seta e Lion (aprèp Omps), de rescontres se tendràn sul tèma “Fluvial e territòri”. Se parlarà tanben de circuits corts, de planificacion dels transpòrts,…
Se pòt montar a res-non-còsta sus la gabarra cada jorn a cada estapa de 10 oras del matin a 7 oras del vèspre.
LoTourmentevos espèra!
Avètz pas lo pè marin? Fa pas res: profeitatz del pasastge de la gabarra per vos entresenhar, descobrir un passat ric, una accion al present e de perspectivas ciutadanas per deman.
Alan Roch
Jornalet es possible gràcias al sosten economic e jornalistic dels legeires e benevòls. Se lo podètz sosténer en venent sòci dels Amics del Jornalet o de l'Associacion ADÒC, o tot simplament en fasent un don, atal contribuiretz a far un mèdia mai independent e de melhora qualitat.
I a pas cap de comentari
Vòstre comentari es a mand d’èsser validat. Per terminar lo procès de validacion, vos cal encara clicar sul ligam qu’anatz recebre per e-mail a l’adreiça qu’avètz indicada.
Escriu un comentari sus aqueste article
Senhala aqueste comentari