Actualitats
Mai del 90% d’abitants de l’oèst d’Occitània vòlon de politicas lingüisticas per l’occitan
Segon l’enquista sociolingüistica de l’ÒPLO, l’81% dels sondats vòlon l’ensenhament e la lenga a l’escòla, de la mairala al licèu
Los abitants de l’oèst d’Occitània vòlon majoritàriament de mèdias en occitan, e d’occitan dins los mèdias, e plan mai d’ensenhament de la lenga dins las escòlas. Dins aquel sens, l’81% son favorables al desvolopament d’una ofèrta d’ensenhament de l’occitan de la mairala al licèu. Aquelas donadas sortisson de l’enquista sociolingüistica realizada per l’Ofici Public de la Lenga Occitana (ÒPLO) dins las comunas occitanofònas de las regions dichas Occitània e Nòva Aquitània e dins la Val d’Aran.
Segon aquel sondatge es en Bearn, Gavaudan e Roergue ont la lenga ten mai de locutors —franc de la Val d’Aran—. Aqueles païses son los que tenon mai d’occitan dins las escòlas. De conclure doncas, que l’occitan a l’escòla es essencial a la subrevivéncia de la lenga, o que la subrevivéncia de la lenga es essenciala a l’ofèrta de l’occitan a l’escòla.
De notar que l’ÒPLO contribuís al desvolopament de l’occitan dins l’educacion amb de dispositius dedicats, en publicant de manuals escolars, en finançant lo doblatge de dessenhs animats e sèrias, en finançant de libres per joves, en organitzant de jornadas occitanas dins los collègis e licèus e amb de borsas pels estudiants e per la formacion dels ensenhaires.
Lo 90% vòlon de politicas lingüisticas
En junh passat, l’Ofici Public de la Lenga Occitana presentèt un avançament de l’enquista sociolingüistica de l’occitan ont podiam ja remarcar que mai del 90% dels sondats volián de politicas lingüisticas per l’occitan (lo 99% en Aran). Ara se ven de publicar los resultats definitius.
Un 61% de locutors en Aran, un sus cent dins la rèsta del país
Lo sondatge, realizat per telefòn sus mai de 8000 personas, soslinha lo melhor estat de l’occitan en Aran, ont lo 61% dels interrogats parla la lenga del temps que solament un sus cent la parla dins la rèsta dels territòris. Dins aquel sens, durant la presentacion se reconeguèt l’importància de las politicas lingüisticas aplicadas en Aran ont es lenga veïculara dins l’educacion e lenga d’usatge preferencial de l’administracion publica.
Los escambis telefonics s’entamenèron en francés o en espanhòl, puèi se perseguiguèron en occitan, pel mond qu’avián declarat mestrejar la lenga per fin de testimoniar de lor occitanofonia.
Lo nom de la lenga es occitan, quitament en Aran
Quant al nom de la lenga, tanben l’immensa majoritat preferisson la denominacion “occitan”: un 82% en Nòva Aquitània, un 92% dins la region qu’a pres lo nom d’Occitània e un 73% en Aran.
Qualques donadas clau
D’analisis qualitativas complementàrias
Dins un segond temps, l’ÒPLO a anonciat que metriá en perspectiva las donadas del sondatge sus de draias d’analisis qualitativas complementàrias. A mai, dos cercaires quebequeses especializats en sociolingüistica rescontraràn un panèl de seissanta personas sortidas de las convèrsas telefonicas per abordar mai en detalh la relacion que ligan los occitanofòns a la lenga, lor nivèl d’estacament afectiu, la question de la transmission de la lenga, mas tanben per fin de comprene los empediments rescontrats pels non-occitanofòns.
Amb aquela òbra, l’ÒPLO espèra d’aver una melhora coneissença dels blocatges e de poder aital favorizar, per una transmission e un usatge pus grand de l’occitan, l’aument del nombre de locutors. Tanben se vòl trobar quinas son las representacions associadas a l’ensenhament de l’occitan, perqué los parents causisson d’escolarizar lor enfant en cursus bilingüe (immersiu o non), perqué aqueles percorses se perseguisson fins al licèu o perqué de còps s’estancan.
Segon aquel sondatge es en Bearn, Gavaudan e Roergue ont la lenga ten mai de locutors —franc de la Val d’Aran—. Aqueles païses son los que tenon mai d’occitan dins las escòlas. De conclure doncas, que l’occitan a l’escòla es essencial a la subrevivéncia de la lenga, o que la subrevivéncia de la lenga es essenciala a l’ofèrta de l’occitan a l’escòla.
De notar que l’ÒPLO contribuís al desvolopament de l’occitan dins l’educacion amb de dispositius dedicats, en publicant de manuals escolars, en finançant lo doblatge de dessenhs animats e sèrias, en finançant de libres per joves, en organitzant de jornadas occitanas dins los collègis e licèus e amb de borsas pels estudiants e per la formacion dels ensenhaires.
Lo 90% vòlon de politicas lingüisticas
En junh passat, l’Ofici Public de la Lenga Occitana presentèt un avançament de l’enquista sociolingüistica de l’occitan ont podiam ja remarcar que mai del 90% dels sondats volián de politicas lingüisticas per l’occitan (lo 99% en Aran). Ara se ven de publicar los resultats definitius.
Un 61% de locutors en Aran, un sus cent dins la rèsta del país
Lo sondatge, realizat per telefòn sus mai de 8000 personas, soslinha lo melhor estat de l’occitan en Aran, ont lo 61% dels interrogats parla la lenga del temps que solament un sus cent la parla dins la rèsta dels territòris. Dins aquel sens, durant la presentacion se reconeguèt l’importància de las politicas lingüisticas aplicadas en Aran ont es lenga veïculara dins l’educacion e lenga d’usatge preferencial de l’administracion publica.
Los escambis telefonics s’entamenèron en francés o en espanhòl, puèi se perseguiguèron en occitan, pel mond qu’avián declarat mestrejar la lenga per fin de testimoniar de lor occitanofonia.
Lo nom de la lenga es occitan, quitament en Aran
Quant al nom de la lenga, tanben l’immensa majoritat preferisson la denominacion “occitan”: un 82% en Nòva Aquitània, un 92% dins la region qu’a pres lo nom d’Occitània e un 73% en Aran.
Qualques donadas clau
— Locutors: 66% d’òmes, 56% en zòna rurala, 66 ans en mejana.
— Lo 70% d’occitanofòns an apresa la lenga en familha.
— Lo 30% dels parents amb de nocions d’occitan las an transmesas a lors enfants.
— Lo 66% dels entrevistats an almens una persona que parla/parlava occitan dins lor entorn.
— Lo 14% dels parents d’enfants de mens de 18 ans declaran que lors enfants seguisson o an seguit de corses d’occitan.
— Lo 70% d’occitanofòns an apresa la lenga en familha.
— Lo 30% dels parents amb de nocions d’occitan las an transmesas a lors enfants.
— Lo 66% dels entrevistats an almens una persona que parla/parlava occitan dins lor entorn.
— Lo 14% dels parents d’enfants de mens de 18 ans declaran que lors enfants seguisson o an seguit de corses d’occitan.
D’analisis qualitativas complementàrias
Dins un segond temps, l’ÒPLO a anonciat que metriá en perspectiva las donadas del sondatge sus de draias d’analisis qualitativas complementàrias. A mai, dos cercaires quebequeses especializats en sociolingüistica rescontraràn un panèl de seissanta personas sortidas de las convèrsas telefonicas per abordar mai en detalh la relacion que ligan los occitanofòns a la lenga, lor nivèl d’estacament afectiu, la question de la transmission de la lenga, mas tanben per fin de comprene los empediments rescontrats pels non-occitanofòns.
Amb aquela òbra, l’ÒPLO espèra d’aver una melhora coneissença dels blocatges e de poder aital favorizar, per una transmission e un usatge pus grand de l’occitan, l’aument del nombre de locutors. Tanben se vòl trobar quinas son las representacions associadas a l’ensenhament de l’occitan, perqué los parents causisson d’escolarizar lor enfant en cursus bilingüe (immersiu o non), perqué aqueles percorses se perseguisson fins al licèu o perqué de còps s’estancan.
Jornalet es possible gràcias al sosten economic e jornalistic dels legeires e benevòls. Se lo podètz sosténer en venent sòci dels Amics del Jornalet o de l'Associacion ADÒC, o tot simplament en fasent un don, atal contribuiretz a far un mèdia mai independent e de melhora qualitat.
La situacion es plan desparièra segon los territòris entre regions e despartaments e segurament comunas e mai que mai entre ciutats e campèstre. Pensi que tot es pas encara fotut mes que sonque los territoris que faran una politica linguistica e culturala sufisenta per tornar trapar locutors podran capitar (objectiu 30% de locutors per tornar creisser). A l'ora d'ara es clar que i a sonque 2 regions "Aquitània novèla" e "Occitània Pirenèus-Miègterrana" que fan un minimum e pauc de despartaments: Roèrgue, Tarn, Bearn e Bigòrra e encara. Mes se va jogar dins aquelas zònas e d'en primièr al campèstre per tornar un jorn o cal esperar dins las ciutats. Avèm donc de cambiar prigondament d'estrategia dins la reconquista, ciblar de zònas ruralas ont podèm capitar e i concentrar nòstres esfòrces a l'encòp sus la cultura que noiris la lenga, lo prealable, e sus de politicas francament linguisticas per son emplec normalizat dins la societat.
#2#6 D'efièch, s'òm me disia qu'aquela sembla-enquista es res de mai qu'un còp d'esbrofa de l'OPLO per ensajar de far doblidar son bilanç pietados ne seriai pas pus espantat qu'escalustrat. Quand a Aran, ultim luòc majoritàriament occitanofòn d'Occitània, aürosament que compta pas sus l'OPLO per servar e promoùre sa lenga !
Aquesta enquèsta sembla mai una campanha de comunicacion de l'OPLO per ela meteissa que res mai. E es dangierosa perque buta los occitans a s'aconsomir, dins l'estil lenifiant del Balladur d'autres còps : dormissètz brave mond que tot va plan.
#4 E ben òc ! 90% voldrián una politica d'ensenhament fòrta per la lenga ? E quand manifestam, los 90%, ont son ? Nos comptam sonque un ponherat… Imaginatz, 90% de 16 000 000 milions de personas, manifestant per la lenga a l'escòla, amassa ? Dins seriám pas dins lo merdièra ont calcam cada jorn !
#2 E per aquesta rason, efectivament, a ieu tanben, las interpretacions me semblan dobtosas.
Los occitans meritan una politica lingüistica ambiciosa.
Mas d'un autre latz meritan tanben un emplastre.
Un bon emplastre coma cal, un de plan margat, un bon parelh de vira-vai-te'n.
E aquò's tanben la vertat vertadièra.
Vòstre comentari es a mand d’èsser validat. Per terminar lo procès de validacion, vos cal encara clicar sul ligam qu’anatz recebre per e-mail a l’adreiça qu’avètz indicada.
Escriu un comentari sus aqueste article
Senhala aqueste comentari