Actualitats
Riad: es acabat lo jutjament per l’assassinat del jornalista Jamal Khashuqji
La justícia saudita a anullat las penas capitalas dels condemnats. L’ÒNU, Reportèrs sens Frontièras e la familha del jornalista mòrt planhon que lo procès siá estat una farça
Es acabat en Arabia Saudita lo jutjament per l’assassinat del jornalista Jamal Khashuqji (sovent transcrich Khashoggi). Los cinc condemnats a la pena capitala ara auràn sonque 20 ans de preson, car los filhs del jornalista assassinat lor aurián perdonat. Quant als autres acusats del procès, un es condemat a 10 ans e los autres dos a 7 ans de preson. Lo nom de cap dels condemnats es pas estat raportat.
Khashuqji foguèt assassinat dins lo consolat saudian a Istambol en octòbre de 2018 per un comando qu’èra exprèssament partit del reialme arabi, pretendudament amb l’intencion de lo convéncer que tornèsse al país, perque viviá en exili als Estats Units. L’afar damatgèt fòrça l’imatge internacional de la monarquia saudiana, mai que mai del prince eiretièr Muhammad Bin Salman. L’ÒNU assegurèt qu’aviá de pròvas qu’implicarián lo prince.
De fach, la nauta comissària de las Nacions Unidas per las execucions extrajudiciàrias, Agnes Callamard, a dich qu’aqueste jutjament es “un acte de mai en aquesta parodia de la justícia”.
Quant a la calinhaira del jornalista assassinat, a dich que s’agís d’una “completa trufariá de la justíca” e a denonciat que degun sap pas encara qual ne comandèt l’assassinat ni mai ont es lo còrs de l’òme que deviá èsser son marit.
De son latz, l’ONG Reportèrs sens Frontièras a criticat que lo procès se siá debanat sens public ni jornalistas e qu’aja pas permés de conéisser la vertat sus çò que se passèt lo 2 d’octòbre de 2018 al consolat.
Mentretant en Turquia, se jutja, en lor abséncia, una vintena de ciutadans saudians per aquel crime. Demest los acusats i a un ancian cap dels servicis secrets del reialme arabi.
Khashuqji foguèt assassinat dins lo consolat saudian a Istambol en octòbre de 2018 per un comando qu’èra exprèssament partit del reialme arabi, pretendudament amb l’intencion de lo convéncer que tornèsse al país, perque viviá en exili als Estats Units. L’afar damatgèt fòrça l’imatge internacional de la monarquia saudiana, mai que mai del prince eiretièr Muhammad Bin Salman. L’ÒNU assegurèt qu’aviá de pròvas qu’implicarián lo prince.
De fach, la nauta comissària de las Nacions Unidas per las execucions extrajudiciàrias, Agnes Callamard, a dich qu’aqueste jutjament es “un acte de mai en aquesta parodia de la justícia”.
Quant a la calinhaira del jornalista assassinat, a dich que s’agís d’una “completa trufariá de la justíca” e a denonciat que degun sap pas encara qual ne comandèt l’assassinat ni mai ont es lo còrs de l’òme que deviá èsser son marit.
De son latz, l’ONG Reportèrs sens Frontièras a criticat que lo procès se siá debanat sens public ni jornalistas e qu’aja pas permés de conéisser la vertat sus çò que se passèt lo 2 d’octòbre de 2018 al consolat.
Mentretant en Turquia, se jutja, en lor abséncia, una vintena de ciutadans saudians per aquel crime. Demest los acusats i a un ancian cap dels servicis secrets del reialme arabi.
#JamalKhashoggi: Ces verdicts n'ont aucune légitimité légale ou morale, au terme d'un procès qui n'était ni équitable ni juste ni transparent. https://t.co/1PjUrWgFmz
— Agnes Callamard (@AgnesCallamard) September 7, 2020
Articles relacionats
Jornalet es possible gràcias al sosten economic e jornalistic dels legeires e benevòls. Se lo podètz sosténer en venent sòci dels Amics del Jornalet o de l'Associacion ADÒC, o tot simplament en fasent un don, atal contribuiretz a far un mèdia mai independent e de melhora qualitat.
I a pas cap de comentari
Vòstre comentari es a mand d’èsser validat. Per terminar lo procès de validacion, vos cal encara clicar sul ligam qu’anatz recebre per e-mail a l’adreiça qu’avètz indicada.
Escriu un comentari sus aqueste article
Senhala aqueste comentari