Actualitats
Las Caus: ochanta ans après sa descobèrta
La bauma foguèt descobèrta lo 12 de setembre de 1940 per quatre adolescents: Marcel Ravidat, Jacques Marsal, Georges Agnel e Simon Coencas, acompanhats per un can nomenat Robòt
Lo 12 de setembre de 1940, quatre adolescents peiregòrds e un can descobriguèron un dels sits de pinturas rupèstras pus importants del Mond. En 1986, France 3 faguèt un reportatge en occitan sus la trobalha amb un dels protagonistas de la descobèrta.
Uèi fa exactament ochanta ans que se descobriguèt la bauma de Las Caus, que presenta un dels ensems de pinturas rupèstras pus importants de l’art paleolitic.
La bauma foguèt descobèrta lo 12 de setembre de 1940 per quatre adolescents: Marcel Ravidat, Jacques Marsal, Georges Agnel e Simon Coencas, acompanhats per un can nomenat Robòt que joguèt un ròtle màger dins la trobalha.
Los estudis del sit arqueologic an datat l’ocupacion umana devèrs l’an 15 000 abans lo Crist. Pendent longtemps foguèt considerat coma lo santuari rupèstre pus ancian, fins a la descobèrta de las baumas Chauvet (Bas Vivarés) e Cosquer (País Marselhés).
Dins lo vidèo que seguís, emés en 1986, lo jornalista Joan Bonafont de France 3 parla en occitan amb Marcel Ravidat en tot remembrar aquela descobèrta.
Articles relacionats
Jornalet es possible gràcias al sosten economic e jornalistic dels legeires e benevòls. Se lo podètz sosténer en venent sòci dels Amics del Jornalet o de l'Associacion ADÒC, o tot simplament en fasent un don, atal contribuiretz a far un mèdia mai independent e de melhora qualitat.
Mercés de nos aver mostrat aqueles dos tresaurs : lo contengut artistic de Las Caus, e la lenga escrincelanta de Marcel Ravidat !
Vòstre comentari es a mand d’èsser validat. Per terminar lo procès de validacion, vos cal encara clicar sul ligam qu’anatz recebre per e-mail a l’adreiça qu’avètz indicada.
Escriu un comentari sus aqueste article
Senhala aqueste comentari