Almens sèt personas mòrtas es lo tragic bilanç de la violéncia policièra en reprimissent las protèstas que se tenguèron dijòus passat a Bogotà (Colómbia). Las manifestacions avián començat pacificament e planhián la mòrt de l’avocat Javier Ordóñez, de 42 ans, entre las mans de la polícia que li apliquèt divèrsas descargas electricas amb un pistolet Taser.
 
L’arrestacion d’Ordóñez foguet enregistrada en vidèo e provoquèt la colèra dels ciutadans. Los imatges mòstran cossí l’avocat suplicava, en tornant dire “se vos plai”, que li infligiguèsson pas pus de descargas electricas. Los policièrs l’avián interpelat dins un contraròtle e acusat de beure d’alcòl per carrièras amb sos amics.
 
Los dos agents implicats dins lo crime son estats retirats del còrs e s’es dobèrta una enquista. Paralèllament, i a agut de manifestacions de protèsta en sièis endreches de la capitala e d’autres luòcs del país. Lo bilanç oficial rapòrta sèt personas tuadas, totas de manifestants.
 
Lo president de Colómbia e la consolessa màger de Bogotà an condemnat lo murtre d’Ordóñez e an demandat que se tolère pas los abuses policièrs.
 
 

Anoche la policía mató a Javier Ordóñez de 43 años en la ciudad de Bogotá. Lo tenían indefenso en el piso y le hicieron descargas eléctricas hasta ocasionarle la muerte y escuchando sus súplicas de que "por favor ya no más"

Esto no es EEUU,ni es George Floyd, es Colombia. pic.twitter.com/MVvYFPGY21

— David. (@DonIzquierdo_) September 9, 2020