Actualitats
Iran: an executat lo jove esportiu Navid Afkari
El e sos fraires èran estats condemnats per aver protestat contra lo govèrn e inculpats d'assassinat jos la tortura
L’execucion se tenguèt dissabte passat dins la preson d’ Adelabad, dins la vila de Shiraz, dins lo sud del país. Segon lo procuraire general de la província, Kazem Musavi, la senténcia s’apliquèt “davant l’insisténcia de la familha” de la victima.
La justícia iraniana aviá entamenat tres procediments contra Navid Afkari e sos fraires Vahid e Habib. Los arrestèron lo 17 de setembre de 2018, qualques jorns après qu’aguèron participat a una manifestacion illegala contra lo regim. Los acusèron de panatòri, d’enemistat contra Dieu e d’assassinat.
Acusats del murtre d’un agent dels servicis secrets
Navid Afkari l’acusèron de l’assassinat d’un agent dels servicis secrets iranians lo 2 d’agost de 2018 a Shiraz. Lo jutgèron dos tribunals, un penal e un religiós, e los dos lo condemnèron a mòrt. Son fraire Vahid foguèt condemnat a 56 ans de preson e Habib a 24 ans, per de delictes restacats a aquel meteis crime e per de delictes contra “la seguretat nacionala” per aver manifestat contra lo govèrn iranian en agost de 2018 e decembre de 2017. Las senténcias inclusián tanben una punicion de 74 foetadas per cadun.
De torturas
Segon Amnestia Internacionala, los tres fraires reconeguèron lo crime après de torturas. Los quites fraires Afkari o diguèron dins los diferents jutjaments que los patiguèron, mas cap dels jutges enquistèt sus aquelas torturas. Eles an totjorn dich qu’èran innocents.
Crida a la comunautat internacionala
Fa qualques jorns, Navid Afkari aviá demandat una revision judiciària de sa senténcia, mas la Cort Suprèma d’Iran o refusèt. Lo 3 de setembre passat, obtenguèt que se difusèsse suls rets socials un enregistrament de sa votz ont demandava l’ajuda de la comunautat internacionala.
Listen to Navid Afkari's plea for help!!!
— Freedom Messenger (@freedommesenger) September 12, 2020
After some days!!!
Political prisoner #NavidAfkari was executed this morning despite widespread international condemnation and public outrage.#StopExecutionsInIran@UNHumanRights@mbachelet@amnesty@USAdarFarsipic.twitter.com/AeRJA4Gb0J
#BREAKING : Iranian Wrestling champion #NavidAfkari has been executed for alleged murder of a state employee during the 2017-2018 anti regime protests.
— Ali Hamedani (@BBCHamedani) September 12, 2020
Human Rights groups says he was forced to confess under torture. pic.twitter.com/rNDRbnVBER
New @HRW analysis on #NavidAfkari’s unjust death sentence, reviewing key court documents+#Iran’s torture, forced confessions.@HRW calls for independent investigation—and fair retrial in accordance with human rights standards; by @sepehrifarhttps://t.co/yFbMk5TJr3 Please share! pic.twitter.com/5PBpzNCBMm
— Minky Worden (@MinkysHighjinks) September 12, 2020
Jornalet es possible gràcias al sosten economic e jornalistic dels legeires e benevòls. Se lo podètz sosténer en venent sòci dels Amics del Jornalet o de l'Associacion ADÒC, o tot simplament en fasent un don, atal contribuiretz a far un mèdia mai independent e de melhora qualitat.
Los acusèron d’enemistat contra Dieu ! Coma se lor dieu tot-poderós aviá besonhs d'aqueles mariòls per se far justícia ! Quina còla de parlicaires… A lor quite dieu non i entendon pas res.
Vòstre comentari es a mand d’èsser validat. Per terminar lo procès de validacion, vos cal encara clicar sul ligam qu’anatz recebre per e-mail a l’adreiça qu’avètz indicada.
Escriu un comentari sus aqueste article
Senhala aqueste comentari