Actualitats
Concors d’escritura Pèire Brayac
L’associacion Aquí l’Òc organiza un concors d’escritura en occitan que s’adreiça mai que mai als escolans dels departaments d’Òlt e Corresa
L’associacion Aquí l’Òc organiza un concors d’escritura en occitan dobèrt a totes e s’adreiça mai que mai als escolans dels departaments d’Òlt e Corresa; per aquela rason presenta cinc categorias: mairalas, elementàrias, collegians, liceans e adultes. Lo tèma retengut es un conte meravilhós elaborat en grops o individualament.
Los formularis d’inscripcion e lo reglament seràn enviats per e-mail a las escòlas de Carcin e dels païses de l’entorn. A mai, seràn tanben a disposicion del public a l’Espaci Occitan de Sant Seren (Limarga).
Las inscripcions al concors se dobriràn entre lo 16 de setembre e lo 16 d’octòbre e las òbras, escrichas individualament o collectivament, las caldrà mandar abans lo 12 de febrièr de 2021. La remesa dels prèmis aurà luòc dissabte 22 de mai de 2012 a Banas, près de Sant Seren, dins l’encastre del festenal Escambis.
La jurada serà compausada d’ensenhaires e escrivans d’aqueles dos departaments.
Aquí l’Òc es una associacion que son sèti es a Sant Seren (Limarga) e que sa tòca es de promòure e desvolopar la lenga e la cultura occitanas dins lo nòrd de Carcin. Tanben sosten l’escòla Calandreta l’Esquiròl. Vila de l’escrivan Pèire Brayac, Sant Seren sèrva de nombroses locutors d’occitan qu’an popat la lenga al brèç, e mai aculhís de corses d’occitan per adultes en mai de las classas d’occitan dins doas escòlas publicas, un collègi e un licèu.
Podètz vesitar lo sit Internet d’Aquí l’Òc e tanben lo grop de Facebook fòrça actiu.
Los formularis d’inscripcion e lo reglament seràn enviats per e-mail a las escòlas de Carcin e dels païses de l’entorn. A mai, seràn tanben a disposicion del public a l’Espaci Occitan de Sant Seren (Limarga).
Las inscripcions al concors se dobriràn entre lo 16 de setembre e lo 16 d’octòbre e las òbras, escrichas individualament o collectivament, las caldrà mandar abans lo 12 de febrièr de 2021. La remesa dels prèmis aurà luòc dissabte 22 de mai de 2012 a Banas, près de Sant Seren, dins l’encastre del festenal Escambis.
La jurada serà compausada d’ensenhaires e escrivans d’aqueles dos departaments.
Aquí l’Òc es una associacion que son sèti es a Sant Seren (Limarga) e que sa tòca es de promòure e desvolopar la lenga e la cultura occitanas dins lo nòrd de Carcin. Tanben sosten l’escòla Calandreta l’Esquiròl. Vila de l’escrivan Pèire Brayac, Sant Seren sèrva de nombroses locutors d’occitan qu’an popat la lenga al brèç, e mai aculhís de corses d’occitan per adultes en mai de las classas d’occitan dins doas escòlas publicas, un collègi e un licèu.
Podètz vesitar lo sit Internet d’Aquí l’Òc e tanben lo grop de Facebook fòrça actiu.
Jornalet es possible gràcias al sosten economic e jornalistic dels legeires e benevòls. Se lo podètz sosténer en venent sòci dels Amics del Jornalet o de l'Associacion ADÒC, o tot simplament en fasent un don, atal contribuiretz a far un mèdia mai independent e de melhora qualitat.
#1 "conquista" plan segur!
Cal felicitar l'associacion Aquí l'Òc que fa un brave trabalh d'ensenhament e de coquesta culturala (que le conservacion basta pas). Òsca companhs !
Vòstre comentari es a mand d’èsser validat. Per terminar lo procès de validacion, vos cal encara clicar sul ligam qu’anatz recebre per e-mail a l’adreiça qu’avètz indicada.
Escriu un comentari sus aqueste article
Senhala aqueste comentari