Actualitats
Navalni publica son primièr messatge e assegura que vòl tornar en Russia
L’opausant politic de Putin se tròba ara dins un espital de Berlin, ont los mètges an confirmat que patiguèt un empoisonament per un agent nerviós dich Novitox
L’opausant rus Alexei Navalni ven de publicar son primièr messatge public amb una fòto ont es acompanhat de sa familha. Ven de passar tres setmanas dins lo còma a causa d’un empoisonament per un agent nerviós. Dins lo messatge, publicat sus Instagram, ditz que pòt enfin respirar tot sol, çò qu’es una evolucion considerabla de son estat de santat.
Tanlèu garit, Navalni considèra de tornar en Russia, çò a dich als jornalistas. “Me sembla estranh que se pòsca pensar çò contrari”, çò a precisat, e mai siá lo segond còp que l’aurián intoxicat.
Navalni se tròba ara dins un espital de Berlin, ont los mètges an confirmat que patiguèt un empoisonament amb un agent nerviós dich Novitox, que lo govèrn alemand a remembrat que viòla grèvament la Convencion sus las Armas Quimicas. Mas Russia afortís totjorn que trobèron pas cap de substància quimica dins lo còrs de Navalni quand foguèt espitalizat en Sibèria abans d’èsser transportat devèrs la capitala alemanda.
De remarcar que lo Novitox es tanben la substància qu’intoxiquèt l’èx-espion rus Sergei Skripal.
Un aterratge d’emergéncia
Lo 20 d’agost passat, Alexei Navalni èra espitalizat en Siberia dins lo còma en seguida de son empoisonament. Tornava en avion de Moscòu, comencèt de se sentir mal e l’avion deguèt far un aterratge d’emergéncia a Omsk. Sospièchan que l’intoxicacion li venguèt dins un tè que prenguèt a l’aeropòrt de Tomsk, abans de prene l’avion. Tanlèu que los mètges russes aguèron assegurat que i aviá pas d’indicis d’empoisonament, la familha demandèt que lo transferiguèsson devèrs un espital de Berlin ont se tròba dempuèi 18 jorns.
Probable empoisonament fa un an
Fa un an, foguèt espitalizat per una allergia mentre qu’èra en preson. Alavetz, sa portavotz expausèt ja la paur de l’empoisonament car Navalni aviá pas jamai agut cap de reaccion allergica.
A aquel moment, Navalni e mai d’un milièr de personas foguèron encarcerats pendent un mes per aver promogut una manifestacion dins la quala aperaquí 20 000 personas avián protestat contra lo conselh electoral rus: d’efièch, aqueste aviá enebit divèrsas candidaturas d’oposicion a las eleccions legislativas. Tanben en 2017 l’avián arrestat a el e un centenat de manifestants que denónciavan la corrupcion del Kremlin.
Alexei Navalni es un activista anticorrupcion conegut. Es vengut l’opausant pus critic e ferme a Vladimir Putin. L’an arrestat mai d’un còp per sa dissidéncia politica e sa militància.
Tanlèu garit, Navalni considèra de tornar en Russia, çò a dich als jornalistas. “Me sembla estranh que se pòsca pensar çò contrari”, çò a precisat, e mai siá lo segond còp que l’aurián intoxicat.
Navalni se tròba ara dins un espital de Berlin, ont los mètges an confirmat que patiguèt un empoisonament amb un agent nerviós dich Novitox, que lo govèrn alemand a remembrat que viòla grèvament la Convencion sus las Armas Quimicas. Mas Russia afortís totjorn que trobèron pas cap de substància quimica dins lo còrs de Navalni quand foguèt espitalizat en Sibèria abans d’èsser transportat devèrs la capitala alemanda.
De remarcar que lo Novitox es tanben la substància qu’intoxiquèt l’èx-espion rus Sergei Skripal.
Un aterratge d’emergéncia
Lo 20 d’agost passat, Alexei Navalni èra espitalizat en Siberia dins lo còma en seguida de son empoisonament. Tornava en avion de Moscòu, comencèt de se sentir mal e l’avion deguèt far un aterratge d’emergéncia a Omsk. Sospièchan que l’intoxicacion li venguèt dins un tè que prenguèt a l’aeropòrt de Tomsk, abans de prene l’avion. Tanlèu que los mètges russes aguèron assegurat que i aviá pas d’indicis d’empoisonament, la familha demandèt que lo transferiguèsson devèrs un espital de Berlin ont se tròba dempuèi 18 jorns.
Probable empoisonament fa un an
Fa un an, foguèt espitalizat per una allergia mentre qu’èra en preson. Alavetz, sa portavotz expausèt ja la paur de l’empoisonament car Navalni aviá pas jamai agut cap de reaccion allergica.
A aquel moment, Navalni e mai d’un milièr de personas foguèron encarcerats pendent un mes per aver promogut una manifestacion dins la quala aperaquí 20 000 personas avián protestat contra lo conselh electoral rus: d’efièch, aqueste aviá enebit divèrsas candidaturas d’oposicion a las eleccions legislativas. Tanben en 2017 l’avián arrestat a el e un centenat de manifestants que denónciavan la corrupcion del Kremlin.
Alexei Navalni es un activista anticorrupcion conegut. Es vengut l’opausant pus critic e ferme a Vladimir Putin. L’an arrestat mai d’un còp per sa dissidéncia politica e sa militància.
Articles relacionats
Jornalet es possible gràcias al sosten economic e jornalistic dels legeires e benevòls. Se lo podètz sosténer en venent sòci dels Amics del Jornalet o de l'Associacion ADÒC, o tot simplament en fasent un don, atal contribuiretz a far un mèdia mai independent e de melhora qualitat.
Veni subre un autre jornal, francés (Libération), qu'en qualitat d'avogat, Navalni auriá ja lutat contra la corrupcion e la collusion entre estat, servicis secrets e mafia… Non sabi s'aquò constituís se es una linha politica (quid de la reparticion de las riquesas e dels poders ?), mas aquò pòt al mens meritar nòstra consideracion informativa.
L’opausant rus Alexei Navalni ?…
Bon : sembla qu'es en situacion de s'opausar a un governament fòrt e autoritari. Exactament coma los opausant a l'actual poder bielorús.
Mas, politicament, en qué s'opausa ? Quina es sa linha politica que li distinguiriá del sieu opausat, en defòra del fait de non èsser el ? Los politicians non son pas que mariòls. Los politicians non nos interèssan pas. Son las politicas que nos tafuran, que non oprimisson, nos aliènan o nos deliuran.
Vòstre comentari es a mand d’èsser validat. Per terminar lo procès de validacion, vos cal encara clicar sul ligam qu’anatz recebre per e-mail a l’adreiça qu’avètz indicada.
Escriu un comentari sus aqueste article
Senhala aqueste comentari