Chipre a mes son vèto a las sancions de l’Union Europèa contra lo govèrn bielorús d’Aleksandr Lukashenko fins que se faga la meteissa causa amb Turquia, per la disputa del gas en Mediterranèa.
 
Los ministres dels afars estrangièrs de l’UE s’amassèron diluns passat e dins l’òrdre del jorn se considerava d’establir una tièra de sancions contra Lukashenko e quaranta autres nauts responsables de son govèrn. Pasmens, Chipre volguèt pas aprovar aquelas sancions se n’i aviá pas contra lo regim d’Erdoğan. Dins lor reünion prevista per uèi, los caps europèus ensajaràn de superar aquel blocatge.
 
Los 27 convenguèron en agost d’aplicar de represalhas per la repression en Bielorussia e fa un mes que trabalhan sus una lista negra de responsables que veiràn gelats lors bens e que poiràn pas intrar a l’UE un còp que la decision serà ratificada.
 
L’UE non reconeis pas lo resultat de las eleccions del 9 d’agost en Bielorussia, pr’amor que considèra que “foguèron pas ni liuras ni justas” e a condemnat repetidament la violéncia de las autoritats bielorussas envèrs las protèstas dels ciutadans.
 
 

Indeed.Earlier, EU ministers agreed imposing sanctions on Turkey and Belarus.Cyprus favored sanctions against Lukashenko.List prepared.Calibrated policy towards Erdogan(Turkey), Lukashenko (Belarus) was at hand.Yesterday some partners changed stance.Cyprus is the victim.Facts. https://t.co/p3HT2IZQ0h

— Αλέξανδρος Μαλλιάς (@AlexMallias) September 22, 2020