Actualitats
Itàlia: los ciutadans an votat de reduire lo nombre de parlamentaris
Dins un referendum que se tenguèt dimenge e diluns passats, una larga majoritat votèt “òc” a la reduccion de 945 a 600 del nombre de parlamentaris
Los ciutadans italians vòlon mens de parlamentaris. Dins un referendum que se tenguèt dimenge e diluns passats, una larga majoritat votèt “òc” per la reduccion del nombre de parlamentaris de 945 a 600. Aquela proposicion la defendián los partits del govèrn, e mai que mai lo Movement 5 Estelas. Lo 55% dels ciutadans amb drech de vòte i participèron.
Los electors devián respondre “òc” o “non” a la question: “Aprovatz lo tèxt de la lei constitucionala sus las modificacions dels articles 56, 57 e 59 de la Constitucion sus la reduccion del nombre de parlamentaris?” Votèron “òc” lo 69,96% dels electors del temps que lo 30% respondèron “non”.
Per tant, dins la legislatura que ven, la Cambra dels Deputats aurà 400 membres en luòc dels 600 actuals del temps qu’al Senat los senators seràn 200 en placa dels 315 d’ara. Se calcula qu’atal lo tresaur italian estalviarà aperaquí 100 milions d’èuros per an.
Lo referendum se deviá téner en març passat, mas se reportèt a causa de la crisi sanitària de la covid-19.
Per e contra
Fòra del Movement 5 Estelas, volián la reduccion dels parlamentaris lo Partit Democrata, de centresquèrra e principal sòci de govèrn, e la pichona formacion d’esquèrra Liures e Egals. L’autre sòci del govèrn, Itàlia Viva, de l’èx-primièr ministre Mateo Renzi, daissava la libertat de vòte en considerant “inutila” la reforma.
L’ultradrecha de Matteo Salvini e los ultranacionalistas Fraires d’Itàlia sostenián tanben la reforma. Lo partit conservator Anem Itàlia de Berlusconi e de l’èx-president de l’eurocambra Antonio Trajani donava libertat de vòte, e mai considerèsse que la lei menaçava de “limitar la representativitat e reduire la democracia”: defendiá doncas lo “non” en pensant que l’estalvi seriá pas tan grand e qu’i auriá “de parts entièras del país” sens “representativitat territoriala”.
Eleccions regionalas
Lo referendum se faguèt al meteis moment que las eleccions regionalas de sèt regions. En Toscana, Campània e Polha s’es impausat lo centresquèrra del Partit Democrata del temps que la coalicion de drecha (Fraires d’Itàlia, Anem Itàlia e Liga) ganhava dins las regions de Venèt, Ligúria, Aòsta e las Marchas.
Los electors devián respondre “òc” o “non” a la question: “Aprovatz lo tèxt de la lei constitucionala sus las modificacions dels articles 56, 57 e 59 de la Constitucion sus la reduccion del nombre de parlamentaris?” Votèron “òc” lo 69,96% dels electors del temps que lo 30% respondèron “non”.
Per tant, dins la legislatura que ven, la Cambra dels Deputats aurà 400 membres en luòc dels 600 actuals del temps qu’al Senat los senators seràn 200 en placa dels 315 d’ara. Se calcula qu’atal lo tresaur italian estalviarà aperaquí 100 milions d’èuros per an.
Lo referendum se deviá téner en març passat, mas se reportèt a causa de la crisi sanitària de la covid-19.
Per e contra
Fòra del Movement 5 Estelas, volián la reduccion dels parlamentaris lo Partit Democrata, de centresquèrra e principal sòci de govèrn, e la pichona formacion d’esquèrra Liures e Egals. L’autre sòci del govèrn, Itàlia Viva, de l’èx-primièr ministre Mateo Renzi, daissava la libertat de vòte en considerant “inutila” la reforma.
L’ultradrecha de Matteo Salvini e los ultranacionalistas Fraires d’Itàlia sostenián tanben la reforma. Lo partit conservator Anem Itàlia de Berlusconi e de l’èx-president de l’eurocambra Antonio Trajani donava libertat de vòte, e mai considerèsse que la lei menaçava de “limitar la representativitat e reduire la democracia”: defendiá doncas lo “non” en pensant que l’estalvi seriá pas tan grand e qu’i auriá “de parts entièras del país” sens “representativitat territoriala”.
Eleccions regionalas
Lo referendum se faguèt al meteis moment que las eleccions regionalas de sèt regions. En Toscana, Campània e Polha s’es impausat lo centresquèrra del Partit Democrata del temps que la coalicion de drecha (Fraires d’Itàlia, Anem Itàlia e Liga) ganhava dins las regions de Venèt, Ligúria, Aòsta e las Marchas.
Jornalet es possible gràcias al sosten economic e jornalistic dels legeires e benevòls. Se lo podètz sosténer en venent sòci dels Amics del Jornalet o de l'Associacion ADÒC, o tot simplament en fasent un don, atal contribuiretz a far un mèdia mai independent e de melhora qualitat.
... Mas per participar dirèctament a las decisions, cal passar fòrça temps a debatre e sègre las discutidas. Per aquela rason, cal baissar lo temps de trabalh "classic" per o remplaçar per lo trabalh politic e comunal.
#1 Siai d'accòrdi. Nòstra representacion, tant coma per tota la planeta, es pas representativa perque son de profesionals de la politica. Al lòc de votar per de personas, deuriam votar per de programmas e tirar al sòrt (a la proporcionala) la representacion demest los sostens per cada programa. E gardar un contraròtle dirècte dels ciutadans subre eles.
Question complèxa : per ieu, un pòble democratic non se daissa representar, e practica al contrari la democracia dirècta, en participant dirèctament a las decisions comunas. Lo problèma de la representacion non es dins la quantitat, mas dins la qualitat, me sembla.
Vòstre comentari es a mand d’èsser validat. Per terminar lo procès de validacion, vos cal encara clicar sul ligam qu’anatz recebre per e-mail a l’adreiça qu’avètz indicada.
Escriu un comentari sus aqueste article
Senhala aqueste comentari