Brussèlas a prepausat un sistèma d’aculhença de refugiats a la carta. Es atal que la Comission Europèa (CE) vòl accelerar los demandas d’asil, mas tanben los retorns a la frontièra. Segon lo Pache Migratòri e de l’Asil, que lo presentèt l’executiu europèu dimècres passat, los païses de l’UE poiràn causir se vòlon acceptar de refugiats, collaborar a las repatriacions o aportar “un sosten operacional”.
 
Tanben, la Comission s’engatja a examinar “rapidament” a la frontièra las demandas de proteccion internacionala consideradas amb “paucas opcions” de ben capitar. E mai la CE aguèsse parlat d’abolir lo reglament de Dublin, lo pache sèrva l’element mai controversiat del sistèma actual: los païses d’arribada son los responsables de tractar las sollicitacions d’asil.
 
“Lo pache es pragmatic e realista”, çò a dich la presidenta de la CE, Ursula Von der Leyen. Brussèlas a reconegut que lo mecanisme se basa sus la “volontat” de cada país de contribuir als esfòrces d’aculhença, mas assegura que quand i aurà fòrça “pression” d’arribadas en un país, s’exigirà de “contribucions mai estrictas”.
 
“Totes los estats sens excepcion devon èsser solidaris”, çò defend la Comission. Totun, prepausa divèrsas opcions per contribuir a l’aculhença dels refugiats. Pòdon desplaçar de demandaires d’asil encalats dins de païses frontalièrs coma Itàlia o Grècia, executar de repatriacions o donar “un sosten operacional” a la gestion dels refugiats.
 
 
 

The Commission’s Pact on Migration and Asylum, which we are presenting today, offers a fresh start.

We know that we have to build trust between EU countries and citizens’ confidence that we can manage this as a Union.@vonderleyen on #MigrationEUhttps://t.co/N9FGbqWJSK

— European Commission  (@EU_Commission) September 23, 2020