Actualitats
L’èx-guerrilhièr Ishmael Toroama es vengut lo nòu president de Bougainville encargat de menar la region a l’independéncia
Lo govèrn de Papoa-Nòva Guinèa considèra que lo referendum independentista èra pas constrenhent, e se resistís a n’aplicar lo resultat
L’ancian comandant militar independentista Ishmael Toroama es, dempuèi divendres passat, lo president de la region autonòma de Bougainville, après aver ganhat las primièras eleccions après lo referendum d’independéncia de l’an passat, que lo ganhèron largament los partisans de l’estat independent.
Per Toroama, l’independéncia es la question centrala que cal resòlver lèu, e per aquela rason a prepausat un plan d’accion per i arribar dins un relambi de dos o tres ans. Totun, lo govèrn de Papoa Nòva Guinèa a ja mes en evidéncia que considèra que lo vòte foguèt pas constrenhent e qu’accèpta pas d’autrejar l’independéncia. De soslinhar qu’al referendum participèt lo 87,6% de la lista electorala e que lo 98% dels vòtes se declarèt en favor de l’independéncia.
Lo referendum foguèt lo resultat dels acòrdis de patz de 2001, que conclusián un decenni de guèrra qu’aviá daissat un bilanç de vint mila mòrts (lo 10% de la populacion) e lo transferiment de quinze mila personas dins de camps de refugiats e a las Illas Salomon. Ishmael Toroama foguèt un dels protagonistas d’aquel procès en defendent fermament la patz dins l’Armada Revolucionària de Bougainville. Ara deurà negociar tornarmai amb lo govèrn papó, que se resistís a pèrdre una de las regions mai ricas en ressorsas.
Per Toroama, l’independéncia es la question centrala que cal resòlver lèu, e per aquela rason a prepausat un plan d’accion per i arribar dins un relambi de dos o tres ans. Totun, lo govèrn de Papoa Nòva Guinèa a ja mes en evidéncia que considèra que lo vòte foguèt pas constrenhent e qu’accèpta pas d’autrejar l’independéncia. De soslinhar qu’al referendum participèt lo 87,6% de la lista electorala e que lo 98% dels vòtes se declarèt en favor de l’independéncia.
Lo referendum foguèt lo resultat dels acòrdis de patz de 2001, que conclusián un decenni de guèrra qu’aviá daissat un bilanç de vint mila mòrts (lo 10% de la populacion) e lo transferiment de quinze mila personas dins de camps de refugiats e a las Illas Salomon. Ishmael Toroama foguèt un dels protagonistas d’aquel procès en defendent fermament la patz dins l’Armada Revolucionària de Bougainville. Ara deurà negociar tornarmai amb lo govèrn papó, que se resistís a pèrdre una de las regions mai ricas en ressorsas.
Articles relacionats
Jornalet es possible gràcias al sosten economic e jornalistic dels legeires e benevòls. Se lo podètz sosténer en venent sòci dels Amics del Jornalet o de l'Associacion ADÒC, o tot simplament en fasent un don, atal contribuiretz a far un mèdia mai independent e de melhora qualitat.
Lo president de P-N-G a pres conselh al prèp del govèrnament espanhòl ?
Lo govèrn de Papoa Nòva Guinèa a ja mes en evidéncia que considèra que lo vòte foguèt pas constrenhent e qu’accèpta pas d’autrejar l’independéncia : aquí un messatge d'espèr per totes los castilhans que non sostenon lo separatisme catalan : los daissar votar, enfin, mai que de los trucassar lo cap e de los embarrar per delicte d'opinion, puèi un còp l'ndependéncia causida per via referedari, declarar oficialament que non es contrenhent. França a ja procedit aital amb la constitucion europèa antidemocratica. Los exagoneses votèron non, puèi, tranquillament, lo èxte refusat a pro pena modificat, Sarkozy lo faguèt passar en fòrça dins lo tractat de Lisbona.
Totes aqueles arlètis se chautan de la quita nocion de democracia…
Vòstre comentari es a mand d’èsser validat. Per terminar lo procès de validacion, vos cal encara clicar sul ligam qu’anatz recebre per e-mail a l’adreiça qu’avètz indicada.
Escriu un comentari sus aqueste article
Senhala aqueste comentari